तीतुस 3:3 - Bagheli Bible

³ काहेकि हमहूँ पंचे बिसुआसी बनँइ से पहिले, नासमझ अउर परमातिमा के हुकुम न मानँइ बाले रहे हएन, अउर भ्रम माहीं परिके अनेकव प्रकार के बुरी इच्छा, अउर सुख-बिलास माहीं फँसे रहे हएन, अउर एक दुसरे से दुसमनी, अउर इरसा के जिन्दगी बिताबत रहे हएन, अउर एक दुसरे से नफरत कइके दुसमनी रक्खत रहे हएन।

तीतुस 3:3 ပူးပေါင်းရင်းမြစ်များ

मत्ती 21:29

त उआ लड़िका अपने बाप काहीं जबाब दिहिस, कि ‘हम न जाब’ पय बाद माहीं पचिताइके ग।

लूका 21:8

यीसु कहिन, “सतरक रह्या, कि तोंहईं कोऊ बिसुआस से भटकाए न पाबय, काहेकि खुब जने हमरे नाम से आइके कइहँय, ‘कि हम मसीह आहेन’ अउर इहव कइहँय, कि ‘संसार के अन्त के समय लघे आइगा हय।’ तूँ पंचे उनखे बातन के बिसुआस न किहा।

यूहन्ना 8:34

तब यीसु उनहीं जबाब दिहिन; “हम तोंहसे सही-सही कहित हएन; कि जे कोऊ पाप करत हय, उआ पाप के दास आय।

रोमियन 11:30

काहेकि जइसन पहिले तुहूँ पंचे, परमातिमा के हुकुम काहीं नहीं मानत रहे आह्या, पय उनखे द्वारा परमातिमा के हुकुम काहीं न मानँइ के कारन, अब तोंहरे ऊपर दया भे ही।

रोमियन 6:12

अउर तूँ पंचे अपने नासवान देंह माहीं पाप काहीं सासन न करँइ द्या, जउने तूँ पंचे पाप के बुरी इच्छन काहीं पूर न कए पाबा।

रोमियन 6:17

पय हम परमातिमा के धन्यबाद करित हएन, कि तूँ पंचे जउन पहिले बुरे कामन काहीं करँइ के कारन पाप के दास बने रहे हया, त अब तूँ पंचे अपने पूरे मन से उआ उपदेस काहीं मानँइ बाले बन गया हय, जउन तोंहईं पंचन काहीं सँउपा ग रहा हय।

रोमियन 6:22

पय अब तूँ पंचे पाप के बन्धन से अजाद होइके, परमातिमा के दास बन गया हय, अउर अपने जीबन माहीं पबित्रता के फर पइदा कइ रहे हया, जेखर परिनाम हय अनन्त जीबन।

रोमियन 6:6

अउर हम पंचे इआ जानित हएन, कि हमार पंचन के पुरान पापी सुभाव यीसु मसीह के साथ क्रूस माहीं चढ़ाय दीन ग हय, कि जउने हमार पंचन के पाप के इआ देंह नास होइ जाय, अउर आँगे हम पंचे पाप के दासता माहीं न रही।

2 कुरिन्थियन 12:20

काहेकि हमहीं इआ बात के डेर हय, कि कहँव अइसा न होय, कि जब हम तोंहरे लघे अई, त जइसन तोंहईं पंचन काहीं हम पामँइ चाहित हएन, त उआमेर न पाई, अउर तुहूँ पंचे घलाय हमहीं जइसन पामँइ चहते हया, त उआमेर न पाबा। अउर हम इआ नहीं चाही, कि तोंहरे बीच माहीं, लड़ाई-झगड़ा होय, डाह होय, क्रोध होय, बिरोध होय, जलन होय, चुगली करब होय, घमन्ड होय, कउनव बात के बखेड़ा होय।

गलातियन 6:3

काहेकि अगर कउनव मनई काबिल नहिं आय, तऊ अपने-आप काहीं काबिल समझत हय, त उआ अपने-आप काहीं धोखा देत हय।

