तीतुस 2:3 - Bagheli Bible

³ इहइमेर बुढ़ान मेहेरिअन काहीं सिखाबा, कि उनखर चाल-चलन पबित्र चाल चलँइ बाले मनइन कि नाईं होय; ऊँ दुसरेन के ऊपर दोस लगामँइ बाली न होंय, अउर दारू पिअँइ बाली न बनँय, बलकिन निकही बात सिखामँइ बाली बनँय।

तीतुस 2:3 ပူးပေါင်းရင်းမြစ်များ

रोमियन 1:29

एसे ऊँ पंचे हरेकमेर के अधरम करँइ बाले, अउर दुस्टता करँइ बाले, अउर लालच करँइ बाले बनिगें, अउर इरसा से भरिगें; अउर डाह करँइ बाले, अउर कतल करँइ बाले, अउर झगड़ा करँइ बाले, अउर छल-कपट करँइ बाले बनिगें अउर इरसा से भरिगें, अउर चुगली करँइ बाले,

रोमियन 16:2

काहेकि ऊँ प्रभू के ऊपर बिसुआस करँइ बाली बहिनी आहीं, एसे उनहीं प्रभू के दासी समझिके तूँ पंचे सोइकार करा; अउर अगर उनहीं कउनव चीज के तोंहसे पंचन से जरूरत परय, त उनखर मदत करा; काहेकि ऊँ खुब मनइन के मदत किहिन हीं, इहाँ तक कि हमार घलाय मदत किहिन रहा हय।

इफीसियन 5:3

अउर जइसन परमातिमा के पबित्र मनइन काहीं उचित हय, उनहिन कि नाईं तोंहरे बीच माहीं ब्यभिचार के बारे माहीं, अउर कउनव मेर के असुद्ध कामन के बारे माहीं, इआ कि लालच के बारे माहीं चरचव तक न होंइ चाही।

1 तीमुथियुस 3:11

इहइमेर से मसीही मन्डली माहीं सेबा करँइ बाली मेहेरिअन काहीं घलाय होंइ चाही, जिनखर सगले मनई सम्मान करँय, ऊँ दुसरेन के ऊपर दोस लगामँइ बाली न होंय, बलकिन सचेत अउर सगली बातन माहीं बिसुआस के काबिल होंय।

1 तीमुथियुस 3:8

उहयमेर मसीही मन्डली माहीं सेबा करँइ बालेन काहीं होंइ चाही, जिनखर लोग सम्मान करँय, उनहीं ढोंगी, पियक्कड़ अउर गलत कामन से पइसा कमाँय के बिचार रक्खँइ बाले न होंइ चाही।

1 तीमुथियुस 5:23

भबिस्य माहीं केबल पानिन भर पिअँइ बाले न रहा, बलकिन अपने पेटे के रोग से बेर-बेर बिमार होंइ के कारन, थोरी-थोरी अंगूर के रस पिआ करा।

तीतुस 1:7

मसीही मन्डली के अध्यच्छ काहीं, जेही परमातिमा मसीही मन्डली के लोगन के देख-रेख करँइ के काम सउँपिन हीं, एसे उनहीं बेकसूर होंइ क चाही; अउर ऊँ अड्डी न होंय, अउर न गुस्सइल होंय, अउर न झगड़लुअय होंय, अउर न दारुअय पिअँइ बाले होंय, अउर गलत काम कइके पइसा कमाँय बाले न होंय।

तीतुस 2:4

जउने ऊँ जमान मेहेरिअन काहीं समझाबत रहँय, कि ऊँ अपने-अपने मंसेरुअन अउर लड़िकन-बच्चन से प्रेम रक्खँय;

इब्रानियन 5:12

बास्तव माही समय के हिंसाब से, अबे तक तोंहईं पंचन काहीं, दुसरे मनइन काहीं बचन के सिच्छा देंइ बाले बन जाँइ चाही। पय तूँ पंचे खुदय इआ चहते हया, कि “हमहीं पंचन काहीं कोऊ परमातिमा के बचन के बारे माहीं, जउन सुरुआत माहीं सिखाबा ग रहा हय, उँइन बातन काहीं पुनि सिखाबय।” एसे कि तूँ पंचे छोट लड़िकन कि नाईं बन गया हय, अउर अबे तक तोंहईं पंचन काहीं अनाज के जघा माहीं दूधय चाही।

दरसनन के बातँय 2:20

पय हमहीं तोंहरे बिरोध माहीं इआ कहँइ क हय, कि तूँ उआ मेहेरिआ इजेबेल काहीं रहँइ देते हया, जउन अपने-आप काहीं परमातिमा के सँदेस बतामँइ बाली कहत ही, उआ अपने सिच्छा से, हमरे सेबकन काहीं ब्यभिचार करँय, अउर मूरतिन के आँगे चढ़ाई चीजन काहीं खाँय के खातिर बहकाबत ही।