दरसनन के बातँय 3:12 - Bagheli Bible

¹² जे बिजय पाई, ओही हम परमातिमा के मन्दिर माहीं एकठे खम्भा बनाउब; अउर उआ पुनि कबहूँ बहिरे न निकरी; अउर हम अपने परमातिमा के नाम, अउर अपने परमातिमा के सहर, अरथात नबा यरूसलेम सहर के नाम, जउन हमरे परमातिमा के लघे से, अरथात स्वरग से उतरँय बाला हय, अउर आपन नबा नाम ओखे ऊपर लिखब।

दरसनन के बातँय 3:12 ပူးပေါင်းရင်းမြစ်များ

मरकुस 12:16

ऊँ पंचे लइ आएँ, तब यीसु उनसे कहिन, “इआ सिक्का माहीं केखर चित्र अउर नाम हय?” ऊँ सगले जन कहिन, “महाराजा कैसर के।”

गलातियन 2:9

अउर जब ऊँ पंचे परमातिमा के उआ किरपा काहीं जान लिहिन, जउन हमहीं मिली रही हय, तब याकूब, पतरस अउर यूहन्ना जउन मसीही मन्डली के मुखिया माने जात रहे हँय, हमसे अउर बरनबास से हाँथ मिलाइके अपने साथ सामिल कइ लिहिन, कि हम पंचे खुसी के खबर सुनामँइ के खातिर, गैरयहूदी लोगन के बीच माहीं जई, अउर ऊँ पंचे यहूदी लोगन के लघे जाँय।

इफीसियन 3:15

काहेकि उनहिन के द्वारा स्वरग अउर धरती के ऊपर, हरेक घरानन के मनइन के नाम धराबा जात हय।

इब्रानियन 12:22

पय अब तूँ पंचे सिय्योन के पहार के लघे, अउर जिन्दा परमातिमा के सहर अरथात स्वरग के यरूसलेम सहर के लघे, अउर लाखन स्वरगदूतन के लघे,

इब्रानियन 13:14

काहेकि इहाँ हमार पंचन के कउनव स्थाई सहर नहिं आय, बलकिन हम पंचे उआ सहर के तलास माहीं हएन, जउन आमँइ बाला हय।

1 यूहन्ना 4:4

हे पियार लड़िकव, तूँ पंचे परमातिमा के आह्या, अउर तूँ पंचे ओखे ऊपर बिजय पाए हया; काहेकि ऊँ परमातिमा जउन तोंहरे जीबन माहीं बसे हँय, ऊँ संसार माहीं रहँइ बाले सइतान से बड़े हँय।

दरसनन के बातँय 14:1

एखे बाद हम देखेन, कि मेम्ना सिय्योन पहार के ऊपर ठाढ़ हें, अउर उनखे साथ एक लाख चवालिस हजार मनई हें, जिनखे लिलारे माहीं उनखर, अउर उनखे बाप के नाम लिखा हय।

दरसनन के बातँय 17:14

अउर ऊँ पंचे मेम्ना से लड़िहँय, अउर मेम्ना उनखे ऊपर बिजय पइहँय, काहेकि ऊँ प्रभुअन के प्रभू, अउर राजन के राजा आहीं, अउर जउन बोलाए अउर चुने अउर बिसुआसी हें, ऊँ पंचे उनखे साथ रइहँय; अउर ऊँ पंचे घलाय बिजय पइहँय।”

दरसनन के बातँय 2:11

जेखर सुनँय के मन होय, उआ सुन लेय, कि पबित्र आत्मा मसीही मन्डलिन से का कहत हय, जउन बिजय पाई, ओही दूसर मउत से हानि न पहुँची।”

दरसनन के बातँय 2:17

अउर जेखर सुनँय के मन होय, उआ सुन लेय, कि पबित्र आत्मा मसीही मन्डलिन से का कहत हय; जे बिजय पाई, ओही हम, न देखाँइ बाले मन्ना म से देब; अउर ओही एकठे उजर पथरा घलाय देब; अउर उआ पथरा माहीं एकठे नाम घलाय लिखा होई, जेही ओही पामँइ बाले के अलाबा, अउर कोऊ न जानी।”

दरसनन के बातँय 2:7

जेखर सुनँय के मन होय, उआ सुन लेय, कि पबित्र आत्मा मसीही मन्डलिन से का कहत हय, जउन बिजय पाई, ओही हम उआ जीबन के बिरबा म से, जउन परमातिमा के स्वरगराज माहीं हय, फर खाँइ काहीं देब।”

दरसनन के बातँय 21:2

ओखे बाद हम पबित्र सहर, नबा यरूसलेम काहीं स्वरग से परमातिमा के लघे से उतरत देखेन, जउन उआ दुलहिन कि नाईं रहा हय, जउन अपने मंसेरुआ के खातिर सिंगार कए होय।

दरसनन के बातँय 22:4

ऊँ पंचे उनखर मुँह देखिहँय, अउर उनखर नाम उनखे लिलारे के ऊपर लिखा रही।

दरसनन के बातँय 3:5

जे बिजय पाई, ओही इहइमेर उजर ओन्हा पहिराबा जई, अउर हम ओखर नाम जीबन के किताब म से कउनव मेर से न काटब, पय ओखर नाम अपने पिता, अउर उनखे स्वरगदूतन के आँगे मान लेब।