दरसनन के बातँय 5:11 - Bagheli Bible

¹¹ अउर जब हम देखेन, त उआ सिंहासन, अउर उन प्रानिन, अउर ऊँ अँगुअन के चारिव कइती खुब स्वरगदूतन के बोल सुनेन, जिनखर गिनती लाखन, करोड़न के रही हय।

दरसनन के बातँय 5:11 ပူးပေါင်းရင်းမြစ်များ

इब्रानियन 12:22

पय अब तूँ पंचे सिय्योन के पहार के लघे, अउर जिन्दा परमातिमा के सहर अरथात स्वरग के यरूसलेम सहर के लघे, अउर लाखन स्वरगदूतन के लघे,

यहूदा 1:14

अउर आदम के सतएँ पीढ़ी म पइदा भें, हनोक घलाय, इनखे बारे माहीं भबिस्यबानी किहिन रहा हय,

दरसनन के बातँय 19:6

ओखे बाद हम बड़ी भीड़ कि नाईं, अउर खुब पानी कि नाईं, अउर गरजँय कि नाईं, बड़ी तेज अबाज सुनेन; “हालेलूय्याह! काहेकि प्रभू हमार पंचन के परमातिमा सर्बसक्तिमान राज करत हें।

दरसनन के बातँय 4:4

अउर उआ सिंहासन के चारिव कइती चउबिस सिंहासन हें; अउर ईं सिंहासनन के ऊपर चउबिस अँगुआ उजर ओन्हा पहिरे बइठ हें, अउर उनखे मूँड़ेन माहीं सोने के मुकुट हें।

दरसनन के बातँय 4:6

अउर उआ सिंहासन के आस-पास सीसा कि नाईं चमकदार पारदर्सी समुद्र हय, अउर बीच माहीं सिंहासन के आस-पास चारठे जिन्दा प्रानी हें, जिनखे आँगे पीछे आँखिन-आँखी हईं।

दरसनन के बातँय 5:14

अउर चारिव जिन्दा प्रानी आमीन कहिन, अउर अँगुआ लोग मुँह के बल गिरिके गोड़न गिरें।

दरसनन के बातँय 5:6

अउर हम उआ सिंहासन, अउर चारिव जिन्दा प्रानिन, अउर ऊँ अँगुअन के बीच माहीं, मानो एकठे बध कीन मेम्ना ठाढ़ देखेन; ओखे सातठे सींग अउर सातठे आँखी रही हँय; ईं परमातिमा के सातँव आत्मा आहीं, जिनहीं परमातिमा सगली धरती के ऊपर पठइन हीं।

दरसनन के बातँय 5:8

अउर जब ऊँ किताब लइ लिहिन, त ऊँ चारिव जिन्दा प्रानी, अउर चउबीसव अँगुआ, उआ मेम्ना के आँगे गिर परें; अउर हरेक के हाँथ माहीं बीना अउर महकँइ बाली चीजन से भरे, सोने के खोरबा रहे हँय, ईं त पबित्र लोगन के प्राथना आहीं।

दरसनन के बातँय 7:11

अउर सगले स्वरगदूत, उआ सिंहासन अउर अँगुअन, अउर चरहूँ जिन्दा प्रानिन के चारिव कइती ठाढ़ हें, फेर ऊँ पंचे सिंहासन के आँगे मुँह के बल गिर परें; अउर परमातिमा के गोड़न गिरिके कहिन,

दरसनन के बातँय 9:16

“उनखे फउज के सबारन के गिनती बीस करोड़ रही हय।” इआ बात काहीं हम सुनेन,