दरसनन के बातँय 7:2 - Bagheli Bible

² फेर हम एकठे अउर स्वरगदूत काहीं, जिन्दा परमातिमा के मुहर लए पूरुब से ऊपर कइती आबत देखेन; ऊँ उन चरहूँ स्वरगदूतन से जिनहीं धरती अउर समुंद्र के नुकसान करँइ के अधिकार दीन ग तय, खुब चन्डे गोहराइके कहिन।

दरसनन के बातँय 7:2 ပူးပေါင်းရင်းမြစ်များ

मत्ती 16:16

तब समौन जिनखर नाम पतरस घलाय रहा हय, यीसु से कहिन, “अपना जिन्दा परमातिमा के लड़िका मसीह आहेन।”

मत्ती 26:63

पय यीसु कुछू जबाब नहीं दिहिन। तब महायाजक उनसे कहिन, कि “हम तोहईं जिन्दा परमातिमा के कसम खबाइत हएन, कि अगर तूँ परमातिमा के लड़िका मसीह आह्या, त हमहीं बताय द्या।”

यूहन्ना 6:27

नास होंइ बाले खाना के खातिर मेहनत न करा, पय अनन्त जीबन देंइ बाले उआ खाना के खातिर मेहनत करा, जउने काहीं मनई के लड़िका तोंहईं देइहँय, काहेकि ओही देंइ के अधिकार पिता परमातिमा केबल उनहिन काहीं दिहिन हीं।”

2 कुरिन्थियन 1:22

अउर उँइन हमरे पंचन के ऊपर आपन छाप लगाय दिहिन हीं, अउर बयाना माहीं पबित्र आत्मा काहीं हमरे पंचन के भीतर डार दिहिन हीं।

इफीसियन 1:13

जब तूँ पंचे उआ सत्य के बचन काहीं सुने रह्या हय, जउन तोंहईं पंचन काहीं मुक्ती देंइ के खुसी के खबर रहा हय, अउर जउने मसीह के ऊपर तूँ पंचे बिसुआस किहा तय, त जउने पबित्र आत्मा काहीं देंइ के वादा परमातिमा किहिन तय, उँइन मसीह के द्वारा पबित्र आत्मा के अदभुत चिन्हारी तोंहरे पंचन के ऊपर घलाय लगाई गे ही।

इफीसियन 4:30

अउर परमातिमा के पबित्र आत्मा काहीं दुखी न करा, काहेकि परमातिमा पबित्र आत्मा काहीं, तोंहरे पंचन के ऊपर छुटकारा देंइ बाले दिन के खातिर चिन्हारी के रूप माहीं दिहिन हीं।

1 थिस्सलुनीकियन 1:9

काहेकि ऊँ पंचे खुदय हमरे बारे माहीं बताबत हें, कि तोंहरे लघे हमार पंचन के आउब कउनमेर भ रहा हय; अउर तूँ पंचे कइसन मूरतिन काहीं पूजब छोंड़िके, परमातिमा के बचन काहीं मानँइ लागे हया। अउर तूँ पंचे जिअत अउर सच्चे परमातिमा के सेबक बन गया।

2 तीमुथियुस 2:19

तऊ परमातिमा जिनहीं चुनिन हीं, ऊँ बिसुआस माहीं पक्की नेव कि नाईं मजबूत बने रइहँय, काहेकि उनखे ऊपर बचन रूपी छाप लगी हय, “कि प्रभू अपने चुने मनइन काहीं पहिचानत हें।” अउर “जे कोऊ प्रभू के नाम के ऊपर बिसुआस करत हय, उआ बुरे कामन से बचा रहय।”

इब्रानियन 12:22

पय अब तूँ पंचे सिय्योन के पहार के लघे, अउर जिन्दा परमातिमा के सहर अरथात स्वरग के यरूसलेम सहर के लघे, अउर लाखन स्वरगदूतन के लघे,

दरसनन के बातँय 1:3

धन्य हय उआ मनई, जउन इआ भबिस्यबानी के बचन काहीं पढ़त हय, अउर धन्य हें ऊँ पंचे जउन सुनत हें, अउर एमाहीं लिखी बातन काहीं मानत हें, काहेकि समय नजदीक आइगा हय।

दरसनन के बातँय 10:1

हम पुनि एकठे अउर सक्तिसाली स्वरगदूत काहीं बदरी ओढ़े, स्वरग से उतरत देखेन। अउर उनखे मूँड़े माहीं इन्द्रधनुस रहा हय, अउर उनखर मुँह सुरिज कि नाईं, अउर उनखर गोड़ आगी के खम्भा कि नाईं रहे हँय।

दरसनन के बातँय 10:4

जब गरजँय के सतहूँ बोल सुनाई दइ चुकें, त हम लिखँइ बाले रहेन हय, अउर हम स्वरग से इआ बोल सुनेन, कि जउन बातँय गरजँय के ऊँ सातठे बोलन से सुने हया, उनहीं गुप्त रक्खा, अउर न लिखा।

दरसनन के बातँय 16:12

ओखे बाद छठमाँ स्वरगदूत, अपने खोरबा काहीं फरात महानदी के ऊपर उड़ेल दिहिन, अउर ओखर पानी झुराइगा, कि जउने पूरुब दिसा के राजन के खातिर गइल तइआर होइ जाय।

दरसनन के बातँय 5:2

फेर हम एकठे बलमान स्वरगदूत काहीं देखेन, जउन तेज अबाज से इआ प्रचार करत रहे हँय, कि “इआ किताब काहीं खोलँय अउर एखर मुहर टोरँइ के काबिल को हय?”

दरसनन के बातँय 8:3

ओखे बाद एकठे अउर स्वरगदूत सोने के धूपदानी लए आएँ, अउर बेदी के लघे ठाढ़ भें; अउर उनहीं खुब काहीं धूप दीन ग, कि सगले पबित्र मनइन के प्राथनन के साथ सोने के उआ बेदी माहीं, जउन सिंहासन के आँगे हय चढ़ामँय।

दरसनन के बातँय 9:14

मानो छठएँ स्वरगदूत से, जिनखे लघे तुरही रही हय, कोऊ कहि रहे हँय, कि “ऊँ चारिव स्वरगदूतन काहीं, जउन बड़ी नदिया फरात के लघे बाँधे हँय, खोल देंय।”

दरसनन के बातँय 9:4

अउर उनसे कहा ग, कि न धरती के चारा काहीं, न कउनव हरियरी काहीं, न कउनव बिरबा काहीं नुकसान पहुँचामय, केबल उन मनइन काहीं नुकसान पहुँचामय, जिनखे लिलारे माहीं परमातिमा के मुहर नहीं लगी आय।