दरसनन के बातँय 3:10 - Bagheli Bible

¹⁰ हम तोंहईं धीरज धरँय के खातिर कहेन तय, त तूँ धीरज धरे हया, एसे हमहूँ तोंहईं परिच्छा के उआ समय बचाइके रक्खब, जउन धरती माहीं रहँइ बालेन के जाँचय-परखँय के खातिर, सगले संसार माहीं आमँइ बाली हय।

दरसनन के बातँय 3:10 ပူးပေါင်းရင်းမြစ်များ

मत्ती 24:14

अउर परमातिमा के राज के इआ खुसी के खबर सगले संसार माहीं सुनाई जई, कि जउने सगले जाति के मनइन के खातिर गबाही होय, अउर तब संसार के अन्त आय जई।”

मत्ती 26:41

तूँ पंचे सतरक रहा, अउर प्राथना करत रहा, कि जउने परिच्छन माहीं न परा: आत्मा त वास्तव माहीं तइआर हय, पय देंह निबल ही।”

मत्ती 6:13

अउर हमहीं पंचन काहीं परिच्छा माहीं न डारी, बलकिन बुराई करँइ बाले सइतान के हाँथ से बचाई; (काहेकि राज अउर पराक्रम अउर महिमा हमेसा अपनय के आय।” आमीन!)

मरकुस 14:9

हम तोंहसे सही कहित हएन, कि सगले संसार माहीं जहाँ कहँव इआ खुसी के खबर के प्रचार कीन जई, त ओखे इआ काम के चरचा घलाय ओखे यादगारी माहीं कीन जई।”

लूका 2:1

उँइन दिनन माहीं रोम देस के महाराजा अवगुस्तुस इआ हुकुम दिहिन, कि सगले रोम राज के मनइन के गिनती कीन जाय।

यूहन्ना 17:6

संसार के मनइन म से जउने मनइन काहीं अपना हमहीं दिहेन हय, हम उनहीं अपना के बारे माहीं बताय दिहेन हय: ऊँ पंचे अपना के साथ रहे हँय, पय अपना उनहीं हमहीं दिहेन हय, अउर ऊँ पंचे अपना के बचन काहीं अपनाय लिहिन हीं।

रोमियन 1:8

सबसे पहिले हम तोंहरे सगले जनेन के खातिर यीसु मसीह के द्वारा अपने परमातिमा काहीं धन्यबाद देइत हएन, काहेकि तोंहरे बिसुआस के चरचा हरेक जघन माहीं होइ रही हय।

1 कुरिन्थियन 10:13

अउर तूँ पंचे कउनव अइसन परिच्छा माहीं नहीं परे आह्या, जउन कि मनई के सहँइ के सक्ती से जादा होत ही, काहेकि परमातिमा सच्चे हें, अउर ऊँ तोहईं पंचन काहीं सहँइ के सक्ती से जादा परिच्छा माहीं न परय देइहँय, पय अगर परिच्छा माहीं परिव जाते हया, त ओसे निकरँइ के घलाय उपाय करिहँय, जउने तूँ पंचे ओही सहि सका।

इफीसियन 6:13

एसे परमातिमा के दीन सगले आत्मिक हँथिआरन काहीं बाँधि ल्या, कि जउने तूँ पंचे बुरे दिनन माहीं ओखर सामना कइ सका, अउर सगली लड़ाई पूर कइके, बिसुआस माहीं अटल रहि सका।

2 तीमुथियुस 2:12

अगर हम पंचे यीसु के खातिर दुख-मुसीबत सहत रहब, त यीसु मसीह के साथ राजव करब, अगर हम पंचे यीसु काहीं इनकार करब, त ऊँ हमहीं पंचन काहीं अपनामँइ से इनकार करिहँय।

याकूब 3:12

हे हमार भाई-बहिनिव, का अंजीर के बिरबा माहीं जैतून, इआ कि अंगूर के बिरबा से अंजीर के फर लग सकत हय? उहयमेर खारा पानी के झिन्ना से मीठ पानी नहीं निकर सकय।

1 पतरस 4:12

हे पियार साथिव, तोंहईं पंचन काहीं जाँचय-परखँय के खातिर, जउन दुख रूपी आगी तोंहरे पंचन के बीच माहीं भड़क उठी हय, त इआ समझिके अचरज न माना, कि कउनव अनहोनी आय घट रही हय।

2 पतरस 2:9

इआमेर से प्रभू, अपने भक्तन काहीं परिच्छा म से निकारब, अउर अपने हुकुम न मानँइ बालेन काहीं, अपने न्याय करँइ के दिन तक, सजा के दसा माहीं रक्खब घलाय जानत हें।

दरसनन के बातँय 1:9

हम यूहन्ना, जउन तोंहार पंचन के भाई, अउर यीसु के कस्ट, अउर राज, अउर धीरज माहीं, तोंहार पंचन के सहभागी आहेन, परमातिमा के बचन, अउर यीसु के गबाही के कारन, पतमुस नाम के टापू माहीं रहेन हय।

