5 तब ऊँ अँगुअन म से एक जने हमसे कहिन, “न रोबा; देखा, यहूदा के कुल के उआ सेर, जउन राजा दाऊद के बंसज आहीं, उआ किताब काहीं खोलँय, अउर ओखर सातँव मोहर टोरँइ के खातिर बिजयी भे हँय।”
अउर पबित्र सास्त्र माहीं यसायाह नबी के किताब माहीं लिखा हय, कि “यिसय के बंस माहीं एक जन पइदा होई, अउर गैरयहूदी लोगन के ऊपर सासन करँइ के खातिर अई, अउर गैरयहूदी लोग उनखे ऊपर आसा रखिहँय।”
एसे इआ बात त साफ ही, कि हमार पंचन के प्रभू यीसु यहूदा के कुल माहीं पइदा भें हँय, अउर यहूदा के कुल के बारे माहीं याजक बनँइ के खातिर, मूसा नबी कउनव चरचा नहीं किहिन।
“हम यीसु, अपने स्वरगदूत काहीं एसे पठएन हय, कि ऊँ तोंहरे पंचन के आँगे मसीही मन्डलिन के बारे माहीं, ईं बातन के गबाही देंय। हम दाऊद के मूल अउर बंस, अउर भिनसारे के चमकत तरइया आहेन।”