दरसनन के बातँय 5:14 - Bagheli Bible

¹⁴ अउर चारिव जिन्दा प्रानी आमीन कहिन, अउर अँगुआ लोग मुँह के बल गिरिके गोड़न गिरें।

दरसनन के बातँय 5:14 ပူးပေါင်းရင်းမြစ်များ

1 कुरिन्थियन 14:16

अउर अगर कउनव मनई पबित्र आत्मा के अँगुआई से अनजान भाँसा माहीं धन्यबाद, इआ कि प्राथना करी, त जे कोऊ उआ भाँसा काहीं नहीं समझँय, त ओखे साथ कइसन आमीन करिहँय? काहेकि जउन धन्यबाद, इआ कि प्राथना उआ किहिस ही, ऊँ पंचे ओही नहीं समझँय।

दरसनन के बातँय 19:4

तब चउबीसव अँगुआ, अउर चरहूँ प्रानी, परमातिमा के गोड़न गिरें, जउन सिंहासन माहीं बइठ रहे हँय, अउर कहिन, “आमीन! हालेलूय्याह!”

दरसनन के बातँय 4:4

अउर उआ सिंहासन के चारिव कइती चउबिस सिंहासन हें; अउर ईं सिंहासनन के ऊपर चउबिस अँगुआ उजर ओन्हा पहिरे बइठ हें, अउर उनखे मूँड़ेन माहीं सोने के मुकुट हें।

दरसनन के बातँय 4:6

अउर उआ सिंहासन के आस-पास सीसा कि नाईं चमकदार पारदर्सी समुद्र हय, अउर बीच माहीं सिंहासन के आस-पास चारठे जिन्दा प्रानी हें, जिनखे आँगे पीछे आँखिन-आँखी हईं।

दरसनन के बातँय 5:11

अउर जब हम देखेन, त उआ सिंहासन, अउर उन प्रानिन, अउर ऊँ अँगुअन के चारिव कइती खुब स्वरगदूतन के बोल सुनेन, जिनखर गिनती लाखन, करोड़न के रही हय।

दरसनन के बातँय 5:6

अउर हम उआ सिंहासन, अउर चारिव जिन्दा प्रानिन, अउर ऊँ अँगुअन के बीच माहीं, मानो एकठे बध कीन मेम्ना ठाढ़ देखेन; ओखे सातठे सींग अउर सातठे आँखी रही हँय; ईं परमातिमा के सातँव आत्मा आहीं, जिनहीं परमातिमा सगली धरती के ऊपर पठइन हीं।

दरसनन के बातँय 5:8

अउर जब ऊँ किताब लइ लिहिन, त ऊँ चारिव जिन्दा प्रानी, अउर चउबीसव अँगुआ, उआ मेम्ना के आँगे गिर परें; अउर हरेक के हाँथ माहीं बीना अउर महकँइ बाली चीजन से भरे, सोने के खोरबा रहे हँय, ईं त पबित्र लोगन के प्राथना आहीं।

दरसनन के बातँय 7:12

“आमीन! हमरे पंचन के परमातिमा के बड़ाई, अउर महिमा, अउर ग्यान, अउर धन्यबाद, अउर मान-सम्मान, अउर सामर्थ, अउर सक्ती जुगन-जुगन तक बनी रहय। आमीन!”