दरसनन के बातँय 4:11 - Bagheli Bible

¹¹ “हे हमार पंचन के प्रभू, अउर परमातिमा, अपनय महिमा, अउर मान-सम्मान, अउर सामर्थ के काबिल हएन; काहेकि अपनय सगली चीजन काहीं बनाएन हय, अउर ऊँ अपनय के मरजी से बनाई गे रही हँय, अउर बनाई गई हँय।”

दरसनन के बातँय 4:11 ပူးပေါင်းရင်းမြစ်များ

खास चेलन 14:15

“हे मनइव तूँ पंचे इआ का करते हया? हमहूँ पंचे त तोंहरिन कि नाईं दुख-सुख भोगी मनई आहेन, अउर तोहईं खुसी के खबर सुनाइत हएन, कि तूँ पंचे ईं बेकार के चीजन से अलग होइके, जिन्दा परमातिमा के ऊपर बिसुआस करा, जउन स्वरग अउर धरती अउर समुंद्र अउर जउन कुछू उनमा हय बनाइन हीं।

खास चेलन 17:24

जउन परमातिमा धरती, अउर धरती के सगली चीजन काहीं बनाइन हीं, ऊँ स्वरग अउर धरती के मालिक होइके, हाँथ के बनाए मन्दिर माहीं नहीं रहँय।

रोमियन 11:36

काहेकि सब कुछ उनहिन के बनबा आय, अउर उनहिन के द्वारा सब स्थिर हय, अउर सब कुछ उनहिन के आय, उनखर बड़ाई जुग-जुग होत रहय। आमीन!

इफीसियन 3:9

अउर सगले मनइन काहीं इआ बात बताई, कि उआ भेद के योजना का ही, जउने काहीं सगले संसार काहीं बनामँइ बाले परमातिमा, खुब बरिस पहिले से छिपाइके रक्खिन रहा हय।

इब्रानियन 1:10

अउर परमातिमा इहव कहत हें, कि “हे प्रभू, सुरुआत माहीं अपना धरती के नेव डारेन हय, अउर स्वरग अपना के हाँथे के कारीगरी आय।

इब्रानियन 1:2

पय ईं आखिरी दिनन माहीं अपने लड़िका के द्वारा हमसे पंचन से बातँय किहिन हीं, अउर उनहिन काहीं ऊँ सगले चीजन के बारिसदार ठहराइन हीं, अउर उनहिन के द्वारा ऊँ सगले संसार काहीं बनाइन हीं।

दरसनन के बातँय 1:6

अउर हमहीं पंचन काहीं एकठे राज, अउर अपने पिता परमातिमा के खातिर याजक घलाय बनाय दिहिन हीं; उनहिन के महिमा अउर सामर्थ जुगन-जुगन तक रहय। आमीन।

दरसनन के बातँय 10:6

अउर परमातिमा जउन जुगन-जुगन तक जिन्दा रहत हें, जउन स्वरग अउर जउन कुछू ओमाहीं हय, अउर धरती काहीं, अउर जउन कुछू ओखे ऊपर हय, अउर समुंद्र काहीं, अउर जउन कुछू ओमाहीं हय, बनाइन हीं, उनहिन के कसम खाइके कहिन, “अब त अउर देरी न होई।

दरसनन के बातँय 14:7

अउर ऊँ खुब चन्डे कहिन, “परमातिमा से डेरा, अउर उनखर बड़ाई करा, काहेकि उनखर न्याय करँइ के समय आय पहुँचा हय; अउर उनखर भजन करा, उँइन स्वरग, अउर धरती अउर समुंद्र अउर पानी के झिन्नन काहीं बनाइन हीं।”

दरसनन के बातँय 19:1

एखे बाद हम स्वरग माहीं एकठे बड़ी भीड़ कि नाईं खुब चन्डे बोल से, इआ कहत सुनेन, “हालेलूय्याह! मुक्ती अउर महिमा अउर सामर्थ, हमरे पंचन के परमातिमय के आय।

दरसनन के बातँय 5:12

अउर ऊँ जोर-जोर से कहत रहे हँय, कि “बध कीन मेम्नय सामर्थ, अउर धन, अउर ग्यान, अउर सक्ती, अउर मान-सम्मान, अउर महिमा, अउर बड़ाई के काबिल हें।”

दरसनन के बातँय 5:2

फेर हम एकठे बलमान स्वरगदूत काहीं देखेन, जउन तेज अबाज से इआ प्रचार करत रहे हँय, कि “इआ किताब काहीं खोलँय अउर एखर मुहर टोरँइ के काबिल को हय?”

दरसनन के बातँय 5:9

अउर ऊँ पंचे इआ नबा गाना गामँइ लागें, कि “अपनय इआ किताब काहीं लेंइ, अउर एखर मुहरँय खोलँय के काबिल हएन; काहेकि अपना बध होइके अपने खून से हरेक कुल, अउर भाँसा, अउर लोग, अउर जाति म से परमातिमा के खातिर लोगन काहीं मोल लिहेन हँय।