दरसनन के बातँय 6:9 - Bagheli Bible

⁹ अउर जब मेम्ना पचमी मुहर खोलिन, त हम स्वरग के बेदी के नीचे उनखे प्रानन काहीं देखेन, जउन परमातिमा के बचन के कारन, अउर उआ गबाही के कारन, जउन ऊँ पंचे दिहिन रहा हय, बध कीन गे रहे हँय।

दरसनन के बातँय 6:9 ပူးပေါင်းရင်းမြစ်များ

यूहन्ना 16:2

काहेकि ऊँ पंचे, तोंहईं अपने सभाघरन से बहिरे निकार देइहँय, अउर उआ समय आय रहा हय, कि जे कोऊ तोंहईं पंचन काहीं मारि डारी, उआ इआ समझी, कि हम परमातिमा के सेबा करित हएन।

2 कुरिन्थियन 5:8

हमहीं पंचन काहीं इआ पूर बिसुआस हय। एहिन से हम पंचे इआ देंह काहीं छोंड़िके, प्रभू के लघे रहब जादा निकहा समझित हएन।

फिलिप्पियन 1:23

काहेकि हम दोनव के बीच माहीं अधबीचे माहीं लटके हएन; एक मन त लागत हय, कि इआ दुनिया से कूँच कइके मसीह के लघे चले जई, काहेकि इआ हमरे जीबन के खातिर खुब निकहा हय।

फिलिप्पियन 2:17

अउर अगर तोंहरे बिसुआस रूपी बलिदान, अउर सेबा के साथ हमहीं आपन खून बहामँइ क परय, तऊ हम आनन्दित रहब, काहेकि तोंहरे पंचन के आनन्दय माहीं हमार आनन्द हय।

2 तीमुथियुस 1:8

एसे तूँ प्रभू के बारे माहीं दुसरेन काहीं बतामँइ माहीं न लजा, अउर न हमहिन से लजा, जउन खुसी के खबर सुनामँइ के कारन जेल माहीं बंद हएन, पय परमातिमा के दिहे सामर्थ के मुताबिक खुसी के खबर काहीं सुनामँइ के खातिर, हमरे कि नाईं दुख उठाबा,

2 तीमुथियुस 4:6

अब हमरे जीबन काहीं परमातिमा के खातिर बलिदान करँइ के समय आइगा हय, अउर हमार इआ दुनिया से जाँइ के समय आइगा हय।

इब्रानियन 12:23

अउर उन पहिलउठिन के साधारन सभा, अरथात मसीही मन्डली के लघे आय गया हय, जिनखर नाम स्वरग माहीं लिखे हँय, अउर सबके न्याय करँइ बाले परमातिमा के लघे, अउर परिपूर्न कीन गईं पबित्र मनइन के आत्मन के लघे आय गया हय।

दरसनन के बातँय 1:2

जउन परमातिमा के बचन अउर यीसु मसीह के गबाही, अरथात जउन कुछू ऊँ देखिन रहा हय, ओखर गबाही दिहिन।

दरसनन के बातँय 1:9

हम यूहन्ना, जउन तोंहार पंचन के भाई, अउर यीसु के कस्ट, अउर राज, अउर धीरज माहीं, तोंहार पंचन के सहभागी आहेन, परमातिमा के बचन, अउर यीसु के गबाही के कारन, पतमुस नाम के टापू माहीं रहेन हय।

दरसनन के बातँय 14:18

ओखे बाद एकठे अउर स्वरगदूत, जिनहीं आगी के ऊपर अधिकार रहा हय, बेदी म से निकरें, अउर जिनखे लघे चोंख हँसिया रही हय, उनसे खुब चन्डे कहिन, “आपन चोंख हँसिया लगाइके, धरती के अंगूर के गुच्छन काहीं काटि ल्या, काहेकि उनखर अंगूर पकि चुके हँय।”

दरसनन के बातँय 16:7

ओखे बाद हम बेदी से इआ बोल सुनेन, “हाँ, हे सर्बसक्तिमान प्रभू परमातिमा, अपना के निरनय ठीक अउर सच्चे हें।”

दरसनन के बातँय 19:10

तब हम उनखे गोड़न गिरँय के खातिर, उनखे गोड़े माहीं गिर परेन। तब ऊँ हमसे कहिन, “देखा, अइसा न करा, हमहूँ तोंहरेन कि नाईं, अउर तोंहरे भाइन कि नाईं, जउन यीसु के गबाही देंइ के खातिर स्थिर हें, मसीह के दास आहेन, तूँ पंचे परमातिमय के गोड़न गिरा; काहेकि जे कोऊ यीसु के बारे माहीं गबाही देत हें, उनहीं पंचन काहीं परमातिमा के सँदेस बतामँइ बालेन कि नाईं, परमातिमा से प्रेरना मिलत ही।”

दरसनन के बातँय 2:13

हम इआ त जानित हएन, कि तूँ उहाँ रहते हया, जहाँ सइतान के सिंहासन हय; अउर तूँ हमरे नाम माहीं बने रहते हया; अउर हमरे ऊपर बिसुआस करँइ से, उन दिनन माहीं पीछे नहीं हट्या, जउने माहीं हमार बिसुआस के काबिल गबाह अन्तिपास, तोंहरे पंचन के बीच माहीं, उआ जघा माहीं मार डारा ग, जहाँ सइतान रहत हय।

दरसनन के बातँय 20:4

ओखे बाद हम सिंहासनन काहीं देखेन, अउर उनमा लोग बइठिगें, अउर उनहीं न्याय करँइ के अधिकार दीनगा। हम उनखे आत्मन काहीं घलाय देखेन, जिनखर मूँड़ यीसु के गबाही देंइ, अउर परमातिमा के बचन के कारन काटे गे रहे हँय, अउर ऊँ पंचे न उआ खतरनाक जानबर के, अउर न ओखे मूरत के पूजा किहिन तय, अउर न ओखर छाप, अपने लिलारे अउर हाँथन के ऊपर लिहिन तय। ऊँ पंचे जिन्दा होइके मसीह के साथ हजार बरिस तक राज करत रहिगें।

दरसनन के बातँय 8:3

ओखे बाद एकठे अउर स्वरगदूत सोने के धूपदानी लए आएँ, अउर बेदी के लघे ठाढ़ भें; अउर उनहीं खुब काहीं धूप दीन ग, कि सगले पबित्र मनइन के प्राथनन के साथ सोने के उआ बेदी माहीं, जउन सिंहासन के आँगे हय चढ़ामँय।

दरसनन के बातँय 9:13

जब छठमाँ स्वरगदूत तुरही फूँकिन, त जउन सोने के बेदी परमातिमा के आँगे हय, ओखे सींगन म से हम अइसन बोल सुनेन।