दरसनन के बातँय 4:5 - Bagheli Bible

⁵ अउर उआ सिंहासन म से बिजुली अउर गरजब निकरत हें, अउर सिंहासन के आँगे आगी के सातठे दिया जल रहे हँय, ऊँ परमातिमा के सातठे आत्मा आहीं।

दरसनन के बातँय 4:5 ပူးပေါင်းရင်းမြစ်များ

मत्ती 25:1

यीसु एकठे उदाहरन बताइन, कि “स्वरग के राज ऊँ दसठे कुमारिन कि नाईं होई, जउन आपन-आपन मसाल लइके दुलहा से मिलँइ के खातिर अपने घरन से निकरीं।

मत्ती 3:11

तूँ पंचे अपने-अपने पापन से पस्चाताप किहे हया, इआ देखामँइ के खातिर हम तोंहईं पंचन काहीं पानी से बपतिस्मा देइत हएन, पय जउन हमरे बाद आमँइ बाले हें, ऊँ हमसे एतना महान हें; कि हम त उनखर पनहीं तक उठामँइ के काबिल नहिं आहेन, ऊँ तोंहईं पबित्र आत्मा अउर आगी से बपतिस्मा देइहँय।

खास चेलन 2:3

अउर उनहीं आगी कि नाईं जीभँय फटत देखाई दिहिन; अउर उनमा से हरेक जन के ऊपर आइके ठहर गईं।

दरसनन के बातँय 1:4

यूहन्ना के तरफ से आसिया प्रदेस के सातव मसीही मन्डली के नाम। अउर उनखे तरफ से जउन हें, अउर जउन रहे हँय, अउर जउन आमँइ बाले हें; अउर उन सातँव आत्मन के तरफ से, जउन उनखे सिंहासन के आँगे हईं,

दरसनन के बातँय 10:3

अउर अइसन चन्डे चिल्लाने, जइसन सेर गरजत होय; अउर जब ऊँ चिल्लाने, त गरजँय के सातठे बोल सुनाई दिहिन।

दरसनन के बातँय 11:19

तब परमातिमा के जउन मन्दिर स्वरग माहीं हय, उआ खोला ग, अउर उनखे मन्दिर माहीं, उनखे करार के सन्दूख देखाई दिहिस, अउर बिजुली अउर बोल अउर गरजब अउर भुँइडोल भें, अउर बड़े-बड़े ओला गिरें।

दरसनन के बातँय 3:1

सरदीस के मसीही मन्डली के दूत काहीं इआ लिखा, “जिनखे लघे परमातिमा के सातठे आत्मा, अउर सातठे तरइया हईं, ऊँ इआ कहत हें, कि हम तोंहरे कामन काहीं जानित हएन, कि तूँ जिन्दा त कहउते हया, पय हया मरे।

दरसनन के बातँय 5:6

अउर हम उआ सिंहासन, अउर चारिव जिन्दा प्रानिन, अउर ऊँ अँगुअन के बीच माहीं, मानो एकठे बध कीन मेम्ना ठाढ़ देखेन; ओखे सातठे सींग अउर सातठे आँखी रही हँय; ईं परमातिमा के सातँव आत्मा आहीं, जिनहीं परमातिमा सगली धरती के ऊपर पठइन हीं।

दरसनन के बातँय 8:5

तब स्वरगदूत धूपदानी लइके, ओमाहीं बेदी के आगी भरिन, अउर धरती माहीं डार दिहिन; एसे गरजब, अउर भारी बोल, अउर बिजुली चमकँइ लागीं, अउर भुँइडोल होंइ लागें।