بُطْرُسْ الأُولَى 2:16 - العهد الجديد بالدارجة التونسية 2022

¹⁶ عِيشُوا أَحْرَارْ، ومَا تِسْتْغَلُّوشْ الحُرِّيَة هَاذِي بَاشْ تَعْمْلُوا الشَّرْ، آمَا عِيشُوا بِإِعْتِبَارْكُمْ خُدَّامْ لِلَّهْ.

بُطْرُسْ الأُولَى 2:16 ပူးပေါင်းရင်းမြစ်များ

مَتَّى 23:13

«يَا وِيلْكُمْ يَا عُلَمَاءْ الشَّرِيعَة ويَا الفِرِّيسِيِّينْ المُنَافْقِينْ! عْلَى خَاطِرْكُمْ تْسَكْرُوا فِي مَمْلَكْةْ السْمَاوَاتْ فِي وْجُوهْ النَّاسْ، يَاخِي لَا دْخَلْتُوا إِنْتُومَا ولَا خَلِّيتُوا شْكُونْ يُدْخُلْ.

يُوحَنَّا 15:22

كَانْ مَا جِيتِشْ وكَلِّمْتْهُمْ، رَاهُو مَا عْلِيهُمْ حَتَّى ذَنْبْ. آمَا تَوَّا مَا عَنْدْهُمْ حَتَّى عُذْرْ عْلَى ذْنُوبْهُمْ.

رُومَا 6:18

وتَوَّا تْحَرَّرْتُوا مِالذْنُوبْ ووَلِّيتُوا عَبِيدْ لِلصَّلَاحْ.

رُومَا 6:22

آمَا تَوَّا، بَعْدْمَا تْحَرَّرْتُوا مِالذْنُوبْ ووَلِّيتُوا عَبِيدْ لِلَّهْ، الِّي رْبَحْتُوهْ هِيَّ القَدَاسَة، الِّي نْتِيجِتْهَا الحَيَاةْ الأَبَدِيَّة.

كُورِنْثُوسْ الأُولَى 7:22

عْلَى خَاطِرْ الِّي دْعَاهْ الرَّبْ وهُوَّ عَبْدْ وَلَّى حُرْ فِي الرَّبْ، ولِّي دْعَاهْ الرَّبْ وهُوَّ حُرْ وَلَّى عَبْدْ لِلْمَسِيحْ.

غَلَاطْيَة 5:1

المَسِيحْ حَرَّرْنَا بَاشْ نْكُونُوا أَحْرَارْ، مَالَا إِثْبْتُوا فِي الحُرِّيَّة هَاذِي، ومَا تِرْجْعُوشْ تْعِيشُوا كِيفْ العْبِيدْ.

غَلَاطْيَة 5:13

يَا خْوَاتِي، اللَّهْ دْعَاكُمْ بَاشْ تْكُونُوا أَحْرَارْ، آمَا مَا تِسْتْغَلُّوشْ الحُرِّيَّة هَاذِي بَاشْ تَعْمْلُوا شْهَاوِيكُمْ، بِالعَكْسْ، إِخْدْمُوا بْعَضْكُمْ بِمْحَبَّة.

أَفَسُسْ 6:6

وبِاعْتِبَارْكُمْ عَبِيدْ لِلْمَسِيحْ، إِخْدْمُوهُمْ بْكُلْ قْلُوبْكُمْ بَاشْ تْرَضِّيوْ اللَّهْ، مُشْ كَانْ كِي تِبْدَى العِينِينْ عْلِيكُمْ كَايِنْكُمْ تْرَضِّيوْ فِي النَّاسْ.

كُولُوسِي 3:24

وأَعْرْفُوا الِّي الرَّبْ بِشْ يْجَازِيكُمْ بِالوَرْثَة الِّي وْعِدْكُمْ بِيهَا، عْلَى خَاطِرْ المَسِيحْ هُوَّ السِيدْ الِّي تِخْدْمُوا فِيهْ.

تْسَالُونِيكِي الأُولَى 2:5

وهُوَّ شَاهِدْ عْلِينَا، وإِنْتُومَا تَعْرْفُوا إِنُّو مَا نَافَقْنَاكُمِشْ بِكْلَامْ حْلُوْ، ولَا طْمَعْنَا فِيكُمْ.

يَعْقُوبْ 1:25

آمَا الِّي يْثَبِّتْ فِي الشَّرِيعَة الكَامْلَة الِّي تْحَرِّرْ، ويْدَاوِمْ عْلِيهَا، مُشْ يِسْمَعْ ويِنْسَاهَا، آمَا يْطَبَّقْهَا، اللَّهْ يْبَارِكْلُو فِي كُلْ حَاجَة يَعْمِلْهَا.

يَعْقُوبْ 2:12

مَالَا تْكَلْمُوا وتْصَرْفُوا كِيمَا النَّاسْ الِّي بِشْ يُحْكُمْ عْلِيهُمْ اللَّهْ حَسْبْ شَرِيعِةْ الحُرِّيَة،

بُطْرُسْ الثَّانْيَة 2:19

يُوعْدُوهُمْ بِالحُرِّيَّة، وهُومَا بِيدْهُمْ عَبِيدْ لِلْفْسَادْ. عْلَى خَاطِرْ الإِنْسَانْ يْوَلِّي عَبْدْ لْكُلْ حَاجَة تِتْسَلِّطْ عْلِيهْ وتِغْلْبُو.

يَهُوذَا 1:4

عْلَى خَاطِرْ فَمَّة نَاسْ دَخْلُوا بِينَاتْكُمْ بِالسِّرْقَة، وهُومَا نَاسْ فَاسْدِينْ، يِسْتْغَلُّوا فِي نِعْمِةْ اللَّهْ بَاشْ يَعْمْلُوا المْعَاصِي الكُلْ ويُنْكْرُوا سِيدْنَا ورَبْنَا الوَحِيدْ يَسُوعْ المَسِيحْ. وهَاذُومَا عِقَابْهُمْ مَعْرُوفْ مِنْ قْدِيمْ الزْمَانْ.