दरसनन के बातँय 3:5 - Bagheli Bible

⁵ जे बिजय पाई, ओही इहइमेर उजर ओन्हा पहिराबा जई, अउर हम ओखर नाम जीबन के किताब म से कउनव मेर से न काटब, पय ओखर नाम अपने पिता, अउर उनखे स्वरगदूतन के आँगे मान लेब।

दरसनन के बातँय 3:5 ပူးပေါင်းရင်းမြစ်များ

मत्ती 10:32

जे कोऊ मनइन के आँगे इआ मान लेई, कि हम यीसु मसीह के चेला आहेन, ओही हमहूँ स्वरग माहीं रहँइ बाले पिता परमातिमा के आँगे इआ मान लेब, कि ईं हमार चेला आहीं।

लूका 10:20

तऊ तूँ पंचे एसे आनन्दित न होया, कि आत्मा तोंहरे बस माहीं हईं, बलकिन एसे आनन्दित होया, कि स्वरग माहीं तोंहार नाम लिखे हँय।”

लूका 12:8

यीसु कहिन, “हम तोंहसे कहित हएन, कि जे कोऊ मनइन के आँगे इआ मान लेई, कि हम यीसु मसीह के चेला आहेन, त ओही मनई के लड़िकव परमातिमा के स्वरगदूतन के आँगे सोइकार कइ लेई, कि इआ हमार चेला आय।

फिलिप्पियन 4:3

अउर हे हमार सच्चे सहकर्मी हम तोंहऊँ से अनुरोध करित हएन, कि तूँ उन मेहेरिअन के मदत किहा, काहेकि ऊँ पंचे क्लेमेंस अउर हमरे साथ माहीं काम करँइ बालेन के साथय, खुसी के खबर के प्रचार करँइ माहीं बड़ी मेहनत किहिन हीं, इनखर नाम जीबन के किताब माहीं लिख लीनगे हँय।

यहूदा 1:24

अब तोंहईं पंचन काहीं, जे पाप माहीं गिरँय से बचाय सकत हें, अउर अपने महिमा के भरपूरी के आँगे आनन्दित, अउर निरदोस कइके ठाढ़ कइ सकत हें।

दरसनन के बातँय 13:8

अउर धरती के सगले रहँइ बाले, उआ खतरनाक जानबर के अराधना करिहँय। जिनखर नाम बध कीन मेम्ना के जीबन के किताब माहीं, संसार के सुरुआत से लिखे नहिं आहीं।

दरसनन के बातँय 17:8

जउने खतरनाक जानबर काहीं तूँ देखे हया, उआ पहिले त रहा हय, पय अब नहिं आय, अउर उआ अथाह कुन्ड से निकरिके बिनास माहीं परी; अउर धरती के रहँइ बाले, जिनखर नाम, संसार के सुरुआत से जीबन के किताब माहीं नहीं लिखे गें, इआ खतरनाक जानबर के इआ दसा काहीं देखिके, कि पहिले रहा हय, अब नहिं आय, अउर पुनि आय जई, अचरज मनि हँय।

दरसनन के बातँय 19:8

अउर ओही सुद्ध अउर चमकँइ बाला मखमल पहिरँय काहीं दीन ग, (उआ सुद्ध मखमल के मतलब पबित्र लोगन के धरम के काम आहीं।)

दरसनन के बातँय 2:11

जेखर सुनँय के मन होय, उआ सुन लेय, कि पबित्र आत्मा मसीही मन्डलिन से का कहत हय, जउन बिजय पाई, ओही दूसर मउत से हानि न पहुँची।”

दरसनन के बातँय 2:7

जेखर सुनँय के मन होय, उआ सुन लेय, कि पबित्र आत्मा मसीही मन्डलिन से का कहत हय, जउन बिजय पाई, ओही हम उआ जीबन के बिरबा म से, जउन परमातिमा के स्वरगराज माहीं हय, फर खाँइ काहीं देब।”

दरसनन के बातँय 20:12

अउर हम छोट-बड़े सब मरे मनइन काहीं सिंहासन के आँगे ठाढ़ देखेन, अउर किताबँय खोली गईं; अउर पुनि एकठे अउर किताब खोली गे, अरथात जीबन के किताब; अउर जइसन ऊँ किताबन माहीं लिखा रहा हय, उहयमेर उनखे कामन के मुताबिक, मरे मनइन के न्याय कीन ग।

दरसनन के बातँय 20:15

अउर जेखर-जेखर नाम जीबन के किताब माहीं लिखा नहीं मिला, ऊँ सगले, आगी के झील माहीं डार दीनगें।

दरसनन के बातँय 21:27

पय ओमाहीं कउनव अपबित्र चीजँय, इआ कि बुरे काम करँइ बाले, इआ कि लबरी बोलँइ बाले, कउनव मेर से न जाए पइहँय, पय केबल उँइन पंचे जइहँय, जिनखर नाम मेम्ना के जीबन के किताब माहीं लिखे हँय।

दरसनन के बातँय 22:19

अगर कोऊ इआ किताब के भबिस्यबानी के बातन म से कुछू निकार डारी, त परमातिमा, जीबन के बिरबा अउर पबित्र सहर म से, जेखर बखान इआ किताब माहीं हय, ओखर भाग निकार देइहँय।

दरसनन के बातँय 3:12

जे बिजय पाई, ओही हम परमातिमा के मन्दिर माहीं एकठे खम्भा बनाउब; अउर उआ पुनि कबहूँ बहिरे न निकरी; अउर हम अपने परमातिमा के नाम, अउर अपने परमातिमा के सहर, अरथात नबा यरूसलेम सहर के नाम, जउन हमरे परमातिमा के लघे से, अरथात स्वरग से उतरँय बाला हय, अउर आपन नबा नाम ओखे ऊपर लिखब।

दरसनन के बातँय 3:4

पय हाँ, सरदीस माहीं तोंहरे इहाँ कुछ अइसन मनई हें, जउन अपने-अपने ओन्हन काहीं असुद्ध नहीं किहिन, ऊँ पंचे उजर ओन्हा पहिरे हमरे साथ घुमिहँय, काहेकि ऊँ पंचे एखे काबिल हें।

दरसनन के बातँय 6:11

अउर उनमा से हरेक जन काहीं, उजर ओन्हा दीन ग, अउर उनसे कहा ग, कि अउर थोरी देर तक अराम करा, जब तक तोंहार पंचन के साथी सेबक लोग, अउर भाई लोग, जउन तोंहरिन कि नाईं बध होंइ बाले हें, उनहूँ के घलाय गिनती पूर न होइ जाय।