दरसनन के बातँय 7:11 - Bagheli Bible

¹¹ अउर सगले स्वरगदूत, उआ सिंहासन अउर अँगुअन, अउर चरहूँ जिन्दा प्रानिन के चारिव कइती ठाढ़ हें, फेर ऊँ पंचे सिंहासन के आँगे मुँह के बल गिर परें; अउर परमातिमा के गोड़न गिरिके कहिन,

दरसनन के बातँय 7:11 ပူးပေါင်းရင်းမြစ်များ

मत्ती 4:10

तब यीसु ओसे कहिन, “हे सइतान हमसे दूरी होइजा, काहेकि पबित्र सास्त्र माहीं लिखा हय, कि ‘तूँ अपने प्रभू परमातिमा के गोड़न गिरा, अउर केबल उनहिन के अराधना करा’।”

यूहन्ना 5:23

एसे, कि जइसन सगले मनई पिता परमातिमा के मान-सम्मान करत हें, उहयमेर लड़िका के घलाय मान-सम्मान करँय। जे कोऊ लड़िका के मान-सम्मान नहीं करय, उआ पिता परमातिमव के जे लड़िका काहीं पठइन हीं, मान-सम्मान नहीं करय।”

इब्रानियन 1:6

अउर जब ऊँ अपने पहिलउठा लड़िका काहीं संसार माहीं पठबत हें, त कहत हें, कि “परमातिमा के सगले स्वरगदूत उनखे गोड़न गिरँय।”

दरसनन के बातँय 11:16

तब चउबीसव अँगुआ जउन परमातिमा के आँगे अपने-अपने सिंहासन माहीं बइठ रहे हँय, मुँह के बल गिरिके परमातिमा के गोड़न गिरिके,

दरसनन के बातँय 15:4

“हे प्रभू, अइसा कउन हय, जउन अपना से न डेरई, अउर अपना के नाम के बड़ाई न करी? काहेकि केबल अपनय पबित्र हएन। अउर सगले जातिअन के मनई आइके अपना के आँगे गोड़न गिरि हँय, काहेकि अपना के न्याय के काम प्रगट होइगे हँय।”

दरसनन के बातँय 22:9

पय ऊँ हमसे कहिन, “देखा, अइसा न करा, काहेकि हम तोंहार, अउर तोंहरे भाई परमातिमा के सँदेस बतामँइ बालेन के, अउर इआ किताब के बातन काहीं मानँइ बालेन के संगी दास आहेन। तूँ केबल परमातिमय भर के गोड़न गिरा।”

दरसनन के बातँय 4:10

तब चउबीसव अँगुआ सिंहासन माहीं बइठँय बाले के आँगे गिर परिहँय, अउर उनहीं, जउन जुगन-जुगन से जिन्दा हें, प्रनाम करिहँय; अउर आपन-आपन मुकुट सिंहासन के आँगे इआ कहत धइ देइहँय, कि

दरसनन के बातँय 4:4

अउर उआ सिंहासन के चारिव कइती चउबिस सिंहासन हें; अउर ईं सिंहासनन के ऊपर चउबिस अँगुआ उजर ओन्हा पहिरे बइठ हें, अउर उनखे मूँड़ेन माहीं सोने के मुकुट हें।

दरसनन के बातँय 4:6

अउर उआ सिंहासन के आस-पास सीसा कि नाईं चमकदार पारदर्सी समुद्र हय, अउर बीच माहीं सिंहासन के आस-पास चारठे जिन्दा प्रानी हें, जिनखे आँगे पीछे आँखिन-आँखी हईं।

दरसनन के बातँय 4:8

अउर चरहूँ प्रानिन के छय-छयठे पखना हें, अउर चारिव कइती, अउर भीतर आँखिन आँखी हईं; अउर ऊँ पंचे रातव दिना बिना अराम किहे, इआ कहत रहत हें, कि “पबित्र, पबित्र, पबित्र प्रभू परमातिमा, सर्बसक्तिमान, जउन रहे हँय, अउर जउन हें, अउर जउन आमँइ बाले हें।”