दरसनन के बातँय 22:12 - Bagheli Bible

¹² “देखा, हम हरबिन आमँइ बाले हएन; अउर हरेक के कामन के मुताबिक बदला देंइ के खातिर प्रतिफल हमरे लघे हय।

दरसनन के बातँय 22:12 ပူးပေါင်းရင်းမြစ်များ

मत्ती 16:27

हम ईं सगली बातन काहीं एसे कहित हएन, कि जब मनई के लड़िका, अपने पिता परमातिमा के महिमा माहीं, स्वरगदूतन के साथ अइहँय, उआ समय, ‘ऊँ हरेक जन काहीं उनखे कामन के मुताबिक प्रतिफल देइहँय।’

1 कुरिन्थियन 3:14

अउर जेखर काम उआ नेव माहीं टिका रही, त उआ मनई जरूर मजूरी पाई।

1 कुरिन्थियन 3:8

बोमँइ बाला अउर सींचँइ बाला दोनव जने एक समान हें; पय हरेक मनई अपने-अपने मेहनत के मुताबिक आपन मजूरी पाई।

दरसनन के बातँय 22:7

“देखा, हम हरबिन आमँइ बाले हएन! धन्य हय उआ, जउन इआ किताब के भबिस्यबानी के बातन काहीं मानत हय।”

रोमियन 14:12

एसे हमरे पंचन म से हरेक जन काहीं, अपने-अपने कामन के हिंसाब परमातिमा काहीं देंइ परी।

दरसनन के बातँय 11:18

अउर गैरयहूदी लोग क्रोध किहिन, अउर अपना के कोप आय पहुँचा हय, अउर उआ समय आइगा हय, कि मरे मनइन के न्याय कीन जाय, अउर अपना के सँदेस बतामँइ बाले सेबकन अउर पबित्र मनइन काहीं, अउर उन छोट-बड़ेन काहीं जउन अपना के नाम से डेरात हें, बदला दीन जाय, अउर धरती के बिगाड़ँइ बाले नास कीन जाँय।”

दरसनन के बातँय 20:12

अउर हम छोट-बड़े सब मरे मनइन काहीं सिंहासन के आँगे ठाढ़ देखेन, अउर किताबँय खोली गईं; अउर पुनि एकठे अउर किताब खोली गे, अरथात जीबन के किताब; अउर जइसन ऊँ किताबन माहीं लिखा रहा हय, उहयमेर उनखे कामन के मुताबिक, मरे मनइन के न्याय कीन ग।

दरसनन के बातँय 22:20

जे ईं बातन के गबाही देत हें, ऊँ इआ कहत हें, “हाँ, हम हरबिन आमँइ बाले हएन।” आमीन। हे प्रभू यीसु अई!

दरसनन के बातँय 2:23

हम ओखे लड़िका बिटिअन काहीं मारि डारब; अउर तब सगली मसीही मन्डली जान लेइहँय, कि हिरदँय अउर मन काहीं जाँचय-परखँय बाले हमहिन आहेन, अउर हम तोंहरे पंचन म से हरेक काहीं, उनखे कामन के मुताबिक बदला देब।

दरसनन के बातँय 3:11

हम हरबिन आमँइ बाले हएन; जउन कुछू तोंहरे लघे हय, ओही थाम्हें रहा, कि जउने कोऊ तोंहार मुकुट छड़ाय न पाबय।