दरसनन के बातँय 8:10 - Bagheli Bible

¹⁰ तीसर स्वरगदूत तुरही फूँकिन, अउर एकठे बड़ी भारी तरइया, जउन मसाल कि नाईं जरत रही हय, स्वरग से टूट, अउर नदिअन के एक तिहाई हिस्सा माहीं, अउर पानी के झिन्नन माहीं आय गिरी।

दरसनन के बातँय 8:10 ပူးပေါင်းရင်းမြစ်များ

मत्ती 25:1

यीसु एकठे उदाहरन बताइन, कि “स्वरग के राज ऊँ दसठे कुमारिन कि नाईं होई, जउन आपन-आपन मसाल लइके दुलहा से मिलँइ के खातिर अपने घरन से निकरीं।

लूका 10:18

तब यीसु उनसे कहिन, “हम सइतान काहीं बिजुली कि नाईं अकास से गिरत देखेन हय।

यहूदा 1:13

ईं पंचे समुद्र माहीं उठँय बाली, अइसन भयंकर लहरन कि नाईं हें, जउन अपने निरलज्जता के कामन के फेन उछालत रहती हईं। अउर ईं पंचे एँकई-ओंकई भटकँइ बाली अइसन तरइअन कि नाईं हें, जिनखे खातिर अनन्तकाल के घोर अँधिआर रक्खा ग हय।

दरसनन के बातँय 1:20

अउर ऊँ सातव तरइअन के भेद, जिनहीं तूँ हमरे दहिने हाँथ माहीं देख रहे हया, अउर ऊँ सातव सोने के दीबटन के भेद, ऊँ सातठे तरइया, सातव मसीही मन्डलिन के दूत आहीं, अउर ऊँ सातव दीबट, सातठे मसीही मन्डली आहीं।”

दरसनन के बातँय 12:4

अउर ओखर पूँछ अकास के तरइअन के एक तिहाई हिस्सा काहीं, खींचिके धरती माहीं गिराय दिहिस। उआ अजिगर उआ मेहेरिआ के आँगे जउन लड़कहाई रही हय ठाढ़ भ, कि जब उआ लड़िका पइदा करय, त ओखे लड़िका काहीं लील लेय।

दरसनन के बातँय 14:7

अउर ऊँ खुब चन्डे कहिन, “परमातिमा से डेरा, अउर उनखर बड़ाई करा, काहेकि उनखर न्याय करँइ के समय आय पहुँचा हय; अउर उनखर भजन करा, उँइन स्वरग, अउर धरती अउर समुंद्र अउर पानी के झिन्नन काहीं बनाइन हीं।”

दरसनन के बातँय 16:4

अउर तीसर स्वरगदूत आपन खोरबा नदिअन, अउर पानी के झिन्नन माहीं उड़ेल दिहिन, अउर ऊँ खून बनिगें।

दरसनन के बातँय 6:13

अउर अकास के तरइयाँ धरती के ऊपर अइसन गिर परीं, जइसन तेज आँधी से हालिके अंजीर के बिरबा म से कच्चे फर झरत हें।

दरसनन के बातँय 8:7

पहिल स्वरगदूत तुरही फूँकिन, तब खून से मिले ओला अउर आगी उत्पन्न भे अउर धरती माहीं डारी गे; अउर धरती के एक तिहाई हिस्सा जरिगा, अउर एक तिहाई बिरबा जरिगें, अउर सगला हरिअर चारा घलाय जरिगा।

दरसनन के बातँय 9:1

जब पचमाँ स्वरगदूत तुरही फूँकिन, त हम स्वरग से धरती के ऊपर एकठे तरइया गिरत देखेन, अउर उनहीं अथाह कुन्ड के उघन्नी दीन गे।

दरसनन के बातँय 9:15

अउर ऊँ चारिव दूत खोल दीनगें, जउन उआ घरी, अउर दिन, अउर महीना, अउर बरिस के खातिर तइआर कीन गे रहे हँय, कि मनइन के एक तिहाई हिस्सा काहीं मारि डारँय।

दरसनन के बातँय 9:18

ईं तीनव महामारिन; अरथात आगी, अउर धुँआ, अउर गन्धक से, जउन उनखे मुँहे से निकरत रहे हँय, एक तिहाई मनई मारि डारे गें।