दरसनन के बातँय 8:1 - Bagheli Bible

¹ अउर जब मेम्ना सतमी मुहर खोलिन, त स्वरग माहीं आधा घन्टा तक सन्नाटा छाइगा।

दरसनन के बातँय 8:1 ပူးပေါင်းရင်းမြစ်များ

मत्ती 27:66

तब ऊँ पंचे, उहाँ से चलेगें, अउर पथरा माहीं सील लगाय दिहिन, अउर पहरा देंइ बालेन काहीं उहाँ बइठाइके कब्र काहीं, सुरच्छित कइ दिहिन।

दरसनन के बातँय 5:1

अउर जउन सिंहासन माहीं बइठ रहे हँय, हम उनखे दहिने हाँथ माहीं एकठे किताब देखेन, जउन भीतर अउर बाहर लिखी रही हय, अउर उआ सात मुहर लगाइके बन्द कीन गे रही हय।

दरसनन के बातँय 5:9

अउर ऊँ पंचे इआ नबा गाना गामँइ लागें, कि “अपनय इआ किताब काहीं लेंइ, अउर एखर मुहरँय खोलँय के काबिल हएन; काहेकि अपना बध होइके अपने खून से हरेक कुल, अउर भाँसा, अउर लोग, अउर जाति म से परमातिमा के खातिर लोगन काहीं मोल लिहेन हँय।

दरसनन के बातँय 6:1

पुनि हम देखेन, कि मेम्ना ऊँ सातव मुहरन म से एकठे काहीं खोलिन; अउर ऊँ चारिव प्रानिन म से एकठे के गरजँय कि नाईं बोल सुनान, कि “आबा!”

दरसनन के बातँय 6:12

अउर जब मेम्ना छठमी मुहर खोलिन, त हम देखेन, कि एकठे बड़ा भुँइडोल भ; अउर सुरिज कम्बल कि नाईं करिआ, अउर पूरी जोंधइआ खून कि नाईं होइगे।

दरसनन के बातँय 6:3

अउर जब मेम्ना दूसर मुहर खोलिन, त हम दुसरे प्रानी काहीं इआ कहत सुनेन, कि “आबा!”

दरसनन के बातँय 6:5

अउर जब मेम्ना तीसर मुहर खोलिन, त हम तिसरे प्रानी काहीं इआ कहत सुनेन, कि “आबा!” अउर हमहीं एकठे करिआ घोड़ा देखान, अउर ओखे सबार के हाँथे माहीं एकठे तउलना रहा हय;

दरसनन के बातँय 6:7

अउर जब मेम्ना चउथ मोहर खोलिन, त हम चउथ प्रानी के बोल इआ कहत सुनेन, कि “आबा!”

दरसनन के बातँय 6:9

अउर जब मेम्ना पचमी मुहर खोलिन, त हम स्वरग के बेदी के नीचे उनखे प्रानन काहीं देखेन, जउन परमातिमा के बचन के कारन, अउर उआ गबाही के कारन, जउन ऊँ पंचे दिहिन रहा हय, बध कीन गे रहे हँय।