दरसनन के बातँय 4:1 - Bagheli Bible

¹ ईं बातन के बाद, जब हम नजर उठाइके देखेन, त का देखित हएन, कि स्वरग माहीं एकठे दुअरा खुला हय; अउर जेही हम पहिले तुरही कि नाईं अबाज से, अपने साथ बातँय करत सुने रहेन हय, उँइन कहत हें, कि “इहाँ ऊपर आय जा, अउर हम ऊँ बातँय तोंहईं देखाउब, जिनखर ईं बातन के बाद पूर होब जरूरी हय।”

दरसनन के बातँय 4:1 ပူးပေါင်းရင်းမြစ်များ

मत्ती 3:16

अउर यीसु बपतिस्मा लइके जइसय पानी से बहिरे निकरें, त देखा, उनखे खातिर अकास खुलिगा; अउर ऊँ परमातिमा के आत्मा काहीं परेबा के रूप म उतरत, अउर अपने ऊपर आबत देखिन।

मरकुस 1:10

यीसु जइसय पानी से बहिरे निकरिके ऊपर आएँ, तबहिनय ऊँ अकास काहीं खुलत अउर पबित्र आत्मा काहीं अपने ऊपर परेबा के रूप म उतरत देखिन।

लूका 3:21

जब सगले जने बपतिस्मा लइ चुकें, तब यीसु घलाय आइके यूहन्ना से बपतिस्मा लइके प्राथना करत रहे हँय, तबहिनय स्वरग खुलिगा,

यूहन्ना 16:13

पय जब सत्य के आत्मा अई, त तोंहईं सत्य के गइल बताई, काहेकि उआ अपने तरफ से कुछू न कही, पय जउन कुछू सुनी, उहय बताई, अउर आमँइ बाली बातन काहीं तोंहईं पंचन काहीं बताई।

खास चेलन 10:11

अउर दरसन माहीं देखिन कि, “अकास खुलिगा; अउर एकठे बड़े चद्दरा कि नाईं कउनव चीज नीचे उतरि रही हय, ओही चारिव कोने से पकड़िके धरती माहीं उतारा जाय रहा हय।

खास चेलन 7:56

“देखा, हम देख रहेन हय, कि स्वरग खुला हय, अउर मनई के लड़िका परमातिमा के दहिने कइती ठाढ़ हें।”

दरसनन के बातँय 1:10

हम प्रभू के दिन आत्मा माहीं आय गएन, अउर अपने पीछे तुरही कि नाईं बड़ा बोल इआ कहत सुनेन,

दरसनन के बातँय 1:12

तब हम उनहीं देखँइ के खातिर जउन हमसे बोलत रहे हँय; आपन मुँह फेरन; अउर पीछे फिरिके हम सोने के सातठे दीबटन काहीं देखन।

दरसनन के बातँय 1:19

एसे जउन बातँय तूँ देखे हया, अउर जउन बातँय होइ रही हँय; अउर जउन बाद माहीं होंइ बाली हईं, ऊँ सगलिन काहीं लिख ल्या।

दरसनन के बातँय 11:12

तब उनहीं स्वरग से एकठे बड़ा बोल सुनाई दिहिस, “इहाँ ऊपर आबा!” इआ सुनिके ऊँ पंचे बदरी के ऊपर सबार होइके, अपने बइरिन के देखत-देखत स्वरग माहीं चढ़िगें।

दरसनन के बातँय 11:19

तब परमातिमा के जउन मन्दिर स्वरग माहीं हय, उआ खोला ग, अउर उनखे मन्दिर माहीं, उनखे करार के सन्दूख देखाई दिहिस, अउर बिजुली अउर बोल अउर गरजब अउर भुँइडोल भें, अउर बड़े-बड़े ओला गिरें।

दरसनन के बातँय 16:17

ओखे बाद सतमा स्वरगदूत आपन खोरबा हबा के ऊपर उड़ेल दिहिन, अउर मन्दिर के सिंहासन से इआ बड़ा बोल सुनान, “होइ चुका!”

दरसनन के बातँय 19:11

ओखे बाद हम स्वरग काहीं खुला देखेन, अउर देखित हएन, कि एकठे उजर घोड़ा हय; अउर ओमाहीं एक जने सबार हें, जउन बिसुआस के काबिल अउर सत्य कहाबत हें; अउर ऊँ धरम के साथ न्याय, अउर युद्ध करत हें।

दरसनन के बातँय 22:6

पुनि स्वरगदूत हमसे कहिन, “ईं बातँय बिसुआस के काबिल, अउर सत्य हईं, प्रभू, जउन परमातिमा के सँदेस बतामँइ बालेन के आत्मन के, परमातिमा आहीं, अपने स्वरगदूत काहीं एसे पठइन हीं, कि अपने दासन काहीं ऊँ बातँय, जिनखर हरबिन पूर होब जरूरी हय, देखामँय।”