दरसनन के बातँय 7:4 - Bagheli Bible

⁴ अउर जिनखे ऊपर मुहर लगाई गे रही हय, हम उनखर गिनती सुनेन, अरथात इजराइल के सन्तानन के सगले कुलन म से, एक लाख चवालिस हजार मनइन के ऊपर मुहर लगाई गे।

दरसनन के बातँय 7:4 ပူးပေါင်းရင်းမြစ်များ

मत्ती 19:28

तब यीसु उनसे कहिन, कि “हम तोंहसे सही-सही कहित हएन, कि आमँइ बाले नए संसार माहीं जब सब कुछ परमातिमा नबा बनइहँय, तब मनई के लड़िका अपने महिमा के सिंहासन माहीं बइठिके राज करिहँय, अउर तुहूँ पंचे घलाय जउन हमार चेला बन गया हय, बरहँव सिंहासनन माहीं बइठिके, इजराइल के बरहँव गोत्रन के न्याय करिहा।

लूका 14:22

दास आइके कहिस, ‘हे मालिक, जइसन अपना कहेन तय उहयमेर किहेन हय; अउर ओखे बादव घर माहीं जघा खाली हय।’

लूका 22:30

जउने तूँ पंचे हमरे राज माहीं हमरे साथ खा-पिआ, अउर सिंहासनन माहीं बइठिके इजराइल के बरहँव गोत्रन के न्याय करा।”

खास चेलन 26:7

उहय वादा के पूर होंइ के आसा लगाए, हमार पंचन के बरहँव कुलन के मनई अपने पूरे मन से रातव-दिन परमातिमा के सेबा करत आएँ हँय। हे राजा इहय आसा के बारे माहीं यहूदी लोग हमरे ऊपर दोस लगाबत हें।

रोमियन 9:27

अउर यसायाह नबी अपने लिखी किताब माहीं इजराइल के सन्तानन के बारे माहीं चिल्लाइके कहत हें, कि “चाह इजराइल के सन्तानन के गिनती समुद्र के बारू के बराबर होय, तऊ उनमा से थोरिन काहीं मनई बचे पइहँय।

याकूब 1:1

परमातिमा के अउर प्रभू यीसु मसीह के दास याकूब के तरफ से, उन बरहँव कुलन काहीं, जउन सगले संसार माहीं तितर-बितर होइके रहत हें, नबस्कार पहुँचय।

दरसनन के बातँय 14:1

एखे बाद हम देखेन, कि मेम्ना सिय्योन पहार के ऊपर ठाढ़ हें, अउर उनखे साथ एक लाख चवालिस हजार मनई हें, जिनखे लिलारे माहीं उनखर, अउर उनखे बाप के नाम लिखा हय।

दरसनन के बातँय 14:3

अउर ऊँ पंचे सिंहासन के आँगे, अउर चारिव प्रानिन अउर अँगुअन के आँगे, एकठे नबा गाना गाबत रहे हँय। अउर ऊँ एक लाख चवालिस हजार मनइन के अलाबा, जउन धरती के ऊपर से मोल लीन गे रहे हँय, कोऊ उआ गाना काहीं नहीं सिख सकत रहे आहीं।

दरसनन के बातँय 7:5

यहूदा के कुल म से बारा हजार के ऊपर मुहर लगाई गे, अउर रूबेन के कुल म से बारा हजार के ऊपर; अउर गाद के कुल म से बारा हजार के ऊपर।

दरसनन के बातँय 9:16

“उनखे फउज के सबारन के गिनती बीस करोड़ रही हय।” इआ बात काहीं हम सुनेन,