दरसनन के बातँय 7:9 - Bagheli Bible

⁹ एखे बाद हम देखेन, कि हरेक जाति, अउर कुल, अउर लोग अउर भाँसा म से एकठे अइसन बड़ी भीड़, जउने काहीं कोऊ गिन नहीं सकत रहा आय, उजर ओन्हा पहिरे, अउर अपने हाँथेन माहीं खजूर के डेरइअन काहीं लए, सिंहासन के आँगे, अउर मेम्ना के आँगे ठाढ़ रही ही।

दरसनन के बातँय 7:9 ပူးပေါင်းရင်းမြစ်များ

लूका 12:1

एतनेन माहीं जब हजारन मनइन के भीड़ लगिगे, अउर इहाँ तक कि ऊँ पंचे एक दुसरे के ऊपर गिरे परत रहे हँय, तब यीसु सबसे पहिले अपने चेला लोगन से कहँइ लागें, “फरीसी लोगन के कपटरूपी खमीर से सतरक रह्या।

लूका 21:36

एसे तूँ पंचे हर समय परमातिमा के बचन माहीं बने रहा, अउर प्राथना करत रहा, कि तूँ पंचे ईं आमँइ बाली घटनन से बचि जा, बलकिन जब मनई के लड़िका दुबारा अइहँय, तब तूँ पंचे उनखे आँगे ठाढ़ होंइ के काबिल बने रहा।”

यूहन्ना 12:13

एसे ऊँ पंचे खजूर के डेरइआ लइके यीसु से मिलँइ के खातिर चल दिहिन, अउर खुब चन्डे चिल्लाइके कहँइ लागें, “होसन्ना, धन्य हय इजराइल के राजा, जउन प्रभू के नाम से आबत हय।”

रोमियन 11:25

हे भाई-बहिनिव, कहँव अइसा न होय, कि तूँ पंचे अपने-आप काहीं बुद्धिमान समझ ल्या, एसे हम चाहित हएन, कि तूँ पंचे इआ भेद काहीं जानिल्या, कि परमातिमा के राज माहीं गैरयहूदी लोग जब तक पूरी तरह से प्रबेस न कइ लेइहँय, तब तक इजराइली लोगन म से कुछ जने अइसय कठोर बने रइहँय।

इफीसियन 6:13

एसे परमातिमा के दीन सगले आत्मिक हँथिआरन काहीं बाँधि ल्या, कि जउने तूँ पंचे बुरे दिनन माहीं ओखर सामना कइ सका, अउर सगली लड़ाई पूर कइके, बिसुआस माहीं अटल रहि सका।

इब्रानियन 11:12

अउर बिसुआस के कारन एक जने से अरथात अब्राहम से जउन बेलकुल बुढ़ाइगें तय, तऊ उनसे अकास के तरइअन अउर समुंद्र के किनारे के, बारू कि नाईं अनगिनत बंस पइदा भें।

इब्रानियन 12:22

पय अब तूँ पंचे सिय्योन के पहार के लघे, अउर जिन्दा परमातिमा के सहर अरथात स्वरग के यरूसलेम सहर के लघे, अउर लाखन स्वरगदूतन के लघे,

दरसनन के बातँय 11:15

अउर जब सतमा दूत तुरही फूँकिन, त स्वरग माहीं एखे बारे माहीं बड़े-बड़े बोल होंइ लागें, कि “संसार के राज हमरे पंचन के प्रभू के, अउर उनखे मसीह के होइ ग हय, अउर ऊँ जुगन-जुगन तक राज करिहँय।”

दरसनन के बातँय 22:3

पुनि सराप न होई, अउर परमातिमा अउर मेम्ना के सिंहासन, उआ सहर माहीं होई, अउर उनखर दास उनखर अराधना करिहँय।

दरसनन के बातँय 3:18

एहिन से हम तोंहईं इआ सलाह देइत हएन, कि आगी माहीं तपाबा सोन हमसे मोल लइ ल्या, कि धनी होइजा; अउर उजर ओन्हा लइ ल्या, कि ओही पहिरिके तोंहईं अपने नंगापन के लज्जा न होय, अउर अपने आँखिन माहीं लगामँइ के खातिर सुरमा लइ ल्या, कि तूँ देखँइ लागा।

दरसनन के बातँय 4:4

अउर उआ सिंहासन के चारिव कइती चउबिस सिंहासन हें; अउर ईं सिंहासनन के ऊपर चउबिस अँगुआ उजर ओन्हा पहिरे बइठ हें, अउर उनखे मूँड़ेन माहीं सोने के मुकुट हें।

दरसनन के बातँय 5:11

अउर जब हम देखेन, त उआ सिंहासन, अउर उन प्रानिन, अउर ऊँ अँगुअन के चारिव कइती खुब स्वरगदूतन के बोल सुनेन, जिनखर गिनती लाखन, करोड़न के रही हय।

दरसनन के बातँय 5:9

अउर ऊँ पंचे इआ नबा गाना गामँइ लागें, कि “अपनय इआ किताब काहीं लेंइ, अउर एखर मुहरँय खोलँय के काबिल हएन; काहेकि अपना बध होइके अपने खून से हरेक कुल, अउर भाँसा, अउर लोग, अउर जाति म से परमातिमा के खातिर लोगन काहीं मोल लिहेन हँय।

दरसनन के बातँय 6:11

अउर उनमा से हरेक जन काहीं, उजर ओन्हा दीन ग, अउर उनसे कहा ग, कि अउर थोरी देर तक अराम करा, जब तक तोंहार पंचन के साथी सेबक लोग, अउर भाई लोग, जउन तोंहरिन कि नाईं बध होंइ बाले हें, उनहूँ के घलाय गिनती पूर न होइ जाय।

दरसनन के बातँय 7:8

जबूलून के कुल म से बारा हजार के ऊपर, यूसुफ के कुल म से बारा हजार के ऊपर, अउर बिन्यामीन के कुल म से बारा हजार के ऊपर मुहर लगाई गे।