दरसनन के बातँय 22:2 - Bagheli Bible

² उआ सहर के सड़क के बीचव बीच बहत रही हय। नदी के इआ पार, अउर उआ पार, जीबन के बिरबा रहा हय; ओमाहीं बारा मेर के फर लागत रहे हँय, अउर उआ हरेक महीना फरत रहा हय; अउर उआ बिरबा के पत्तन से जाति-जाति के मनई नीक होइ जात रहे हँय।

दरसनन के बातँय 22:2 ပူးပေါင်းရင်းမြစ်များ

लूका 4:18

“प्रभू के आत्मा हमरे भीतर हय, एसे कि परमातिमा कंगालन काहीं खुसी के खबर सुनामँइ के खातिर हमार अभिसेक किहिन हीं, अउर हमहीं एसे पठइन हीं, कि बंदिन काहीं छोड़ामँइ के अउर अँधरन काहीं आँखी पामँइ के खुसी के खबर के प्रचार करी, अउर दबे-कुचले लोगन काहीं बन्धन से छोंड़ाई।

1 पतरस 2:24

ऊँ खुदय हमरे पंचन के पापन काहीं अपने देंह के ऊपर लए क्रूस माहीं चढ़िगें, जउने हम पंचे पाप के सम्बन्ध से पूरी तरह से मुक्त होइके, परमातिमा के नजर माहीं जउन निकहा हय, उहय करी; अउर उनहिन के मार खाँइ से तूँ पंचे चंगे भया हय।

दरसनन के बातँय 2:7

जेखर सुनँय के मन होय, उआ सुन लेय, कि पबित्र आत्मा मसीही मन्डलिन से का कहत हय, जउन बिजय पाई, ओही हम उआ जीबन के बिरबा म से, जउन परमातिमा के स्वरगराज माहीं हय, फर खाँइ काहीं देब।”

दरसनन के बातँय 21:21

अउर बरहूँ फाटक बारा मोतिन के रहे हँय; एक-एक फाटक एक-एक मोती के बना रहा हय। सहर के सड़क स्वच्छ सीसा कि नाईं सुद्ध सोने के रही हय।

दरसनन के बातँय 21:24

जाति-जाति के मनई उनखे जोति माहीं चलिहँय-फिरिहँय, अउर धरती के राजा आपन-आपन धन-सम्पत ओमाहीं लइ अइहँय।

दरसनन के बातँय 22:1

ओखे बाद ऊँ हमहीं सीसा कि नाईं झलकत, जीबन के पानी के नदी देखाइन, जउन परमातिमा, अउर मेम्ना के सिंहासन से निकरिके,

दरसनन के बातँय 22:14

“ऊँ पंचे धन्य हें, जउन आपन ओन्हा धोय लेत हें, काहेकि उनहीं जीबन के बिरबा के लघे, आमँइ के अधिकार मिली, अउर ऊँ पंचे फाटक से होइके सहर माहीं जइहँय।

दरसनन के बातँय 22:19

अगर कोऊ इआ किताब के भबिस्यबानी के बातन म से कुछू निकार डारी, त परमातिमा, जीबन के बिरबा अउर पबित्र सहर म से, जेखर बखान इआ किताब माहीं हय, ओखर भाग निकार देइहँय।