Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




तीतुस 2:2 - Bagheli Bible

2 जउने बुढ़ान मनई हुसिआर, अउर गम्भीर, अउर नीक-नागा पहिचानँय बाले होइ जाँय, अउर ऊँ बिसुआस रक्खँय माहीं, अउर प्रेम रक्खँय माहीं, अउर धीरज धरँय माहीं, मजबूत होइ जाँय।

အခန်းကိုကြည့်ပါ။ ကော်ပီ




तीतुस 2:2
33 ပူးပေါင်းရင်းမြစ်များ  

अउर ऊँ पंचे यीसु के लघे आइके उआ मनई क जउने माहीं बुरी आत्मा रही हँय, अरथात सेना समान रही हँय, ओन्हा पहिरे नीक-सूख बइठे देखिके डेराइगें।


इआ जऊँ भ रहा हय, देखँइ के खातिर खुब जने आएँ। अउर यीसु के लघे आइके, उआ मनई काहीं जउने म से बुरी आत्मा निकरी रही हँय, ओन्हा पहिरे यीसु के गोड़े के लघे नीक-सूख बइठे देखिके डेराइगें;


अउर जब ऊँ धरम अउर संयम अउर आमँइ बाले न्याय के चरचा करत रहे हँय, तब हाकिम फेलिक्स भयभीत होइके जबाब दिहिन, कि “अबे त जा, पय मोका पाइके हम तोंहईं पुनि बोलाउब।”


काहेकि परमातिमा के किरपा से जउन अधिकार हमहीं मिला हय, ओहिन के मुताबिक हम तोंहसे पंचन से अरथात हरेक जन से कहित हएन, कि जइसन अपने-आप काहीं समझँइ चाही, ओसे बढ़िके अपने-आप काहीं न समझा। जइसन परमातिमा तोंहरे पंचन के छमता के मुताबिक, जेतना बिसुआस दिहिन हीं, ओहिन के मुताबिक अपने-आप काहीं सही तरीके से समझा।


एसे तूँ पंचे होस माहीं आय जा, अउर निकहा जीबन जिआ, पाप करब बंद कइ द्या; अउर तोंहरे पंचन म से कुछ जने अइसन हें, कि ऊँ पंचे परमातिमा के सच्ची सिच्छन काहीं नहीं जानँय; अउर इआ बात हम तोहईं पंचन काहीं सरमिन्दा करँइ के खातिर कहित हएन।


अउर कुस्ती लड़ँइबाले हरेक पहिलमान, अपने देंह काहीं तइआर करँइ के खातिर, हरेकमेर के कसरत करत हें; अउर ऊँ पंचे त नास होंइ बाले मुकुट काहीं पामँइ के खातिर इआ सगली मेहनत करत हें, पय हम पंचे त उआ मुकुट काहीं पामँइ के खातिर मेहनत करित हएन, जउन कबहूँ नहीं नास होय।


अगर हम पंचे पागल कि नाईं लागित हएन, त परमातिमा के खातिर; अउर अगर होस-हबास माहीं हएन, त तोंहरे पंचन के फायदा के खातिर हएन।


अउर किरपा करब, भलाई करब, बिसुआस के काबिल होब, नम्र होब, अउर संयम रक्खब, ईं बातन के बिरोध माहीं कउनव नेम नहिं आय।


एसे हे भाई-बहिनिव, जउन-जउन बातँय सत्य हईं, अउर जउन-जउन बातँय आदर के काबिल हईं, अउर जउन-जउन बातँय उचित हईं, अउर जउन-जउन बातँय पबित्र हईं, अउर जउन-जउन बातँय निकही हईं, अउर जउन-जउन बातँय मन काहीं नीक लागँइ बाली हईं, मतलब इआ, कि जउन-जउन बातँय जीबन माहीं निकहे बिचार पइदा करती हईं, अउर जउन सराहनीय बातँय हईं, उनहिन के ऊपर आपन ध्यान रक्खा।


एसे हम पंचे अबिसुआसी लोगन कि नाईं सोबत न रही, बलकिन सचेत अउर अपने ऊपर काबू रखँइ चाही।


पय हम पंचे त दिन के आहेन, बिसुआस अउर प्रेम के झिलम पहिरिके अउर मुक्ती के आसा के टोप पहिरिके सचेत रही।


अउर ब्यभिचारिन, जउन मंसेरुअय, मंसेरुअय एक दुसरे के साथ गलत सम्बन्ध बनाबत हें, अउर मनइन काहीं बेचँय बालेन, अउर झूँठ बोलँइ बालेन, अउर झूँठ किरिआ करँइ बालेन, अउर इनखे अलाबव सत्य उपदेस के सगले बिरोधिन के खातिर ठहराए गे हँय।


