दरसनन के बातँय 7:3 - Bagheli Bible

³ “जब तक हम अपने परमातिमा के सेबकन के लिलारे माहीं, मुहर न लगाय देई, तब तक धरती, अउर समुंद्र, अउर बिरबन काहीं नुकसान न पहुँचाया।”

दरसनन के बातँय 7:3 ပူးပေါင်းရင်းမြစ်များ

मत्ती 24:22

अउर अगर परमातिमा ऊँ दिनन काहीं कम न करते, त कउनव प्रानी न बचतें, पय अपने चुने मनइन के कारन परमातिमा ऊँ दिनन काहीं घटइहँय।

मत्ती 24:31

अउर ऊँ तुरही के खुब तेज अबाज के साथ अपने स्वरगदूतन काहीं पठइहँय, अउर ऊँ पंचे अकास के एक छोर से दुसरे छोर तक, चारिव दिसन से उनखे चुने मनइन काहीं एकट्ठा करिहँय।”

यूहन्ना 12:26

अगर कोऊ हमार सेबा करय, त हमरे पीछे-पीछे चलय; अउर जहाँ हम रहब, उहँय हमार सेबा करँइ बाला घलाय रही; अगर कोऊ हमार सेबा करी, त पिता ओखर आदर करिहँय।

यूहन्ना 3:33

जे कोऊ उनखे गबाही काहीं सोइकार कइ लिहिस ही, उआ इआ बात के गबाही देत हय, कि परमातिमा सच्चे हँय।

रोमियन 6:22

पय अब तूँ पंचे पाप के बन्धन से अजाद होइके, परमातिमा के दास बन गया हय, अउर अपने जीबन माहीं पबित्रता के फर पइदा कइ रहे हया, जेखर परिनाम हय अनन्त जीबन।

दरसनन के बातँय 13:16

अउर उआ दूसर खतरनाक जानबर सगले मनइन काहीं, चाह उआ छोट होय, इआ बड़ा, धनी होय, इआ गरीब, अजाद होय, इआ दास, सगलेन काहीं दहिने हाँथ इआ कि, लिलारे माहीं छाप लगबामँइ के खातिर बिबस किहिस।

दरसनन के बातँय 13:17

जेखे ऊपर छाप अरथात उआ खतरनाक जानबर के नाम, इआ कि ओखे नाम के संख्या न होई, उआ लेन-देन नहीं कइ सकय।

दरसनन के बातँय 14:1

एखे बाद हम देखेन, कि मेम्ना सिय्योन पहार के ऊपर ठाढ़ हें, अउर उनखे साथ एक लाख चवालिस हजार मनई हें, जिनखे लिलारे माहीं उनखर, अउर उनखे बाप के नाम लिखा हय।

दरसनन के बातँय 14:9

पुनि इनखे बाद एकठे अउर, तीसर स्वरगदूत खुब चन्डे से इआ कहत आएँ, “जे कोऊ उआ खतरनाक जानबर अउर ओखे मूरत के अराधना करी, अउर अपने लिलारे माहीं, इआ कि अपने हाँथे माहीं ओखर छाप लगाई,

दरसनन के बातँय 19:2

काहेकि उनखर निरनय सच्चे अउर न्यायपूर्न हें। अउर ऊँ उआ बड़ी बेस्या काहीं, जउन अपने ब्यभिचार से धरती काहीं भ्रस्ट करत रही हय, सजा दिहिन हीं, अउर ओसे अपने दासन के खून के बदला लिहिन हीं।”

दरसनन के बातँय 20:4

ओखे बाद हम सिंहासनन काहीं देखेन, अउर उनमा लोग बइठिगें, अउर उनहीं न्याय करँइ के अधिकार दीनगा। हम उनखे आत्मन काहीं घलाय देखेन, जिनखर मूँड़ यीसु के गबाही देंइ, अउर परमातिमा के बचन के कारन काटे गे रहे हँय, अउर ऊँ पंचे न उआ खतरनाक जानबर के, अउर न ओखे मूरत के पूजा किहिन तय, अउर न ओखर छाप, अपने लिलारे अउर हाँथन के ऊपर लिहिन तय। ऊँ पंचे जिन्दा होइके मसीह के साथ हजार बरिस तक राज करत रहिगें।

दरसनन के बातँय 22:4

ऊँ पंचे उनखर मुँह देखिहँय, अउर उनखर नाम उनखे लिलारे के ऊपर लिखा रही।

दरसनन के बातँय 6:6

अउर हम उन चारिव प्रानिन के बीच म से एकठे बोल इआ कहत सुनेन, कि “एक दिनार के सेर भर गोहूँ, अउर एक दिनार के तीन सेर जबा, पय जयतून के तेल अउर अंगूर के रस के नुकसान न किहा।”

दरसनन के बातँय 7:1

एखे बाद हम धरती के चरहूँ कोनमा माहीं, चारठे स्वरगदूतन काहीं ठाढ़ देखेन, ऊँ पंचे धरती के चरहूँ हबा काहीं रोंके रहे हँय, जउने धरती, इआ कि समुंद्र, इआ कि कउनव बिरबन के ऊपर हबा न चलय।

दरसनन के बातँय 7:2

फेर हम एकठे अउर स्वरगदूत काहीं, जिन्दा परमातिमा के मुहर लए पूरुब से ऊपर कइती आबत देखेन; ऊँ उन चरहूँ स्वरगदूतन से जिनहीं धरती अउर समुंद्र के नुकसान करँइ के अधिकार दीन ग तय, खुब चन्डे गोहराइके कहिन।

दरसनन के बातँय 9:4

अउर उनसे कहा ग, कि न धरती के चारा काहीं, न कउनव हरियरी काहीं, न कउनव बिरबा काहीं नुकसान पहुँचामय, केबल उन मनइन काहीं नुकसान पहुँचामय, जिनखे लिलारे माहीं परमातिमा के मुहर नहीं लगी आय।