दरसनन के बातँय 9:2 - Bagheli Bible

² अउर ऊँ अथाह कुन्ड काहीं खोलिन, अउर कुन्ड म से बड़ी भट्ठी कि नाईं धुँआ उठा, अउर कुन्ड के धुँआ से सुरिज अउर हबा माहीं भारी अँधिआर होइगा।

दरसनन के बातँय 9:2 ပူးပေါင်းရင်းမြစ်များ

खास चेलन 2:19

अउर हम ऊपर अकास माहीं अचरज के काम, अउर नीचे धरती माहीं चमत्कार देखाउब, अरथात खून, आगी अउर धुँआ के बदरी।

दरसनन के बातँय 14:11

ओखे पीरा के धुँआ जुगन-जुगन तक उठत रही, पय जे उआ खतरनाक जानबर अउर ओखे मूरत के अराधना करत हें, अउर जउन ओखे नाम के छाप लगबाबत हें, उनहीं पंचन काहीं रातव-दिन चयन न मिली।”

दरसनन के बातँय 16:10

ओखे बाद पचमाँ स्वरगदूत आपन खोरबा, उआ खतरनाक जानबर के सिंहासन माहीं उड़ेल दिहिन, अउर ओखे राज माहीं अँधिआर छाइगा। मनई पीरा के मारे आपन-आपन जीभ चबामँइ लागें,

दरसनन के बातँय 8:12

चउथ स्वरगदूत तुरही फूँकिन, अउर सुरिज के एक तिहाई हिस्सा, अउर जोंधइआ के एक तिहाई हिस्सा, अउर तरइअन के एक तिहाई हिस्सा माहीं बिपत्ती आइगे, इहाँ तक कि उनखर एक तिहाई हिस्सा माहीं अँधिआर होइगा, अउर दिन अउर रात के एक तिहाई हिस्सा माहीं घलाय अँधिआर होइगा।

दरसनन के बातँय 9:1

जब पचमाँ स्वरगदूत तुरही फूँकिन, त हम स्वरग से धरती के ऊपर एकठे तरइया गिरत देखेन, अउर उनहीं अथाह कुन्ड के उघन्नी दीन गे।

दरसनन के बातँय 9:11

अथाह कुन्ड के दूत उनखे ऊपर राजा रहा हय, ओखर नाम इब्रानी भाँसा माहीं अबद्दोन, अउर यूनानी भाँसा माहीं अपुल्लयोन हय।

दरसनन के बातँय 9:17

अउर हमहीं इआ दरसन माहीं, घोड़ा, अउर उनखर अइसन सबार देखाई दिहिन, जिनखर झिलम आगी कि नाईं लाल, अउर धूम्रकान्त कि नाईं नीली, अउर गन्धक कि नाईं पिअर रही हँय, अउर ऊँ घोड़न के मूँड़, सेरन के मूड़न कि नाईं रहे हँय, अउर उनखे मुँहे से आगी, अउर धुँआ, अउर गन्धक निकरत रहे हँय।