अउर प्रभू के किरपा हमहीं बहुतायत से मिली, अउर साथय-साथ उआ बिसुआस अउर प्रेम जउन मसीह यीसु के ऊपर बिसुआस किहे से मिलत हय, उहव हमहीं मिला।


काहेकि तूँ हमरे व्दारा बचन सुनाए से यीसु मसीह के ऊपर बिसुआस किहे हया, इआ बिचार से हे तीमुथियुस, तूँ हमरे सग लड़िका कि नाईं हया। हम प्राथना करित हएन, कि पिता परमातिमा अउर हमरे पंचन के प्रभू यीसु मसीह के तरफ से तोहईं किरपा, दया, अउर सान्ति मिलत रहय।


हमरे समझामँइ के मतलब इआ आय, कि सुद्ध मन से अउर अच्छे सोच-बिचार से, अउर निस्कपट बिसुआस से प्रेम उत्पन्न होत हय।


इहइमेर से मसीही मन्डली माहीं सेबा करँइ बाली मेहेरिअन काहीं घलाय होंइ चाही, जिनखर सगले मनई सम्मान करँय, ऊँ दुसरेन के ऊपर दोस लगामँइ बाली न होंय, बलकिन सचेत अउर सगली बातन माहीं बिसुआस के काबिल होंय।


एसे अँगुआ काहीं अइसा जीबन जिअँइ चाही, कि ओही कोऊ बुरा न कहे पाबय, अउर ओखे केबल एकयठे मेहेरिआ होय, अउर उआ खुद काहीं काबू माही रक्खँइ बाला होय, अउर सगले मनइन के साथ निकहा बेउहार करँइ बाला होय, अउर सभ्य, अउर महिमानन के स्वागत-सत्कार करँइ बाला होय, अउर उआ सिच्छा देंइ माही निपुन होय।


बलकिन अपने घर-परिबार के निकहा से प्रबन्ध करँइ बाला होय, अउर ओखर लड़िका-बच्चा ओखर कहा-बतान मानत होंय, अउर सम्मान करत होंय।


उहयमेर मसीही मन्डली माहीं सेबा करँइ बालेन काहीं होंइ चाही, जिनखर लोग सम्मान करँय, उनहीं ढोंगी, पियक्कड़ अउर गलत कामन से पइसा कमाँय के बिचार रक्खँइ बाले न होंइ चाही।


हे तीमुथियुस, मसीही मन्डली माहीं जउन तोंहसे उमिर माहीं बड़े हँय उनहीं न डाँट्या; बलकिन उनहीं बाप कि नाईं जानिके समझाय दिहा, अउर जमानन काहीं भाई जानिके;


हे तीतुस, हम तोंहसे कहित हएन, कि क्रेते दीप के लोगन के बारे माहीं जउन गबाही दीन गे ही। सही हय, एसे हे तीतुस, उहाँ के बिसुआसिअन काहीं कड़ाई से चेतउनी द्या करा, कि ऊँ गलत सिच्छा से दूर रहिके, बिसुआस माहीं मजबूत होइ जाँय,


पय ऊँ महिमानन के सेबा सत्कार करँइ बाले, अउर भलाई के चाहँय बाले, संयमी अउर न्यायी पबित्र अउर अपने ऊपर काबू रक्खँइ बाले होंय;


तूँ जउन कुछू काम करा ऊँ निकहे होंय, जउने ईं सब कामन काहीं देखिके, जमान लोग उहयमेर जीबन जिअँइ। अउर तूँ जउन सिखाबा उआ निस्कपट होंइ चाही, जउने काहीं सुनिके लोग-बाग अपनाय सकँय।


तऊ हम पवलुस जउन बुढ़ाय गएन हय, अउर अब मसीह यीसु के खातिर जेल माहीं डारे गएन हय, हमहीं इआ नीक जान परा, कि हम प्रेम से तोंहसे बिनती करी।


एसे तूँ पंचे मानसिक रूप से सचेत रहा, अउर खुद काहीं काबू माही रखिके, उआ किरपा के खातिर पूरी आसा रक्खा, जउन तोंहईं पंचन काहीं यीसु मसीह के दुसराय आमँइ के समय मिलँइ बाली हय।


सगले संसार के अन्त लघेन आइगा हय, एसे तूँ पंचे संयमी अउर समझदार बना, कि जउने प्राथना कइ सका।


अउर तूँ पंचे सचेत होइके, हमेसा परमातिमा के बचन माहीं बने रहा, काहेकि तोंहार बइरी सइतान, गरजँय बाले सेर कि नाईं, हमेसा इआ खोज माहीं रहत हय, कि केही परमातिमा के बचन से भटकाय देई।


अउर ग्यान माहीं आत्मसंयम काहीं, अउर आत्मसंयम माहीं धीरज काहीं, अउर धीरज माहीं परमातिमा के भक्ती काहीं,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