दरसनन के बातँय 8:8 - Bagheli Bible

⁸ दूसर स्वरगदूत तुरही फूँकिन, त मानो आगी कि नाईं जरत एकठे बड़ा भारी पहार समुंद्र माहीं डारा ग; अउर समुंद्र के एक तिहाई हिस्सा खून होइगा।

दरसनन के बातँय 8:8 ပူးပေါင်းရင်းမြစ်များ

मरकुस 11:23

हम तोंहसे सही कहित हएन, कि जे कोऊ इआ पहार से कहय, कि ‘तूँ उखड़ि जा, अउर समुद्र माहीं जाइके बूड़ जा’, अउर अपने मन म संका न करय, बलकिन बिसुआस कइ लेय, कि हम जउन कहित हएन, उआ होइ जई, त ओखे खातिर उहय होई।

दरसनन के बातँय 11:6

उनहीं अधिकार हय, कि अकास काहीं बन्द करँय, कि जउने उनखे भबिस्सबानी के दिनन माहीं, बदरी न बरसय, अउर उनहीं सगले पानी के ऊपर अधिकार हय, कि ओही खून बनामँइ, अउर जब-जब चाहँय तब-तब धरती के ऊपर हरेकमेर के बिपत्ती लइ आमँय।

दरसनन के बातँय 12:4

अउर ओखर पूँछ अकास के तरइअन के एक तिहाई हिस्सा काहीं, खींचिके धरती माहीं गिराय दिहिस। उआ अजिगर उआ मेहेरिआ के आँगे जउन लड़कहाई रही हय ठाढ़ भ, कि जब उआ लड़िका पइदा करय, त ओखे लड़िका काहीं लील लेय।

दरसनन के बातँय 8:7

पहिल स्वरगदूत तुरही फूँकिन, तब खून से मिले ओला अउर आगी उत्पन्न भे अउर धरती माहीं डारी गे; अउर धरती के एक तिहाई हिस्सा जरिगा, अउर एक तिहाई बिरबा जरिगें, अउर सगला हरिअर चारा घलाय जरिगा।

दरसनन के बातँय 9:15

अउर ऊँ चारिव दूत खोल दीनगें, जउन उआ घरी, अउर दिन, अउर महीना, अउर बरिस के खातिर तइआर कीन गे रहे हँय, कि मनइन के एक तिहाई हिस्सा काहीं मारि डारँय।

दरसनन के बातँय 9:18

ईं तीनव महामारिन; अरथात आगी, अउर धुँआ, अउर गन्धक से, जउन उनखे मुँहे से निकरत रहे हँय, एक तिहाई मनई मारि डारे गें।