दरसनन के बातँय 3:4 - Bagheli Bible

⁴ पय हाँ, सरदीस माहीं तोंहरे इहाँ कुछ अइसन मनई हें, जउन अपने-अपने ओन्हन काहीं असुद्ध नहीं किहिन, ऊँ पंचे उजर ओन्हा पहिरे हमरे साथ घुमिहँय, काहेकि ऊँ पंचे एखे काबिल हें।

दरसनन के बातँय 3:4 ပူးပေါင်းရင်းမြစ်များ

मत्ती 10:11

जब कउनव सहर इआ कि गाँव माहीं जया, त उहाँ पता लगाया, कि काबिल कउन मनई हय? जब तक उहाँ से न जया, त ओहिन के घर माहीं रह्या।

मरकुस 16:5

अउर कब्र के भीतर जाइके ऊँ पंचे एकठे नवजमान काहीं उजर ओन्हा पहिरे, दहिने कइती बइठे देखिन, त चउआय गईं।

लूका 20:35

पय आमँइ बाले नबा जुग माहीं जाँइ के खातिर, अउर मरेन म से पुनि जिन्दा होंइ के खातिर, जेतने जन परमातिमा के नजर माहीं काबिल ठहरिहँय, उन माहीं काज-बिआह न होई।

लूका 21:36

एसे तूँ पंचे हर समय परमातिमा के बचन माहीं बने रहा, अउर प्राथना करत रहा, कि तूँ पंचे ईं आमँइ बाली घटनन से बचि जा, बलकिन जब मनई के लड़िका दुबारा अइहँय, तब तूँ पंचे उनखे आँगे ठाढ़ होंइ के काबिल बने रहा।”

खास चेलन 1:15

अउर उँइन दिनन माहीं पतरस बिसुआसी भाइन के बीच माहीं ठाढ़ होइके, जउन एक सव बीस जन के करीब रहे हँय, कहँइ लागें।

2 थिस्सलुनीकियन 1:5

इआ परमातिमा के सही न्याय के बेलकुल सही सबूत हय; कि तूँ पंचे परमातिमा के राज के काबिल ठहरा, जउने के खातिर तूँ पंचे दुख-मुसीबत सहते हया।

यहूदा 1:23

अउर परमातिमा न्याय के समय मनइन काहीं, अनन्त आगी माहीं डारँइ के जउन सजा देंइ बाले हें, दउड़िके ओसे मनइन काहीं बचाबा, अउर परमातिमा के भय मानत दुसरे मनइन के ऊपर दया करा; पय दया करत समय उनखे पापन माहीं बेलकुल भागीदार न होया।”

दरसनन के बातँय 1:11

कि “जउन कुछू तूँ देखते हया, ओही किताब माहीं लिखिके, सातव मसीही मन्डलिन के लघे पठय द्या, अरथात इफिसुस अउर इसमुरना, अउर पिरगमुन, अउर थुआतीरा, अउर सरदीस, अउर फिलदिलफिया, अउर लौदीकिया काहीं।”

दरसनन के बातँय 11:13

फेर उहय समय एकठे बड़ा भुँइडोल भ, अउर सहर के दसमा हिस्सा गिर परा; अउर उआ भुँइडोल से सात हजार मनई मरिगें, अउर बाँकी डेराइगें, अउर स्वरग के परमातिमा के बड़ाई किहिन।

दरसनन के बातँय 14:4

ईं ऊँ पंचे आहीं, जउन मेहेरिअन के साथ असुद्ध नहीं भे रहे आहीं, बलकिन कुमार हें; ईं उँइन पंचे आहीं, जउन जहाँ कहँव मेम्ना जात रहे हँय, ईं पंचे उनखे पीछे-पीछे चल देत रहे हँय, ईं पंचे त परमातिमा अउर मेम्ना के खातिर, पहिल फल होंइ के खातिर, मनइन म से मोल लीन गे हँय।

दरसनन के बातँय 19:14

स्वरग के सेना, उजर घोड़न के ऊपर सबार होइके; अउर उजर अउर सुद्ध मखमल पहिरे, उनखे पीछे-पीछे हईं।

दरसनन के बातँय 19:8

अउर ओही सुद्ध अउर चमकँइ बाला मखमल पहिरँय काहीं दीन ग, (उआ सुद्ध मखमल के मतलब पबित्र लोगन के धरम के काम आहीं।)

दरसनन के बातँय 3:18

एहिन से हम तोंहईं इआ सलाह देइत हएन, कि आगी माहीं तपाबा सोन हमसे मोल लइ ल्या, कि धनी होइजा; अउर उजर ओन्हा लइ ल्या, कि ओही पहिरिके तोंहईं अपने नंगापन के लज्जा न होय, अउर अपने आँखिन माहीं लगामँइ के खातिर सुरमा लइ ल्या, कि तूँ देखँइ लागा।

दरसनन के बातँय 3:5

जे बिजय पाई, ओही इहइमेर उजर ओन्हा पहिराबा जई, अउर हम ओखर नाम जीबन के किताब म से कउनव मेर से न काटब, पय ओखर नाम अपने पिता, अउर उनखे स्वरगदूतन के आँगे मान लेब।

दरसनन के बातँय 4:4

अउर उआ सिंहासन के चारिव कइती चउबिस सिंहासन हें; अउर ईं सिंहासनन के ऊपर चउबिस अँगुआ उजर ओन्हा पहिरे बइठ हें, अउर उनखे मूँड़ेन माहीं सोने के मुकुट हें।

दरसनन के बातँय 6:11

अउर उनमा से हरेक जन काहीं, उजर ओन्हा दीन ग, अउर उनसे कहा ग, कि अउर थोरी देर तक अराम करा, जब तक तोंहार पंचन के साथी सेबक लोग, अउर भाई लोग, जउन तोंहरिन कि नाईं बध होंइ बाले हें, उनहूँ के घलाय गिनती पूर न होइ जाय।

दरसनन के बातँय 7:9

एखे बाद हम देखेन, कि हरेक जाति, अउर कुल, अउर लोग अउर भाँसा म से एकठे अइसन बड़ी भीड़, जउने काहीं कोऊ गिन नहीं सकत रहा आय, उजर ओन्हा पहिरे, अउर अपने हाँथेन माहीं खजूर के डेरइअन काहीं लए, सिंहासन के आँगे, अउर मेम्ना के आँगे ठाढ़ रही ही।