दरसनन के बातँय 3:7 - Bagheli Bible

⁷ अउर फिलदिलफिया के मसीही मन्डली के दूत काहीं इआ लिखा, कि “जउन पबित्र अउर सच्चे हें, अउर जेखे लघे राजा दाऊद के उघन्नी हय, जेखे खोले काहीं कोऊ बन्द नहीं कइ सकय, अउर बन्द कीन काहीं कोऊ खोल नहीं सकय, ऊँ इआ कहत हें, कि

दरसनन के बातँय 3:7 ပူးပေါင်းရင်းမြစ်များ

मत्ती 16:19

हम तोहईं स्वरगराज के चाभिन काहीं देब, अउर जउने बात माहीं तूँ पंचे धरती माहीं हामी भरिहा, त उआ बात माहीं स्वरग माहीं रहँइ बाले परमातिमा घलाय हामी भरिहँय; अउर जउने बात माहीं तूँ धरती माहीं नाहीं करिहा, त उआ बात माहीं स्वरग माहीं रहँइ बाले परमातिमा घलाय नाहीं करिहँय।”

मत्ती 24:35

अकास अउर धरती टर जइहँय, पय हमार कही बातँय कबहूँ न टरिहँय।”

मरकुस 1:24

उआ एक दरकिन चिल्लाइके कहँइ लाग, “हे नासरत गाँव के रहँइ बाले यीसु हमार अपना से कउनव काम नहिं आय, का अपना हमहीं नास करँइ आएन हँय? हम अपना काहीं जानित हएन, कि अपना को आहेन? अपना परमातिमा के पबित्र जन आहेन।”

लूका 1:32

उआ लड़िका महान होई, अउर परमप्रधान परमातिमा के बेटबा कहाई; अउर प्रभू परमातिमा ओखे पूरबज राजा दाऊद के राजगद्दी ओही देइहँय,

लूका 4:34

“हे नासरत गाँव के यीसु, हमार अपना से कउनव काम नहिं आय। का अपना हमहीं नास करँइ आएन हँय? हम अपना काहीं जानित हएन, कि को आहेन? अपना परमातिमा के पबित्र जन आहेन!”

यूहन्ना 14:6

तब यीसु उनसे कहिन, “गइल, सत्य अउर जीबन हमहिन आहेन; हमरे ऊपर बिसुआस किहे बिना, कोऊ पिता के लघे नहीं पहुँच सकय।

खास चेलन 3:14

तूँ पंचे ऊँ पबित्र अउर धरमी के तिरस्कार किहा तय, अउर बिनती किहा तय, कि ‘एकठे कतली काहीं तोंहरे खातिर छोंड़ दीन जाय।’

1 यूहन्ना 5:20

अउर हम पंचे इहव जानित हएन, कि परमातिमा के लड़िका आय चुके हँय, अउर ऊँ हमहीं पंचन काहीं समझ दिहिन हीं, कि हम पंचे ऊँ सच्चे परमातिमा काहीं पहिचानी, अउर हम पंचे जउन उनमा सत्य हय, मतलब उनखे लड़िका यीसु मसीह माहीं बने रहित हएन; सच्चे परमातिमा, अउर अनन्त जीबन ईंन आहीं।

दरसनन के बातँय 1:11

कि “जउन कुछू तूँ देखते हया, ओही किताब माहीं लिखिके, सातव मसीही मन्डलिन के लघे पठय द्या, अरथात इफिसुस अउर इसमुरना, अउर पिरगमुन, अउर थुआतीरा, अउर सरदीस, अउर फिलदिलफिया, अउर लौदीकिया काहीं।”

दरसनन के बातँय 1:18

हम मर गएन तय, अउर अब देखा; हम जुगन-जुगन तक जिन्दा रहब; अउर मउत अउर अधोलोक के उघन्नी हमरेन लघे हईं।