दरसनन के बातँय 11:10

धरती के रहँइ बाले, उनखे मउत से आनन्दित अउर मगन होइहँय, अउर एक दुसरे के लघे भेंट पठबइहँय, काहेकि ईं दोनव परमातिमा के सँदेस बतामँइ बाले, धरती के रहँइ बालेन काहीं सताइन रहा हय।

दरसनन के बातँय 13:10

जेही जेल माहीं बन्द होंइ क हय, उआ जेल माहीं बन्द होई; जे कोऊ तलबार से मारी, उआ जरूर तलबार से मारा जई, अब पबित्र मनइन काहीं धीरज धरँय, अउर सताव काहीं सहत बिसुआस माहीं बने रहँय के समय हय।

दरसनन के बातँय 13:14

ऊँ चमत्कार के कामन के कारन, जिनहीं पहिल खतरनाक जानबर के आँगे देखामँइ के अधिकार ओही दीन ग रहा हय; उआ धरती के रहँइ बालेन काहीं, इआमेर भरमाबत रहा हय, अउर उनसे इआ कहत रहा हय, कि जउने खतरनाक जानबर के तलबार लगी रही हय, उआ जिन्दा होइगा हय, ओखर मूरत बनाबा।

दरसनन के बातँय 13:8

अउर धरती के सगले रहँइ बाले, उआ खतरनाक जानबर के अराधना करिहँय। जिनखर नाम बध कीन मेम्ना के जीबन के किताब माहीं, संसार के सुरुआत से लिखे नहिं आहीं।

दरसनन के बातँय 14:12

इआ पबित्र मनइन के धीरज धरँय के समय हय, जउन परमातिमा के हुकुमन काहीं मानत हें, अउर यीसु के ऊपर बिसुआस करत हें।

दरसनन के बातँय 14:6

पुनि हम एकठे अउर स्वरगदूत काहीं, अकास के बीच माहीं उड़त देखेन, जिनखे लघे धरती के ऊपर रहँइ बालेन के हरेक जाति, अउर कुल, अउर भाँसा, अउर लोगन काहीं सुनामँइ के खातिर सनातन खुसी के खबर रही हय।

दरसनन के बातँय 16:14

ईं चमत्कार देखामँइ बाली बुरी आत्मा आहीं, जउन सगले संसार के राजन के लघे निकरिके एसे जाती हईं, कि उनहीं पंचन काहीं, सर्बसक्तिमान परमातिमा के, उआ बड़े दिन के लड़ाई के खातिर एकट्ठा करँय।

दरसनन के बातँय 17:2

जेखे साथ धरती के राजा लोग ब्यभिचार किहिन; अउर धरती के रहँइ बाले ओखे ब्यभिचार के मदिरा से मतबार होइगे रहे हँय।”

दरसनन के बातँय 17:8

जउने खतरनाक जानबर काहीं तूँ देखे हया, उआ पहिले त रहा हय, पय अब नहिं आय, अउर उआ अथाह कुन्ड से निकरिके बिनास माहीं परी; अउर धरती के रहँइ बाले, जिनखर नाम, संसार के सुरुआत से जीबन के किताब माहीं नहीं लिखे गें, इआ खतरनाक जानबर के इआ दसा काहीं देखिके, कि पहिले रहा हय, अब नहिं आय, अउर पुनि आय जई, अचरज मनि हँय।

दरसनन के बातँय 2:10

जउन कस्ट तोंहईं उठामँइ परी उनसे डेरा न। काहेकि देखा, सइतान तोंहरे पंचन म से कइअक जनेन काहीं जेल माहीं डारँइ बाला हय, जउने तूँ पंचे जाँचे-परखे जा; अउर तोंहईं पंचन काहीं दस दिन तक कस्ट उठामँइ परी, प्रान देंइ तक बिसुआसी रहा; त हम तोंहईं जीबन के मुकुट देब।

दरसनन के बातँय 3:8

हम तोंहरे कामन काहीं जानित हएन; देखा, हम तोंहरे आँगे एकठे दुअरा खोलिके रखे हएन, जउने काहीं कोऊ बन्द नहीं कइ सकय; तोंहार सक्ती थोरिन काहीं त हय, तऊ तूँ हमरे बचन काहीं पालन किहे हया, अउर हमरे नाम काहीं इनकार नहीं किहे आह्या।

दरसनन के बातँय 6:10

ऊँ पंचे खुब चन्डे गोहराइके कहिन, “हे मालिक, हे पबित्र, अउर सत्य; अपना कब तक न्याय न करब? अउर धरती के रहँइ बालेन से, हमरे खून के बदला कब तक न लेब?”

दरसनन के बातँय 8:13

अउर जब हम पुनि देखेन, त अकास के बीच माहीं एकठे चील्ह काहीं उड़त, अउर खुब चन्डे इआ कहत सुनेन, “ऊँ तिनहूँ स्वरगदूतन के तुरहिन के बोल के कारन, जिनखर फूँकब अबे बाँकी हय, धरती माहीं रहँइ बालेन के ऊपर घोर बिपत्ती आमँइ बाली ही।”