بُطْرُسْ الأُولَى 5:12 - العهد الجديد بالدارجة التونسية 2022

¹² سِلْوَانُسْ الِّي بِالنِّسْبَة لِيَّا خُويَا الأَمِينْ، هُوَّ الِّي كْتِبْلِي رِسَالْتِي القْصِيرَة هَاذِي، الِّي حَبِّيتْ نْشَجَّعْكُمْ بِيهَا ونِشْهْدِلْكُمْ الِّي النِّعْمَة الِّي تِتْمَتْعُوا بِيهَا، هِيَّ نِعْمِةْ اللَّهْ الحَقِيقِيَّة، مَالَا إِثْبْتُوا فِيهَا.

بُطْرُسْ الأُولَى 5:12 ပူးပေါင်းရင်းမြစ်များ

يُوحَنَّا 21:21

وَقْتِلِّي شَافُو بُطْرُسْ قَالْ لْيَسُوعْ: «وهَاذَا يَا رَبْ، آشْ بَاشْ يْصِيرْلُو؟».

أَعْمَالْ 11:23

وَقْتِلِّي وْصُلْ وشَافْ كِيفَاشْ اللَّهْ نْعِمْ عْلِيهُمْ، فْرَحْ بَرْشَة، ووَصَّاهُمْ بَاشْ يْشِدُّوا صْحِيحْ فِي الرَّبْ، مِنْ كُلْ قْلُوبْهُمْ.

أَعْمَالْ 15:22

يَاخِي قَرْرُوا الرُّسُلْ والشْيُوخْ والنَّاسْ الكُلْ الِّي فِي الكْنِيسَة بَاشْ يِخْتَارُوا زُوزْ رْجَالْ مِالإِخْوَة ويَبْعْثُوهُمْ مْعَ بُولِسْ وبَرْنَابَا لْأَنْطَاكْيَة. وَلَّاوْ إِخْتَارُوا يَهُوذَا الِّي يْعَيْطُولُو بَارْسَابَا وسِيلَا، الِّي كَانُوا يِعْتَبْرُوهُمْ مِالقَادَة.

أَعْمَالْ 20:24

آنَا حْيَاتِي مَا تْهِمْنِيشْ، الِّي يْهِمْنِّي هُوَّ إِنِّي نْقُومْ بْمُهِمْتِي ونْكَمِّلْ الخِدْمَة الِّي كَلَّفْنِي بِيهَا الرَّبْ يَسُوعْ، وهِيَّ إِنِّي نْخَبِّرْ بِبْشَارِة نِعْمِةْ اللَّهْ.

رُومَا 5:2

وبِيهْ نَجَّمْنَا نُدْخْلُوا بِالإِيمَانْ لِلنِّعْمَة الِّي أَحْنَا فِيهَا تَوَّا، ونِفْرْحُوا الِّي عَنْدْنَا رْجَى، الِّي أَحْنَا بِشْ نْشَارْكُوا فِي مَجْدْ اللَّهْ.

كُورِنْثُوسْ الأُولَى 15:1

نْذَكَّرْكُمْ، يَا خْوَاتِي، بِالبْشَارَة الِّي بَشَّرْتْكُمْ بِيهَا، ولِّي قْبِلْتُوهَا ومَزِّلْتُوا ثَابْتِينْ فِيهَا،

كُورِنْثُوسْ الثَّانْيَة 1:19

عْلَى خَاطِرْ يَسُوعْ المَسِيحْ إِبْنْ اللَّهْ الِّي بَشِّرْنَاكُمْ بِيهْ، آنَا وسِلْوَانُسْ وتِيمُوثَاوُسْ، مَا كَانِشْ نْعَمْ ولَا فِي نَفْسْ الوَقْتْ، آمَا كَانْ دِيمَا نْعَمْ.

كُورِنْثُوسْ الثَّانْيَة 1:24

رَانَا مَا نْحِبُّوشْ نِتْحَكْمُوا فِي إِيمَانْكُمْ، آمَا نْحِبُّوا نِخْدْمُوا مْعَاكُمْ بَاشْ تِفْرْحُوا، عْلَى خَاطِرْكُمْ ثَابْتِينْ فِي الإِيمَانْ.

أَفَسُسْ 3:3

وكِيفَاشْ بِالوَحْيْ كْشِفْلِي السِّرْ هَاذَا، كِيمَا كْتِبْتِلْكُمْ قْبَلْ بِإِخْتِصَارْ.

أَفَسُسْ 6:21

وبِالنِّسْبَة لْأَحْوَالِي وأَخْبَارْ خِدْمْتِي، تَوْ يَحْكِيلْكُمْ عْلِيهَا تِيخِيكُسْ، الخُو المَحْبُوبْ والخَادِمْ الأَمِينْ فِي الرَّبْ،

كُولُوسِي 1:7

وهَاذَا تْعَلَّمْتُوهْ مِنْ أَبَفْرَاسْ، شْرِيكْنَا المَحْبُوبْ فِي خِدْمِةْ الرَّبْ، والخَادِمْ الأَمِينْ لِلْمَسِيحْ بِينَاتْكُمْ.