कुलुस्सियन 1:21

अउर पहिले जउन तूँ पंचे अपने बुरे कामन के कारन उनखर बइरी, अउर उनखे महिमा से दूरी रहे हया, अब परमातिमा मसीह के सारीरिक मउत के द्वारा, तोंहऊँ पंचन से घलाय मेल-मिलाप कइ लिहिन हीं।

कुलुस्सियन 3:7

अउर तुहूँ पंचे प्रभू यीसु मसीह के ऊपर बिसुआस करँइ से पहिले, ईंन बुराइन काहीं करत जीबन बिताबत रहे हया।

2 तीमुथियुस 3:13

पय गलत सिच्छा देंइ बाले, अउर दुसरेन काहीं मसीह के बिसुआस से भटकामँइ बाले, दुसरेन काहीं धोखा देत, अउर खुद धोखा खात, मसीह के बचन से दूर होत चले जइहँय।

2 तीमुथियुस 3:6

इनहिन म से कुछ लोग अइसन हें, जउन लोगन काहीं धोखा दइके चुप्पय से उनखे घरन माहीं घुसि जात हें, अउर चंचल मेहेरिअन काहीं अपने गलत सिच्छा माहीं फँसाइके, अपने बस माहीं कइ लेत हें, जउन पाप के बोझ से दबी अउर हरेकमेर के बुरी इच्छन से भरी रहती हईं।

तीतुस 1:16

अउर असुद्ध मनई कहत हें, कि हम पंचे परमातिमा काहीं जानित हएन, पय ऊँ पंचे परमातिमा के बचन के खिलाफ काम कइके, उआ बात काहीं इनकार करत हें; काहेकि ऊँ पंचे घिनहे काम करत हें, अउर परमातिमा के हुकुम काहीं नहीं मानँय, अउर ऊँ कउनव निकहे काम करँइ के काबिल नहीं होंय।

तीतुस 2:12

परमातिमा अपने दया के व्दारा चेतउनी दइके, इआ सिखाबत हें, कि हम पंचे जउन परमातिमा के भक्ती नहीं करी, ओही, अउर संसार के बुरे लोभ लालच काहीं छोंड़ि देई, अउर इआ संसार माहीं अपने ऊपर काबू रखिके, धारमिक अउर परमातिमा के भक्ती माहीं जीबन बिताई;

याकूब 1:26

अगर कोऊ अपने-आप काहीं भक्त समझय, अउर अपने जीभ माहीं लगाम न रक्खय, अउर अपने हिरदँय काहीं धोखा देय, त ओखर भक्ती बेकार ही।

1 पतरस 1:14

एसे तूँ पंचे हुकुमन काहीं मानँइ बाले लड़िकन कि नाईं बना, इआ नहीं कि जइसन तूँ पंचे पहिले, जब मसीह के ऊपर बिसुआस नहीं करत रहे आह्या, त बुरी इच्छन के मुताबिक जीबन जिअत रहे हया, त अब पहिले कि नाईं पुनि न बना।

दरसनन के बातँय 12:9

तब उआ बड़ा भारी अजिगर, अरथात उहय पुरान साँप, जउन इबलीस अउर सइतान कहाबत हय, अउर सगले संसार काहीं भरमामँइ बाला, धरती माहीं गिराय दीन ग; अउर ओखर दूत घलाय ओखे साथ गिराय दीनगें।

दरसनन के बातँय 13:14

ऊँ चमत्कार के कामन के कारन, जिनहीं पहिल खतरनाक जानबर के आँगे देखामँइ के अधिकार ओही दीन ग रहा हय; उआ धरती के रहँइ बालेन काहीं, इआमेर भरमाबत रहा हय, अउर उनसे इआ कहत रहा हय, कि जउने खतरनाक जानबर के तलबार लगी रही हय, उआ जिन्दा होइगा हय, ओखर मूरत बनाबा।

दरसनन के बातँय 18:2

ऊँ खुब चन्डे गोहराइके कहिन, “गिरिगा, बड़ा बेबीलोन सहर गिरिगा हय, बुरी आत्मन के निबास, अउर हरेक असुद्ध आत्मन के अड्डा, अउर हरेक असुद्ध अउर घिनहे पंछिन के अड्डा होइगा हय।