दरसनन के बातँय 7:17 - Bagheli Bible

¹⁷ काहेकि मेम्ना जउन सिंहासन के बीच माहीं हें, उनखर देखभाल करिहँय; अउर उनहीं पंचन काहीं जीबन रूपी पानी के झिन्नन के लघे लइ जाबा करिहँय, अउर परमातिमा उनखे आँखिन से सगले आँसू पोंछि डरिहँय।

दरसनन के बातँय 7:17 ပူးပေါင်းရင်းမြစ်များ

यूहन्ना 4:14

पय जे कोऊ उआ पानी पी, जउन हम ओही देब, उआ पुनि अनन्तकाल तक पियासा न होई: बलकिन जउन पानी हम ओही देब, ओखे जीबन माहीं एकठे झिन्ना बन जई, अउर अनन्त जीबन देंइ के खातिर झिरिके बहतय रही।”

यूहन्ना 4:11

उआ मेहेरिआ उनसे कहिस, “हे प्रभू, अपना के लघे त पानी भरँइ के खातिर कुछू हइअव नहिं आय, अउर कुँआ गहिल ही: त फेर उआ जीबन देंइ बाला पानी अपना के लघे कहाँ से आबा?

दरसनन के बातँय 22:1

ओखे बाद ऊँ हमहीं सीसा कि नाईं झलकत, जीबन के पानी के नदी देखाइन, जउन परमातिमा, अउर मेम्ना के सिंहासन से निकरिके,

दरसनन के बातँय 21:4

ऊँ उनखे आँखिन से सगले आँसू पोंछि डरिहँय; अउर एखे बाद मउत न रही, अउर न सोक, अउर न बिलाप, न पीरा रही; पहिल बातँय खतम होइ जइहँय।”

दरसनन के बातँय 21:6

अउर पुनि ऊँ हमसे कहिन, “ईं बातँय पूर होइ गई हँय। हम अल्फा अउर ओमेगा, आदि अउर अन्त आहेन। हम पिआसे काहीं, जीबन के पानी के झिन्ना म से सेंत-मेंत माहीं पिआउब।

यूहन्ना 10:11

निकहा चरबाहा हमहिन आहेन; निकहा चरबाहा अपने गड़रन के खातिर आपन प्रान दइ देत हय।

यूहन्ना 10:14

निकहा चरबाहा हमहिन आहेन; अउर हम अपने गड़रन काहीं जानित हएन, अउर हमार सगली गाड़र हमहीं जनती हईं।

दरसनन के बातँय 5:6

अउर हम उआ सिंहासन, अउर चारिव जिन्दा प्रानिन, अउर ऊँ अँगुअन के बीच माहीं, मानो एकठे बध कीन मेम्ना ठाढ़ देखेन; ओखे सातठे सींग अउर सातठे आँखी रही हँय; ईं परमातिमा के सातँव आत्मा आहीं, जिनहीं परमातिमा सगली धरती के ऊपर पठइन हीं।

मत्ती 2:6

कि, “हे बैतलहम गाँव, जउन तूँ यहूदा प्रदेस माहीं हया, तूँ कउनव मेर से यहूदिया प्रदेस के अधिकारिन माहीं सगलेन से छोट नहिं आह्या; काहेकि तोंहरे म से एकठे सासन करँइ बाला पइदा होई, जउन हमरे प्रजा इजराइल के रखबारी करी।”

दरसनन के बातँय 4:11

“हे हमार पंचन के प्रभू, अउर परमातिमा, अपनय महिमा, अउर मान-सम्मान, अउर सामर्थ के काबिल हएन; काहेकि अपनय सगली चीजन काहीं बनाएन हय, अउर ऊँ अपनय के मरजी से बनाई गे रही हँय, अउर बनाई गई हँय।”

1 पतरस 5:2

कि परमातिमा के उआ झुन्ड के रखबारी करा, जउन तोंहईं पंचन काहीं सउँपा ग हय, अउर इआ काम कउनव दबाव से नहीं, बलकिन परमातिमा के मरजी के मुताबिक, बड़े खुसी के साथ पूरे मन से किहा। अउर इआ काम नीच कमाई के खातिर न किहा।

खास चेलन 20:28

एसे अपना पंचे आपन अउर अपने पूरे झुन्ड के रखबारी करी; जउने खातिर पबित्र आत्मा अपना पंचन काहीं अँगुआ ठहराइन हीं; कि अपना पंचे परमातिमा के मसीही मन्डली के रखबारी करी, जेही ऊँ अपने खून से मोल लिहिन हीं।

मत्ती 5:4

ऊँ पंचे धन्य हें, जउन सोक करत हें, काहेकि उनहीं सान्ती मिली।

यूहन्ना 4:10

यीसु ओही जबाब दिहिन, “अगर तूँ परमातिमा के बरदान काहीं जन त्या, अउर इहव जन त्या कि ऊँ को आहीं, जउन तोंहसे कहत हें, कि हमहीं पानी पिआबा; त तूँ उनसे मग त्या, अउर ऊँ तोंहईं जीबन देंइ बाला पानी देतें।”

दरसनन के बातँय 14:4

ईं ऊँ पंचे आहीं, जउन मेहेरिअन के साथ असुद्ध नहीं भे रहे आहीं, बलकिन कुमार हें; ईं उँइन पंचे आहीं, जउन जहाँ कहँव मेम्ना जात रहे हँय, ईं पंचे उनखे पीछे-पीछे चल देत रहे हँय, ईं पंचे त परमातिमा अउर मेम्ना के खातिर, पहिल फल होंइ के खातिर, मनइन म से मोल लीन गे हँय।

दरसनन के बातँय 21:22

हम ओमाहीं कउनव मन्दिर नहीं देखेन, काहेकि सर्बसक्तिमान प्रभू परमातिमा, अउर मेम्ना ओखर मन्दिर आहीं।

दरसनन के बातँय 21:23

उआ सहर माहीं सुरिज अउर जोंधइआ के उँजिआर के जरूरत नहिं आय, काहेकि परमातिमा के तेज से, ओमाहीं उँजिआर होइ रहा हय, अउर मेम्ना ओखर दीपक आहीं।