दरसनन के बातँय 8:12 - Bagheli Bible

¹² चउथ स्वरगदूत तुरही फूँकिन, अउर सुरिज के एक तिहाई हिस्सा, अउर जोंधइआ के एक तिहाई हिस्सा, अउर तरइअन के एक तिहाई हिस्सा माहीं बिपत्ती आइगे, इहाँ तक कि उनखर एक तिहाई हिस्सा माहीं अँधिआर होइगा, अउर दिन अउर रात के एक तिहाई हिस्सा माहीं घलाय अँधिआर होइगा।

दरसनन के बातँय 8:12 ပူးပေါင်းရင်းမြစ်များ

मत्ती 24:29

“ऊँ दिनन के दुख अउर कस्ट के बाद तुरन्तय सुरिज म एक्कव उँजिआर न रहि जई, अउर जोंधइआ उँजिआर न देई, अउर तरइया अकास से नीचे गिर अइहँय, अउर अकास के सगली चीजँय हलाई जइहँय।

मत्ती 27:45

अउर दुपहर बारा बजे से लइके तीन बजे तक, सगले देस माहीं अँधिआर छाबा रहिगा।

मरकुस 13:24

“ऊँ दिनन माहीं उआ दुख अउर कस्ट के बाद सुरिज म एक्कव उँजिआर न रहि जई, अउर जोंधइआ एक्कव उँजिआर न देई;

मरकुस 15:33

अउर दुपहर बारा बजे से लइके, तीन बजे तक सगले देस माहीं अँधिआर छाबा रहिगा।

लूका 21:25

यीसु इहव कहिन “सुरिज, जोंधइआ, अउर तरइअन माहीं अदभुत चिन्ह देखाई देइहँय; अउर धरती म रहँइ बाले सगले जाति के मनइन काहीं कस्ट अउर मुसीबत होई, काहेकि समुद्र माहीं बाढ़ आमँइ से, अउर ओखे लहरन के अबाज से सगले मनई घबराय जइहँय।

खास चेलन 2:20

प्रभू के महान अउर तेजोमय दिन के आमँइ से पहिले, सुरिज माहीं अँधिआर, अउर जोंधइआ खून कि नाईं होइ जई।’

2 कुरिन्थियन 4:4

इआ संसार के मालिक सइतान, ईं अबिसुआसी मनइन के बुद्धी काहीं भ्रस्ट कइ दिहिस ही, कि जउने ऊँ पंचे परमातिमा के साछात रूप, मसीह के महिमामय खुसी के खबर के उँजिआर काहीं न देखे पामँय।

दरसनन के बातँय 12:4

अउर ओखर पूँछ अकास के तरइअन के एक तिहाई हिस्सा काहीं, खींचिके धरती माहीं गिराय दिहिस। उआ अजिगर उआ मेहेरिआ के आँगे जउन लड़कहाई रही हय ठाढ़ भ, कि जब उआ लड़िका पइदा करय, त ओखे लड़िका काहीं लील लेय।

दरसनन के बातँय 16:10

ओखे बाद पचमाँ स्वरगदूत आपन खोरबा, उआ खतरनाक जानबर के सिंहासन माहीं उड़ेल दिहिन, अउर ओखे राज माहीं अँधिआर छाइगा। मनई पीरा के मारे आपन-आपन जीभ चबामँइ लागें,

दरसनन के बातँय 6:12

अउर जब मेम्ना छठमी मुहर खोलिन, त हम देखेन, कि एकठे बड़ा भुँइडोल भ; अउर सुरिज कम्बल कि नाईं करिआ, अउर पूरी जोंधइआ खून कि नाईं होइगे।

दरसनन के बातँय 9:15

अउर ऊँ चारिव दूत खोल दीनगें, जउन उआ घरी, अउर दिन, अउर महीना, अउर बरिस के खातिर तइआर कीन गे रहे हँय, कि मनइन के एक तिहाई हिस्सा काहीं मारि डारँय।

दरसनन के बातँय 9:18

ईं तीनव महामारिन; अरथात आगी, अउर धुँआ, अउर गन्धक से, जउन उनखे मुँहे से निकरत रहे हँय, एक तिहाई मनई मारि डारे गें।