दरसनन के बातँय 5:13 - Bagheli Bible

¹³ तब हम स्वरग माहीं, अउर धरती के ऊपर, अउर धरती के नीचे, अउर समुंद्र के बनाई सगली चीजन काहीं, अउर सब कुछ काहीं जउन उन माहीं हँय, इआ कहत सुनेन, कि जउन सिंहासन के ऊपर बइठ हें, उनखर, अउर मेम्ना के धन्यबाद, अउर मान-सम्मान, अउर महिमा अउर राज, जुगन-जुगन तक रहय।

दरसनन के बातँय 5:13 ပူးပေါင်းရင်းမြစ်များ

मत्ती 6:13

अउर हमहीं पंचन काहीं परिच्छा माहीं न डारी, बलकिन बुराई करँइ बाले सइतान के हाँथ से बचाई; (काहेकि राज अउर पराक्रम अउर महिमा हमेसा अपनय के आय।” आमीन!)

लूका 2:14

“स्वरग माहीं परमातिमा के महिमा, अउर धरती माहीं उँइ मनइन काहीं जउनेन से ऊँ प्रसन्न हें, सान्ती मिलय।”

यूहन्ना 1:29

दुसरे दिन यूहन्ना बपतिस्मा देंइ बाले, यीसु काहीं अपनी कइती आबत देखिके कहिन, “देखा, ईं परमातिमा के मेम्ना आहीं, जउन संसार के मनइन के पाप उठाय लइ जइहँय।

रोमियन 11:36

काहेकि सब कुछ उनहिन के बनबा आय, अउर उनहिन के द्वारा सब स्थिर हय, अउर सब कुछ उनहिन के आय, उनखर बड़ाई जुग-जुग होत रहय। आमीन!

रोमियन 16:27

उँइन एकलउते बुद्धिमान परमातिमा के बड़ाई, यीसु मसीह के कीन कामन के द्वारा, जुग-जुग होत रहय। आमीन!

रोमियन 9:5

अउर पुरखव उनहिन के बंस के आहीं, अउर मसीह घलाय मनई के रूप लइके उनहिन के कुल माहीं पइदा भें, जउन सगले मनइन के परमातिमा आहीं, अउर उँइन मसीह जुग-जुग तक धन्य कहइहँय। आमीन!

इफीसियन 3:21

परमातिमा के बड़ाई मसीही मन्डली माहीं, अउर मसीह यीसु माहीं, अनन्त पीढ़िन तक जुग-जुग होत रहय। आमीन।

फिलिप्पियन 2:10

जउने ऊँ सगले जने यीसु के नाम के आँगे गोड़न गिरँय, अउर उनखर अराधना करँय, चाह ऊँ स्वरग के होंय, चाह ऊँ धरती के होंय, अउर चाह ऊँ धरती के नीचे के होंय।

कुलुस्सियन 1:23

इआ तबहिन होइ सकत हय, जब तूँ पंचे मसीह के ऊपर बिसुआस माहीं मजबूती के साथ अटल रहा, अउर जउने आसा काहीं तूँ पंचे खुसी के खबर के द्वारा सुने हया, उआ आसा काहीं न छोंड़ा, उहय खुसी के खबर के प्रचार अकास के नीचे सगले संसार माहीं कीन ग हय; अउर उहय खुसी के खबर काहीं सुनामँइ के खातिर, हम पवलुस सेबक बने हएन।

1 तीमुथियुस 4:16

अउर खुद के जीबन, अउर जउन उपदेस देते हया ओखर चउकसी करा, अउर ईं बातन काहीं हमेसा करत रहा, जइसन हम तोंहईं बतायन हय, काहेकि अगर तूँ इहइमेर करत रइहा, त तूँ अपने अउर सुनँइ बालेन के खातिर घलाय मुक्ती पामँइ के कारन बनिहा।

1 पतरस 4:11

अउर अगर कोऊ बोलत हय, त अइसन बोलय मानो परमातिमा के बचन आय; अगर कोऊ सेबा करय; त उआ सक्ती से करय जउन परमातिमा ओही देत हें; जउने हरेक बातन माहीं यीसु मसीह के द्वारा परमातिमा के बड़ाई होय, काहेकि बड़ाई अउर अधिकार जुग-जुग तक उनहिन के आय। आमीन।

1 पतरस 5:11

उनखर अधिकार जुग-जुग तक बना रहय। आमीन।

यहूदा 1:25

अउर हमहीं पंचन काहीं मुक्ती देंइ बाले, एकलउते परमातिमा के महिमा, अउर बैभव अउर सक्ती, अउर अधिकार, हमरे पंचन के प्रभू यीसु मसीह के द्वारा, जइसन सनातन काल से हय, अबहिनव होय, अउर आमँइ बाले जुगन-जुगन तक होत रहय। आमीन!

दरसनन के बातँय 1:6

अउर हमहीं पंचन काहीं एकठे राज, अउर अपने पिता परमातिमा के खातिर याजक घलाय बनाय दिहिन हीं; उनहिन के महिमा अउर सामर्थ जुगन-जुगन तक रहय। आमीन।

दरसनन के बातँय 13:8

अउर धरती के सगले रहँइ बाले, उआ खतरनाक जानबर के अराधना करिहँय। जिनखर नाम बध कीन मेम्ना के जीबन के किताब माहीं, संसार के सुरुआत से लिखे नहिं आहीं।

दरसनन के बातँय 5:1

अउर जउन सिंहासन माहीं बइठ रहे हँय, हम उनखे दहिने हाँथ माहीं एकठे किताब देखेन, जउन भीतर अउर बाहर लिखी रही हय, अउर उआ सात मुहर लगाइके बन्द कीन गे रही हय।

दरसनन के बातँय 5:12

अउर ऊँ जोर-जोर से कहत रहे हँय, कि “बध कीन मेम्नय सामर्थ, अउर धन, अउर ग्यान, अउर सक्ती, अउर मान-सम्मान, अउर महिमा, अउर बड़ाई के काबिल हें।”

दरसनन के बातँय 5:3

अउर न स्वरग माहीं, न धरती माहीं, न धरती के नीचे, कोऊ उआ किताब काहीं खोलँय, अउर ओखे ऊपर नजर डारँय के काबिल निकरा।

दरसनन के बातँय 5:6

अउर हम उआ सिंहासन, अउर चारिव जिन्दा प्रानिन, अउर ऊँ अँगुअन के बीच माहीं, मानो एकठे बध कीन मेम्ना ठाढ़ देखेन; ओखे सातठे सींग अउर सातठे आँखी रही हँय; ईं परमातिमा के सातँव आत्मा आहीं, जिनहीं परमातिमा सगली धरती के ऊपर पठइन हीं।

दरसनन के बातँय 5:9

अउर ऊँ पंचे इआ नबा गाना गामँइ लागें, कि “अपनय इआ किताब काहीं लेंइ, अउर एखर मुहरँय खोलँय के काबिल हएन; काहेकि अपना बध होइके अपने खून से हरेक कुल, अउर भाँसा, अउर लोग, अउर जाति म से परमातिमा के खातिर लोगन काहीं मोल लिहेन हँय।

दरसनन के बातँय 6:16

अउर पहारन, अउर चट्टानन से कहँइ लागें, “हमरे ऊपर गिर परा; अउर हमहीं पंचन काहीं उनखे मुँहे से जउन सिंहासन के ऊपर बइठ हें, अउर मेम्ना के कोप से लुकाय ल्या।