दरसनन के बातँय 3:3 - Bagheli Bible

³ एसे सुधि करा, कि तूँ कइसन सिच्छा पाया तय, अउर सुने रहे हया, ओहिन माहीं बने रहा, अउर पस्चाताप करा, अगर तूँ जागत न रइहा, त हम चोर कि नाईं आय जाब, अउर तूँ बेलकुल न जाने पइहा, कि हम कउने घरी, तोंहरे ऊपर आय परब।

दरसनन के बातँय 3:3 ပူးပေါင်းရင်းမြစ်များ

मत्ती 25:13

एहिन से तूँ पंचे सतरक रहा, काहेकि तूँ पंचे उआ दिन अउर समय के बारे माहीं नहीं जनते आह्या, कि उआ समय कबय आय जई?”

मरकुस 13:33

देखा, हमेसा सतरक रहा, अउर प्राथना करत रहा; काहेकि तूँ पंचे नहीं जनते आह्या, कि उआ समय कबय आय जई?

मरकुस 13:36

अइसा न होय कि मालिक अचानक आइके तोंहईं सोबत पाबय।

1 थिस्सलुनीकियन 5:2

काहेकि तूँ पंचे त खुदय निकहा से जनते हया, कि जइसन रात माहीं चोर अचानक आबत हय, उहयमेर प्रभू के आमँइ के दिन आमँइ बाला हय।

1 तीमुथियुस 6:20

हे तीमुथियुस, हम तोहईं जउन सत्य बचन सउँपेन हँय, उनहीं सगले मनइन काहीं सिखाबत रहा, अउर जउन सिच्छा परमातिमा के बिरोध माहीं हय, उआ सिच्छा के फालतू बातन से तूँ दूरी रहा,

2 तीमुथियुस 1:13

जउने सत्य बातन काहीं हम तोहईं सिखायन हय, उनहीं तूँ उआ बिसुआस अउर प्रेम के साथ, जउन मसीह यीसु माहीं मिले हँय, उनहीं आपन आदर्स बनाइके रखा।

इब्रानियन 2:1

इआ कारन से हमहीं पंचन काहीं चाही, कि हम पंचे जउने बातन काहीं सुने हएन, उनमा अउर जादा मन लगाई, कहँव अइसा न होय, कि हम पंचे भटकिके ऊँ बातन से दूर चले जई।

2 पतरस 1:13

अउर हम इआ बात काहीं अपने खातिर उचित समझित हएन, कि जब तक हम इआ देंह रूपी डेरा माहीं हएन, तब तक तोंहईं पंचन काहीं सुध देबाइके उत्साहित करत रही।

2 पतरस 3:1

हे पियार साथिव, अब हमार इआ दूसर चिट्ठी आय, जउन तोंहरे खातिर लिख रहेन हय, अउर अपने दोनव चिट्ठिन माहीं तोंहईं पंचन काहीं सुधि देबाइके, तोंहरे सुद्ध मन काहीं जगामँय के कोसिस किहेन हय।

2 पतरस 3:10

पय प्रभू के दुसराय आमँइ के दिन, चोर कि नाईं अचानक आय जई, अउर उआ दिन भयंकर गरजन के साथ अकास हेराय जई, अउर अकास के सगली चीजँय, आगी माहीं जरिके नास होइ जइहँय। अउर इआ धरती, अउर एखे ऊपर के सगले काम जरि जइहँय।

दरसनन के बातँय 16:15

“देखा, हम चोर कि नाईं अइत हएन; धन्य हय उआ मनई जउन जागत रहत हय, अउर अपने ओन्हन के रखबारी करत हय, कि जउने नंगा न फिरय, अउर मनई ओखे नंगापन काहीं देखे न पामँय।”

दरसनन के बातँय 2:25

पय हाँ, जउन तोंहरे पंचन के लघे हय, ओही हमरे आमँय तक थाम्हें रहा।

दरसनन के बातँय 2:5

तूँ हमसे पहिले केतना प्रेम करत रहे हया, अउर अब केतना प्रेम करते हया, ओही सुध कइके, पस्चाताप करा, अउर पहिले कि नाईं काम करा; अउर अगर तूँ पस्चाताप न करिहा, त हम तोंहरे लघे आइके, तोंहरे दीबट काहीं उआ जघा से हटाय देब।

दरसनन के बातँय 22:7

“देखा, हम हरबिन आमँइ बाले हएन! धन्य हय उआ, जउन इआ किताब के भबिस्यबानी के बातन काहीं मानत हय।”

दरसनन के बातँय 3:11

हम हरबिन आमँइ बाले हएन; जउन कुछू तोंहरे लघे हय, ओही थाम्हें रहा, कि जउने कोऊ तोंहार मुकुट छड़ाय न पाबय।

दरसनन के बातँय 3:19

अउर हम जेसे-जेसे प्रेम करित हएन, ऊँ सगलेन काहीं डाँट-फटकार लगाइत हएन, एसे उत्साही बना, अउर मन फिराबा।

दरसनन के बातँय 3:2

जागत रहा, अउर उन चीजन काहीं जउन बाँकी रहि गई हँय, अउर जउन मिटँय बाली हईं, उनहीं मजबूत करा; काहेकि हम तोंहरे कउनव काम काहीं, अपने परमातिमा के नजर माहीं, पूर नहीं पाएन।