दरसनन के बातँय 1:5

अउर यीसु मसीह के तरफ से, जउन बिसुआस के काबिल गबाह, अउर मरेन म से जि उठँय बालेन माहीं पहिलउठा, अउर धरती के राजन के ऊपर घलाय सासन करँइ बाले आहीं, तोंहईं पंचन काहीं किरपा अउर सान्ती मिलत रहय। ऊँ हमसे पंचन से प्रेम करत हें, अउर उँइन अपने खून के द्वारा हमहीं पंचन काहीं पापन से छोड़ाइन हीं।

दरसनन के बातँय 15:3

ऊँ पंचे परमातिमा के दास मूसा के गीत, अउर मेम्ना के गीत गाय, गाइके कहत रहे हँय, “हे सर्बसक्तिमान प्रभू परमातिमा, अपना के काम महान अउर अचरज के हें; हे जाति-जाति के राजा, अपना के चाल ठीक अउर सच्ची हय।”

दरसनन के बातँय 16:7

ओखे बाद हम बेदी से इआ बोल सुनेन, “हाँ, हे सर्बसक्तिमान प्रभू परमातिमा, अपना के निरनय ठीक अउर सच्चे हें।”

दरसनन के बातँय 19:11

ओखे बाद हम स्वरग काहीं खुला देखेन, अउर देखित हएन, कि एकठे उजर घोड़ा हय; अउर ओमाहीं एक जने सबार हें, जउन बिसुआस के काबिल अउर सत्य कहाबत हें; अउर ऊँ धरम के साथ न्याय, अउर युद्ध करत हें।

दरसनन के बातँय 19:2

काहेकि उनखर निरनय सच्चे अउर न्यायपूर्न हें। अउर ऊँ उआ बड़ी बेस्या काहीं, जउन अपने ब्यभिचार से धरती काहीं भ्रस्ट करत रही हय, सजा दिहिन हीं, अउर ओसे अपने दासन के खून के बदला लिहिन हीं।”

दरसनन के बातँय 2:1

इफिसुस के मसीही मन्डली के दूत काहीं इआ लिखा, कि “जउन सातँव तरइया अपने दहिने हाँथ माहीं लए हें, अउर सोने के सातँव दीबटन के बीच माहीं चलत फिरत हें, ऊँ इआ कहत हें, कि

दरसनन के बातँय 21:5

जउन सिंहासन के ऊपर बइठ रहे हँय, ऊँ कहिन, “देखा, हम सब कुछ नबा कए देइत हएन।” ओखे बाद ऊँ पुनि कहिन, “लिख ल्या, काहेकि ईं बचन बिसुआस के काबिल अउर सत्य हें।”

दरसनन के बातँय 3:14

अउर लौदीकिया के मसीही मन्डली के दूत काहीं इआ लिखा, कि “जउन आमीन, अउर बिसुआस के काबिल, अउर सच्चे गबाह हें, अउर परमातिमा के स्रस्टी के मूल कारन आहीं, ऊँ इआ कहत हें, कि

दरसनन के बातँय 4:8

अउर चरहूँ प्रानिन के छय-छयठे पखना हें, अउर चारिव कइती, अउर भीतर आँखिन आँखी हईं; अउर ऊँ पंचे रातव दिना बिना अराम किहे, इआ कहत रहत हें, कि “पबित्र, पबित्र, पबित्र प्रभू परमातिमा, सर्बसक्तिमान, जउन रहे हँय, अउर जउन हें, अउर जउन आमँइ बाले हें।”

दरसनन के बातँय 5:9

अउर ऊँ पंचे इआ नबा गाना गामँइ लागें, कि “अपनय इआ किताब काहीं लेंइ, अउर एखर मुहरँय खोलँय के काबिल हएन; काहेकि अपना बध होइके अपने खून से हरेक कुल, अउर भाँसा, अउर लोग, अउर जाति म से परमातिमा के खातिर लोगन काहीं मोल लिहेन हँय।

दरसनन के बातँय 6:10

ऊँ पंचे खुब चन्डे गोहराइके कहिन, “हे मालिक, हे पबित्र, अउर सत्य; अपना कब तक न्याय न करब? अउर धरती के रहँइ बालेन से, हमरे खून के बदला कब तक न लेब?”