दरसनन के बातँय 22:3 - Bagheli Bible

³ पुनि सराप न होई, अउर परमातिमा अउर मेम्ना के सिंहासन, उआ सहर माहीं होई, अउर उनखर दास उनखर अराधना करिहँय।

दरसनन के बातँय 22:3 ပူးပေါင်းရင်းမြစ်များ

मत्ती 25:21

तब उआ दास के मालिक ओसे कहिन, कि ‘साबास, तूँ बिसुआस के काबिल अउर निकहे दास हया, तूँ थोर काहीं धन माहीं बिसुआस के काबिल रहे हया; एसे हम तोंहईं खुब चीजन के अधिकारी बनाउब। अउर तूँ जाइके अपने मालिक के खुसी माहीं सामिल होइजा।’

मत्ती 25:41

अउर तब ऊँ राजा अपने बाएँ कइती बालेन से कइहँय, कि “हे स्रापित मनइव, तूँ पंचे हमरे आँगे से उआ नरक के आगी माहीं चले जा, जउन कबहूँ बुझातिन नहिं आय, जउन सइतान अउर ओखर सेबा करँइ बाले दूतन के खातिर तइआर कीनगे ही।

यूहन्ना 12:26

अगर कोऊ हमार सेबा करय, त हमरे पीछे-पीछे चलय; अउर जहाँ हम रहब, उहँय हमार सेबा करँइ बाला घलाय रही; अगर कोऊ हमार सेबा करी, त पिता ओखर आदर करिहँय।

यूहन्ना 13:32

अगर उनखे व्दारा परमातिमा के महिमा भय ही, त परमातिमा अपने व्दारा उनखर महिमा करिहँय, बलकिन हरबिन करिहँय।

यूहन्ना 14:3

अउर अगर हम जाइके तोंहरे खातिर जघा तइआर करब, त पुनि आइके तोंहईं पंचन काहीं अपने इहाँ लइ जाब, कि जहाँ हम रही उहँय तुहूँ पंचे रहा।

यूहन्ना 17:24

हे पिता परमातिमा, हम चाहित हएन, कि जिनहीं अपना हमहीं दिहेन हय, जहाँ हम रहब, उहाँ ऊँ पंचे हमरे साथ रहँय, कि जउने ऊँ पंचे हमरे उआ महिमा काहीं देखँय, जउन अपना हमहीं दिहेन हय, काहेकि अपना संसार काहीं बनामँइ से पहिले हमसे प्रेम किहेन हय।

दरसनन के बातँय 7:10

अउर खुब चन्डे चिल्लाइके कहत ही, कि मुक्ती के खातिर हमरे पंचन के परमातिमा के, जउन सिंहासन के ऊपर बइठ हें, अउर मेम्ना के जय-जयकार होय।

दरसनन के बातँय 7:9

एखे बाद हम देखेन, कि हरेक जाति, अउर कुल, अउर लोग अउर भाँसा म से एकठे अइसन बड़ी भीड़, जउने काहीं कोऊ गिन नहीं सकत रहा आय, उजर ओन्हा पहिरे, अउर अपने हाँथेन माहीं खजूर के डेरइअन काहीं लए, सिंहासन के आँगे, अउर मेम्ना के आँगे ठाढ़ रही ही।