بُطْرُسْ الأُولَى 2:6 - العهد الجديد بالدارجة التونسية 2022

⁶ وكِيمَا تْقُولْ الكْتُبْ المُقَدْسَة: «هَانِي بِشْ نْحُطْ فِي صِهْيَوْنْ حَجْرِةْ السَّاسْ، مُخْتَارَة وغَالْيَة، ولِّي يَمِّنْ بِيهَا عُمْرُو مَا يْخِيبْ».

بُطْرُسْ الأُولَى 2:6 ပူးပေါင်းရင်းမြစ်များ

مَتَّى 12:18

«هَاذَا هُوَّ عَبْدِي الِّي اخْتَرْتُو، حْبِيبِي الِّي يْفَرَّحْنِي. بِشْ نْفِيضْ بْرُوحِي فِيهْ، بَاشْ يُعْلِنْ العَدْلْ لِلشُّعُوبْ.

مُرْقُسْ 12:10

يَاخِي مَا قْرِيتُوشْ الآيَة المَكْتُوبَة: "الحَجْرَة الِّي رَفْضُوهَا البَنَّايَا، وَلَّاتْ حَجْرِةْ السَّاسْ.

لُوقَا 20:17

خْزَرِّلْهُمْ يَسُوعْ وقَالْ: «مَالَا آشْ تُقْصُدْ الكْتُبْ المُقَدْسَة كِي قَالِتْ: "الحَجْرَة الِّي رَفْضُوهَا البَنَّايَا، وَلَّاتْ حَجْرِةْ السَّاسْ"؟

لُوقَا 23:35

والنَّاسْ كَانُوا وَاقْفِينْ يِتْفَرْجُوا، والقَادَة مْتَاعْهُمْ يِتْمَسْخْرُوا ويْقُولُوا: «مَنَّعْ غِيرُو، تْرَاهْ خَلِّيهْ يْمَنَّعْ رُوحُو إِذَا كَانْ هُوَّ المَسِيحْ الِّي اخْتَارُو اللَّهْ!».

يُوحَنَّا 7:38

ولِّي يَمِّنْ بِيَّا، كِيمَا قَالِتْ الكْتُبْ المُقَدْسَة: "تِجْرِي مِنُّو وِدْيَانْ مَاء حَيْ"».

أَعْمَالْ 1:16

«يَا خْوَاتِي، كَانْ لَازِمْ تِتْحَقَّقْ النُّبُوَّة الِّي قَالْهَا الرُّوحْ القُدُسْ عْلَى لْسَانْ النَّبِيْ دَاوِدْ، فِي مَا يْخُصْ يَهُوذَا الِّي دَلْ النَّاسْ عْلَى يَسُوعْ بَاشْ يْشِدُّوهْ.

رُومَا 10:11

كِيمَا تْقُولْ الكْتُبْ المُقَدْسَة: «الِّي يَمِّنْ بِيهْ عُمْرُو مَا يْخِيبْ».

أَفَسُسْ 1:4

ولِّي إِخْتَارْنَا فِيهْ قْبَلْ مَا تِتْخْلَقْ الدِّنْيَا، بَاشْ نْكُونُوا قِدِّيسِينْ ومَا عْلِينَاشْ لُومْ قُدَّامُو فِي المْحَبَّة.

أَفَسُسْ 2:20

مِبْنِيِّينْ عْلَى السَّاسْ الِّي حَطُّوهْ الرُّسُلْ والأَنْبِيَاءْ، ويَسُوعْ المَسِيحْ هُوَّ بِيدُو حَجْرِةْ السَّاسْ

تِيمُوثَاوُسْ الثَّانْيَة 3:16

المَكْتُوبْ فِي الكْتُبْ المُقَدْسَة الكُلُّو وَحْيْ مِنْ عَنْدْ اللَّهْ، صَالَحْ بَاشْ يْعَلِّمْنَا ويْنَبِّهْنَا ويْصَلِّحْنَا ويْدَّرِّبْنَا كِيفَاشْ نْعِيشُوا حَسْبْ مَشِيئِةْ اللَّهْ،

بُطْرُسْ الأُولَى 2:4

مَالَا إِيجَاوِهْ بِٱعْتِبَارُو الحَجْرَة الحَيَّة المَرْفُوضَة عَنْدْ النَّاسْ، آمَا مُخْتَارَة وغَالْيَة عَنْدْ اللَّهْ.

بُطْرُسْ الأُولَى 2:8

وهِيَّ زَادَا: «الحَجْرَة الِّي تْخَلِّيهُمْ يَعْثْرُوا، والصَّخْرَة الِّي تْخَلِّيهُمْ يْطِيحُوا». هُومَا يَعْثْرُوا عْلَى خَاطِرْ مَا يْطِيعُوشْ كِلْمِةْ اللَّهْ. وهَاذَا هُوَّ مَصِيرْهُمْ.

بُطْرُسْ الثَّانْيَة 1:20

آمَا قْبَلْ كُلْ شَيْ، نْحِبْكُمْ تَعْرْفُوا الِّي حَتَّى وَاحِدْ مَا يْنَجِّمْ يْفَسِّرْ حَتَّى نُبُوَّة مِالكْتُبْ المُقَدْسَة حَسْبْ مُخُّو.

بُطْرُسْ الثَّانْيَة 3:16

وهَاذَا الِّي دِيمَا يِكْتْبُو فِي رَسَايْلُو الكُلْ وَقْتِلِّي يَحْكِيلْنَا عَالأُمُورْ هَاذِي. الرَّسَايِلْ هَاذُمْ فِيهُمْ زَادَا حَاجَاتْ فَهْمْهَا صْعِيبْ، يْفَسْرُوهَا الجُهَّالْ وضْعَافْ النْفُوسْ تَفْسِيرْ غَالِطْ كِيمَا يَعْمْلُوا مْعَ الكْتُبْ المُقَدْسَة الأُخْرَى: وهَكَّا يْجِيبُوا البْلَاء والفْنَى لِرْوَاحْهُمْ.