दरसनन के बातँय 4:9 - Bagheli Bible

⁹ अउर जब ऊँ प्रानी उनखर जउन सिंहासन माहीं बइठ हें, अउर जउन जुगन-जुगन से जिन्दा हें, महिमा अउर मान-सम्मान अउर धन्यबाद करिहँय।

दरसनन के बातँय 4:9 ပူးပေါင်းရင်းမြစ်များ

इब्रानियन 7:25

एसे जेतने जन यीसु के द्वारा परमातिमा के लघे आबत हें, यीसु उनहीं पूर-पूर मुक्ती दइ सकत हें, काहेकि ऊँ बिचबई बनिके उनखे खातिर बिनती करँइ के खातिर हमेसा जिन्दा हें।

इब्रानियन 7:8

अउर इहाँ लेबी बंस के जउन मनई दसमा भाग लेत हें, ऊँ त मर जइहँय, पय मलिकिसिदक के बारे माहीं, जउन हम पंचे बताइत हएन, ऊँ हमेसा जिन्दा रइहँय।

दरसनन के बातँय 1:18

हम मर गएन तय, अउर अब देखा; हम जुगन-जुगन तक जिन्दा रहब; अउर मउत अउर अधोलोक के उघन्नी हमरेन लघे हईं।

दरसनन के बातँय 10:6

अउर परमातिमा जउन जुगन-जुगन तक जिन्दा रहत हें, जउन स्वरग अउर जउन कुछू ओमाहीं हय, अउर धरती काहीं, अउर जउन कुछू ओखे ऊपर हय, अउर समुंद्र काहीं, अउर जउन कुछू ओमाहीं हय, बनाइन हीं, उनहिन के कसम खाइके कहिन, “अब त अउर देरी न होई।

दरसनन के बातँय 15:7

तब ऊँ चारिव प्रानिन म से, एक जने, ऊँ सतहूँ स्वरगदूतन काहीं, परमातिमा, जउन जुगन-जुगन तक जिन्दा रइहँय, उनखे कोप से भरे सोने के सातठे खोरबा दिहिन।

दरसनन के बातँय 21:5

जउन सिंहासन के ऊपर बइठ रहे हँय, ऊँ कहिन, “देखा, हम सब कुछ नबा कए देइत हएन।” ओखे बाद ऊँ पुनि कहिन, “लिख ल्या, काहेकि ईं बचन बिसुआस के काबिल अउर सत्य हें।”

दरसनन के बातँय 4:2

अउर तुरन्तय हम पबित्र आत्मा से भर गएन; अउर का देखित हएन, कि एकठे सिंहासन स्वरग माहीं धरा हय, अउर उआ सिंहासन के ऊपर कोऊ बइठ हें।

दरसनन के बातँय 4:8

अउर चरहूँ प्रानिन के छय-छयठे पखना हें, अउर चारिव कइती, अउर भीतर आँखिन आँखी हईं; अउर ऊँ पंचे रातव दिना बिना अराम किहे, इआ कहत रहत हें, कि “पबित्र, पबित्र, पबित्र प्रभू परमातिमा, सर्बसक्तिमान, जउन रहे हँय, अउर जउन हें, अउर जउन आमँइ बाले हें।”

दरसनन के बातँय 5:1

अउर जउन सिंहासन माहीं बइठ रहे हँय, हम उनखे दहिने हाँथ माहीं एकठे किताब देखेन, जउन भीतर अउर बाहर लिखी रही हय, अउर उआ सात मुहर लगाइके बन्द कीन गे रही हय।

दरसनन के बातँय 6:16

अउर पहारन, अउर चट्टानन से कहँइ लागें, “हमरे ऊपर गिर परा; अउर हमहीं पंचन काहीं उनखे मुँहे से जउन सिंहासन के ऊपर बइठ हें, अउर मेम्ना के कोप से लुकाय ल्या।

दरसनन के बातँय 7:15

इहय कारन से ऊँ पंचे परमातिमा के सिंहासन के आँगे हें, अउर उनखे मन्दिर माहीं दिन-रात उनखर सेबा करत हें, अउर जउन सिंहासन माहीं बइठ हें, ऊँ उनखे ऊपर आपन तम्बू ठाढ़ करिहँय।