दरसनन के बातँय 7:14 - Bagheli Bible

¹⁴ हम उनसे कहेन; “हे, मालिक, अपनय जानित हएन।” तब ऊँ हमसे कहिन; “ईं ऊँ पंचे आहीं, जउन उआ महाकस्ट से निकरिके आए हँय; ईं पंचे अपने-अपने ओन्हन काहीं मेम्ना के खून से धोइके उजर किहिन हीं।

दरसनन के बातँय 7:14 ပူးပေါင်းရင်းမြစ်များ

मत्ती 24:21

काहेकि ऊँ दिनन माहीं एतना भारी संकट अई, कि जब से परमातिमा इआ संसार काहीं बनाइन हीं, तब से लइके आज तक अइसन संकट कबहूँ नहीं आबा, अउर न कबहूँ अउबय करी।

मरकुस 13:19

काहेकि ऊँ दिन अइसन भारी दुख अउर कस्ट के होइहँय, कि जब से परमातिमा संसार काहीं बनाइन हीं, तब से लइके अबय तक न कबहूँ भे आहीं, अउर न कबहूँ पुनि होइहँय।

यूहन्ना 16:33

ईं बातन काहीं तोंहसे हम एसे कहेन हय, कि हमरे व्दारा तोंहईं सान्ती मिलय; संसार माहीं तोंहईं दुख मिलत हय, पय ढाढ़स बाँधा, हम संसार काहीं जीत लिहेन हय।”

खास चेलन 14:22

अउर चेलन के मन काहीं स्थिर करत रहिगें, अउर उपदेस देत रहे हँय, कि हमहीं पंचन काहीं खुब कस्ट सहिके परमातिमा के राज माहीं प्रबेस करँइ परी।

रोमियन 5:3

केबल एतनय भर नहीं, बलकिन हमहीं पंचन काहीं दुख-मुसीबत माहीं घलाय आनन्द मनामँइ चाही, इआ जानिके कि दुख-मुसीबत से धीरज पइदा होत हय।

1 कुरिन्थियन 6:11

अउर तोंहरे पंचन म से कुछ जने इहइमेर के पाप करँइ बाले रहे हँय, पय अब उन पापन से तोंहईं पंचन काहीं धोय दीन ग हय, अउर पबित्र कइ दीन ग हय, अउर तोंहईं पंचन काहीं परमातिमा के सेबा के खातिर सँउप दीन ग हय, अउर प्रभू यीसु मसीह के नाम अउर हमरे पंचन के परमातिमा के आत्मा के द्वारा, परमातिमा के नजर माहीं निरदोस साबित कइ दीन ग हय।

2 थिस्सलुनीकियन 1:4

इहाँ तक, कि हम पंचे खुदय परमातिमा के मसीही मन्डली माहीं तोंहरे बारे माहीं घमन्ड करित हएन, कि जेतने उपद्रव अउर दुख-मुसीबत तूँ पंचे सहते हया, उन सगलेन माहीं तोंहार धीरज अउर बिसुआस प्रगट होत हय।

इब्रानियन 13:12

इहय कारन यीसु घलाय, अपनेन खून के द्वारा मनइन काहीं पबित्र करँइ के खातिर, यरूसलेम सहर के फाटक के बहिरे क्रूस के दुख सहिन हीं।

इब्रानियन 9:14

त मसीह जउन खुद काहीं सनातन आत्मा के द्वारा, परमातिमा के आँगे निरदोस बली के रूप माहीं चढ़ाइन हीं, त ऊँ अपने खून के द्वारा तोंहरे पंचन के सोच-बिचारन काहीं, मउत कइती लइ जाँइ बाले बुरे कामन से जरूर सुद्ध करिहँय, जउने तूँ पंचे जिन्दा परमातिमा के सेबा कइ सका।

1 पतरस 1:19

बलकिन उआ मुक्ती तोंहईं पंचन काहीं, निरदोस अउर निस्कलंक मेम्ना, अरथात मसीह के अनमोल खून के द्वारा मिली हय।

1 यूहन्ना 1:7

पय जइसन ऊँ उँजिआर माहीं चलत हें, उहयमेर अगर हमहूँ पंचे उँजिआर माहीं चली, त एक दुसरे के साथ हमार पंचन के सहभागिता ही; अउर परमातिमा के लड़िका यीसु के खून, हमहीं पंचन काहीं सगले पापन से सुद्ध करत हय।

दरसनन के बातँय 1:5

अउर यीसु मसीह के तरफ से, जउन बिसुआस के काबिल गबाह, अउर मरेन म से जि उठँय बालेन माहीं पहिलउठा, अउर धरती के राजन के ऊपर घलाय सासन करँइ बाले आहीं, तोंहईं पंचन काहीं किरपा अउर सान्ती मिलत रहय। ऊँ हमसे पंचन से प्रेम करत हें, अउर उँइन अपने खून के द्वारा हमहीं पंचन काहीं पापन से छोड़ाइन हीं।

दरसनन के बातँय 12:11

अउर ऊँ पंचे मेम्ना के खून के कारन, अउर अपने गबाही के बचन के कारन, सइतान के ऊपर बिजयी भें हँय, अउर ऊँ पंचे अपने प्रानन काहीं पियार नहीं जानिन, इहाँ तक कि मउत घलाय सहि लिहिन।

दरसनन के बातँय 15:2

अउर हम आगी से मिले सीसा कि नाईं, एकठे समुंद्र देखेन; अउर जउन मनई उआ खतरनाक जानबर के ऊपर, अउर ओखे मूरत के ऊपर, अउर ओखे संख्या के ऊपर बिजयी भे रहे हँय, उनहीं पंचन काहीं उआ सीसा के समुंद्र के लघे, परमातिमा के बीना काहीं लए ठाढ़ देखेन।

दरसनन के बातँय 17:6

अउर हम उआ मेहेरिआ काहीं, पबित्र लोगन के खून, अउर यीसु के गबाहन के खून पिए से मतबार देखेन; अउर ओही देखिके हम चउआय गएन।

दरसनन के बातँय 2:9

हम तोंहरे कस्ट अउर गरीबी काहीं जानित हएन; (पय तूँ धनी हया) अउर जउन मनई अपने-आप काहीं यहूदी कहत हें, अउर आहीं न, बलकिन सइतान के सभा आहीं, उनखे बुराई काहीं घलाय जानित हएन।

दरसनन के बातँय 22:14

“ऊँ पंचे धन्य हें, जउन आपन ओन्हा धोय लेत हें, काहेकि उनहीं जीबन के बिरबा के लघे, आमँइ के अधिकार मिली, अउर ऊँ पंचे फाटक से होइके सहर माहीं जइहँय।

दरसनन के बातँय 5:9

अउर ऊँ पंचे इआ नबा गाना गामँइ लागें, कि “अपनय इआ किताब काहीं लेंइ, अउर एखर मुहरँय खोलँय के काबिल हएन; काहेकि अपना बध होइके अपने खून से हरेक कुल, अउर भाँसा, अउर लोग, अउर जाति म से परमातिमा के खातिर लोगन काहीं मोल लिहेन हँय।

दरसनन के बातँय 7:9

एखे बाद हम देखेन, कि हरेक जाति, अउर कुल, अउर लोग अउर भाँसा म से एकठे अइसन बड़ी भीड़, जउने काहीं कोऊ गिन नहीं सकत रहा आय, उजर ओन्हा पहिरे, अउर अपने हाँथेन माहीं खजूर के डेरइअन काहीं लए, सिंहासन के आँगे, अउर मेम्ना के आँगे ठाढ़ रही ही।