दरसनन के बातँय 21:9 - Bagheli Bible

⁹ ओखे बाद जिन सातठे स्वरगदूतन के लघे, सातठे अन्तिम बिपत्तिन से भरे खोरबा रहे हँय, उनमा से एक जने हमरे लघे आएँ, अउर हमसे बातँय कइके कहँइ लागें, “एँकई आबा, हम तोंहईं दुलहिन, अरथात मेम्ना के मेहेरिआ देखाउब।”

दरसनन के बातँय 21:9 ပူးပေါင်းရင်းမြစ်များ

दरसनन के बातँय 1:1

परमातिमा आपन प्रकासन यीसु मसीह काहीं एसे दिहिन, कि ऊँ अपने दासन काहीं ऊँ बातँय देखामँय, जिनखर हरबिन होब जरूरी हय, अउर ऊँ अपने स्वरगदूत काहीं पठइके उनखे द्वारा अपने दास यूहन्ना काहीं बताइन,

दरसनन के बातँय 17:1

अउर जउने सातठे स्वरगदूतन के लघे ऊँ सातठे खोरबा रहे हँय, उनमा से एक जने आइके हमसे इआ कहिन, “इहाँ आबा, हम तोंहईं उआ बड़ी बेस्या के सजा देखाई, जउन खुब पानी माहीं बइठ ही,

दरसनन के बातँय 19:7

आबा, हम पंचे आनन्दित अउर मगन होई, अउर उनखर स्तुति करी, काहेकि मेम्ना के बिआह के समय आय ग हय, अउर उनखर दुलहिन खुद काहीं तइआर कइ लिहिन हीं।”

दरसनन के बातँय 21:17

अउर स्वरगदूत ओखे सहरपनाह काहीं नापिन, त मनइन माहीं जउन नापँय के तरीका रहा हय, ओहिन के मुताबिक नापिन, त एक सव चवालिस हाँथ निकरी।

दरसनन के बातँय 21:2

ओखे बाद हम पबित्र सहर, नबा यरूसलेम काहीं स्वरग से परमातिमा के लघे से उतरत देखेन, जउन उआ दुलहिन कि नाईं रहा हय, जउन अपने मंसेरुआ के खातिर सिंगार कए होय।

दरसनन के बातँय 22:1

ओखे बाद ऊँ हमहीं सीसा कि नाईं झलकत, जीबन के पानी के नदी देखाइन, जउन परमातिमा, अउर मेम्ना के सिंहासन से निकरिके,

दरसनन के बातँय 22:17

पबित्र आत्मा अउर दुलहिन दोनव कहत हें, “आबा!” अउर सुनँय बाला घलाय कहय, “आबा!” जे पियासा होय उआ आबय, अउर जे कोऊ चाहय, उआ जीबन के पानी सेंत-मेंत लेय।

दरसनन के बातँय 22:6

पुनि स्वरगदूत हमसे कहिन, “ईं बातँय बिसुआस के काबिल, अउर सत्य हईं, प्रभू, जउन परमातिमा के सँदेस बतामँइ बालेन के आत्मन के, परमातिमा आहीं, अपने स्वरगदूत काहीं एसे पठइन हीं, कि अपने दासन काहीं ऊँ बातँय, जिनखर हरबिन पूर होब जरूरी हय, देखामँय।”