كُولُوسِي 4:7

آمَا بِالنِّسْبَة لْأَحْوَالِي، تَوَّا يْخَبَّرْكُمْ عْلِيهَا تِيخِيكُسْ، خُونَا المَحْبُوبْ، الخَادِمْ الأَمِينْ وشْرِيكْنَا فِي خِدْمِةْ الرَّبْ.

كُولُوسِي 4:9

وبْعَثْتْ مْعَاهْ أُونُسِيمُوسْ، خُونَا الأَمِينْ المَحْبُوبْ، ولِّي هُوَّ وَاحِدْ مِنْكُمْ. وهُومَا تَوْ يَحْكِيولْكُمْ عَلِّي قَاعِدْ يْصِيرْ هُونِي لْكُلْ.

تْسَالُونِيكِي الأُولَى 1:1

مِنْ بُولِسْ وسِلْوَانُسْ وتِيمُوثَاوُسْ لْكِنِيسِةْ تْسَالُونِيكِي التَّابْعَة لِلَّهْ الآبْ ولِلرَّبْ يَسُوعْ المَسِيحْ. لِيكُمْ النِّعْمَة والسَّلَامْ مِنْ عَنْدْ اللَّهْ بُونَا والرَّبْ يَسُوعْ المَسِيحْ.

تْسَالُونِيكِي الثَّانْيَة 1:1

مِنْ بُولِسْ وسِلْوَانُسْ وتِيمُوثَاوُسْ لِكْنِيسِةْ تْسَالُونِيكِي، المُؤْمْنِينْ بِاللَّهْ بُونَا وبِالرَّبْ يَسُوعْ المَسِيحْ.

العِبْرَانِيِّينْ 13:22

نُطْلُبْ مِنْكُمْ يَا خْوَاتِي، بَاشْ تِتْقَبْلُوا كْلَامْ التَّشْجِيعْ هَاذَا، ورَانِي كْتِبْتْهُولْكُمْ بْإِخْتِصَارْ.

بُطْرُسْ الأُولَى 1:13

هَاذَاكَا عْلَاشْ كُونُوا دِيمَا فَايْقِينْ، واتْحَكْمُوا فِي رْوَاحْكُمْ، وحُطُّوا رْجَاكُمْ فِي النِّعْمَة، الِّي بِشْ تْكُونْ لِيكُمْ وَقْتِلِّي يِرْجَعْ يَسُوعْ المَسِيحْ.

بُطْرُسْ الأُولَى 4:10

وخَلِّي كُلْ وَاحِدْ يِخْدِمْ الأُخْرِينْ بِالهِيبَة الرُّوحِيَّة الِّي خْذَاهَا مِنْ عَنْدْ اللَّهْ، بِإِعْتِبَارْكُمْ خُدَّامْ ثِيقَة وَكَّلْهُمْ اللَّهْ عَالهِيبَاتْ الرُّوحِيَّة المِتْنَوْعَة الِّي عْطَاهَالْهُمْ بْنِعْمْتُو.

بُطْرُسْ الثَّانْيَة 1:12

هَاذَاكَا عْلَاشْ نْحِبْ دِيمَا نْذَكَّرْكُمْ بِالأُمُورْ هَاذِيَّ، رَغْمِلِّي إِنْتُومَا تَعْرْفُوهَا وثَابْتِينْ فِي الحَقْ الِّي وْصِلِّلْكُمْ.

بُطْرُسْ الثَّانْيَة 2:15

خَلَّاوْ الطْرِيقْ المُسْتَقِيمْ، وضَاعُوا ومْشَاوْ فِي طْرِيقْ بَلْعَامْ وِلْدْ بَعُورْ الِّي عْمَلْ الشَّرْ عْلَى خَاطِرْ الفْلُوسْ،

يُوحَنَّا الثَّالْثَة 1:12

النَّاسْ الكُلْ يِشْهْدُوا الِّي خُونَا دِيمِتْرِيُوسْ رَاجِلْ بَاهِي، والحَقْ بِيدُو يِشْهِدْلُو وأَحْنَا زَادَا نِشْهْدُولُو وإِنْتِ تَعْرِفْ الِّي شْهَادِتْنَا صَادْقَة.

يَهُوذَا 1:3

يَا حْبَابِي، كُنْتْ نِتْمَنَّى نِكْتْبِلْكُمْ عَالنْجَاةْ الِّي نِتْشَارْكُوا فِيهَا أَحْنَا الكُلْ، آمَا حَسِّيتْ الِّي يِلْزِمْنِي نْشَجَّعْكُمْ بَاشْ ادَّافْعُوا عَالإِيمَانْ الِّي عْطَاهْ اللَّهْ لِلْقِدِّيسِينْ مَرَّة وَحْدَة بِالكَامِلْ.