दरसनन के बातँय 3:18 - Bagheli Bible

¹⁸ एहिन से हम तोंहईं इआ सलाह देइत हएन, कि आगी माहीं तपाबा सोन हमसे मोल लइ ल्या, कि धनी होइजा; अउर उजर ओन्हा लइ ल्या, कि ओही पहिरिके तोंहईं अपने नंगापन के लज्जा न होय, अउर अपने आँखिन माहीं लगामँइ के खातिर सुरमा लइ ल्या, कि तूँ देखँइ लागा।

दरसनन के बातँय 3:18 ပူးပေါင်းရင်းမြစ်များ

मत्ती 13:44

यीसु उनसे एकठे अउर उदाहरन कहिन, कि “स्वरग के राज खेत माहीं गाड़े धन कि नाईं हय, जउने काहीं कउनव मनई पाइस, अउर पुनि गाड़ दिहिस, अउर मारे खुसी के जाइके आपन सब कुछ बेंचिके उआ खेत काहीं खरीद लिहिस।”

मत्ती 25:9

पय जउन समझदार रही हँय उनहीं जबाब दिहिन, कि ‘हम न देब, काहेकि होइ सकत हय, कि इआ तेल हमरे अउर तोंहरे खातिर घलाय न पूजय; एसे उचित त इआ हय, कि तूँ पंचे बेंचँइ बालेन के लघे जाइके अपने खातिर तेल खरीद ल्या।’

लूका 12:21

अइसन उआ मनइव हय, जउन अपने खातिर धन-सम्पत्ति जोरत हय, पय परमातिमा के नजर माहीं धनी नहिं आय।”

2 कुरिन्थियन 5:3

हमहीं पंचन काहीं इआ पूर बिसुआस हय, कि उआ घर काहीं हम पंचे पाउब, अउर पुनि कबहूँ बेघर न रहब।

2 कुरिन्थियन 8:9

अउर तूँ पंचे हमरे पंचन के प्रभू यीसु मसीह के किरपा काहीं जनतेन हया, कि ऊँ केतना धनी रहे हँय, तऊ ऊँ तोंहरे पंचन के खातिर एसे कंगाल बनिगें, कि जउने तूँ पंचे उनखे कंगाल होंइ से धनी बन जा।

1 तीमुथियुस 6:18

अउर ऊँ भलाई करँइ अउर भलाई के कामन काहीं करँइ माहीं धनी बनय, अउर ओदार, अउर अपने धन से दुसरेन के मदत करँइ के खातिर हमेसा तइआर रहँय।

याकूब 2:5

हे हमार पियार भाई-बहिनिव, सुना; काहे परमातिमा इआ संसार के कंगालन काहीं नहीं चुनिन, कि बिसुआस माहीं धरमी, अउर उआ राज के अधिकारी होंय, जउने के वादा परमातिमा उनसे किहिन हीं, जउन उनसे प्रेम रक्खत हें?

1 पतरस 1:7

अउर इआ एसे होत हय, कि तोंहार पंचन के बिसुआस, परिच्छा के द्वारा खरा निकरय, अउर तोंहार पंचन के जाँचा-परखा बिसुआस, आगी माहीं ताबा ग, नास होंइ बाले सोन से जादा कीमती हय, जब यीसु मसीह दुसराय अइहँय, त बिसुआस माहीं बने रहँइ के कारन, तोंहईं पंचन काहीं परमातिमा से बड़ाई, महिमा, अउर मान-सम्मान मिली।

दरसनन के बातँय 16:15

“देखा, हम चोर कि नाईं अइत हएन; धन्य हय उआ मनई जउन जागत रहत हय, अउर अपने ओन्हन के रखबारी करत हय, कि जउने नंगा न फिरय, अउर मनई ओखे नंगापन काहीं देखे न पामँय।”

दरसनन के बातँय 19:8

अउर ओही सुद्ध अउर चमकँइ बाला मखमल पहिरँय काहीं दीन ग, (उआ सुद्ध मखमल के मतलब पबित्र लोगन के धरम के काम आहीं।)

दरसनन के बातँय 2:9

हम तोंहरे कस्ट अउर गरीबी काहीं जानित हएन; (पय तूँ धनी हया) अउर जउन मनई अपने-आप काहीं यहूदी कहत हें, अउर आहीं न, बलकिन सइतान के सभा आहीं, उनखे बुराई काहीं घलाय जानित हएन।

दरसनन के बातँय 3:17

तूँ जउन इआ कहते हया, कि हम धनी हएन, अउर धनमान होइ गएन हय, अउर हमहीं कउनव चीज के कमी नहिं आय, अउर इआ नहीं जनते आह्या, कि तूँ अभागा, अउर तुच्छ, अउर कंगाल, अउर आँधर, अउर नंगा हया।

दरसनन के बातँय 4:4

अउर उआ सिंहासन के चारिव कइती चउबिस सिंहासन हें; अउर ईं सिंहासनन के ऊपर चउबिस अँगुआ उजर ओन्हा पहिरे बइठ हें, अउर उनखे मूँड़ेन माहीं सोने के मुकुट हें।

दरसनन के बातँय 7:13

तब अँगुअन म से एक जने हमसे कहिन; “ईं उजर ओन्हा पहिरे को आहीं? अउर कहाँ से आए हँय?”