दरसनन के बातँय 9:11 - Bagheli Bible

¹¹ अथाह कुन्ड के दूत उनखे ऊपर राजा रहा हय, ओखर नाम इब्रानी भाँसा माहीं अबद्दोन, अउर यूनानी भाँसा माहीं अपुल्लयोन हय।

दरसनन के बातँय 9:11 ပူးပေါင်းရင်းမြစ်များ

इफीसियन 2:2

अउर तूँ पंचे उन दिनन माहीं, इआ संसार के गलत रास्तन माहीं चलत, अउर उआ आत्मा के मुताबिक जीबन बिताबत रहे हया, जउन इआ धरती के ऊपर के बुरी आत्मिक सक्तिन के स्वामी हय, उहय आत्मा अबहिनव उन मनइन के ऊपर काम करत हय, जउन परमातिमा के हुकुम काहीं नहीं मानँय।

2 कुरिन्थियन 4:4

इआ संसार के मालिक सइतान, ईं अबिसुआसी मनइन के बुद्धी काहीं भ्रस्ट कइ दिहिस ही, कि जउने ऊँ पंचे परमातिमा के साछात रूप, मसीह के महिमामय खुसी के खबर के उँजिआर काहीं न देखे पामँय।

यूहन्ना 16:11

अउर परमातिमा मनई के न्याय कइसा करिहँय, एहू के बारे माहीं घलाय हम समझाउब, काहेकि परमातिमा संसार माहीं सासन करँइ बाले सइतान के घलाय न्याय कइ चुके हँय।

यूहन्ना 14:30

अउर अब हम तोंहसे जादा समय तक बात न करब, काहेकि इआ संसार माहीं सासन करँइ बाला सइतान आमँइ बाला हय, अउर ओखर हमरे ऊपर कउनव अधिकार नहिं आय।

यूहन्ना 8:44

काहेकि तूँ पंचे अपने पिता सइतान के सन्तान आह्या। अउर तूँ पंचे अपने पिता के मरजी काहीं पूर करँइ चहते हया। उआ त संसार के सुरुआतय से कतली आय, अउर उआ सत्य के पच्छ कबहूँ नहीं लिहिस। काहेकि ओखे जीबन माहीं सत्य हइअय नहिं आय: अउर झूँठ बोलब ओखर सुभाबय आय; काहेकि उआ हमेसा झूँठ बोलँइ बाला आय, बलकिन झूँठ बोलँइ के सुरुआतय करँइ बाला आय।

1 यूहन्ना 5:19

हम पंचे जानित हएन, कि हम पंचे परमातिमा के सन्तान आहेन, अउर सगला संसार दुस्ट सइतान के काबू माहीं हय।

1 यूहन्ना 4:4

हे पियार लड़िकव, तूँ पंचे परमातिमा के आह्या, अउर तूँ पंचे ओखे ऊपर बिजय पाए हया; काहेकि ऊँ परमातिमा जउन तोंहरे जीबन माहीं बसे हँय, ऊँ संसार माहीं रहँइ बाले सइतान से बड़े हँय।

यूहन्ना 12:31

अब इआ संसार के मनइन के न्याय के समय आइगा हय, अब इआ संसार माहीं सासन करँइ बाले सइतान काहीं, परमातिमा हराय देइहँय।

दरसनन के बातँय 12:9

तब उआ बड़ा भारी अजिगर, अरथात उहय पुरान साँप, जउन इबलीस अउर सइतान कहाबत हय, अउर सगले संसार काहीं भरमामँइ बाला, धरती माहीं गिराय दीन ग; अउर ओखर दूत घलाय ओखे साथ गिराय दीनगें।

लूका 8:31

अउर ऊँ बुरी आत्मा यीसु से खुब चरउरी किहिन, कि हमहीं अथाह कुन्ड माहीं जाँइ के हुकुम न देई।

यूहन्ना 5:2

यरूसलेम सहर माहीं भेंड़-फाटक के लघे एकठे तलाव हय, जउन इब्रानी भाँसा माहीं बेतहसदा कहाबत हय, अउर ओखे किनारे पाँचठे बरामदा बने हँय।

दरसनन के बातँय 16:16

अउर ऊँ पंचे उनहीं उआ जघा माहीं एकट्ठा किहिन, जउन इब्रानी भाँसा माहीं हर-मगिदोन कहाबत हय।