दरसनन के बातँय 21:4 - Bagheli Bible

⁴ ऊँ उनखे आँखिन से सगले आँसू पोंछि डरिहँय; अउर एखे बाद मउत न रही, अउर न सोक, अउर न बिलाप, न पीरा रही; पहिल बातँय खतम होइ जइहँय।”

दरसनन के बातँय 21:4 ပူးပေါင်းရင်းမြစ်များ

मत्ती 24:35

अकास अउर धरती टर जइहँय, पय हमार कही बातँय कबहूँ न टरिहँय।”

1 कुरिन्थियन 15:26

अउर सगलेन से आखिरी दुसमन, मउत काहीं घलाय नास कीन जई।

1 कुरिन्थियन 7:31

अउर इआ संसार के चीजन काहीं उपयोग करँइ बाले अइसन रहँय, कि जइसन उनखे जीबन माहीं ईं चीजन के कउनव महत्व हइअय नहिं आय, काहेकि इआ संसार अउर एखर सगली चीजँय नास होंइ बाली आहीं।

2 कुरिन्थियन 5:17

एसे अगर कउनव मनई यीसु मसीह के ऊपर बिसुआस कइ लेत हय, त उआ नई रचना बन जात हय। अउर ओखे जीबन से पुरान बातँय चली जाती हईं, अउर ओखर नबा जीबन सुरू होइ जात हय।

2 कुरिन्थियन 6:17

एसे परमातिमा कहत हें, कि “उनखे पंचन के बीच से निकर जा, अउर उनसे अलग रहा; अउर असुद्ध चीजन काहीं न छुआ, तबहिन हम तोंहईं पंचन काहीं सोइकार करब।

इब्रानियन 12:27

अउर इआ बात “एक बेरकी पुनि” इआ बताबत ही, कि जउन चीजँय हलाई जाती हईं, ऊँ सब रचना कीन चीजँय होंइ के कारन नस्ट होइ जइहँय, कि जउने, जउन चीजँय हलाई नहीं जातीं, ऊँ अटल बनी रहँय।

2 पतरस 3:10

पय प्रभू के दुसराय आमँइ के दिन, चोर कि नाईं अचानक आय जई, अउर उआ दिन भयंकर गरजन के साथ अकास हेराय जई, अउर अकास के सगली चीजँय, आगी माहीं जरिके नास होइ जइहँय। अउर इआ धरती, अउर एखे ऊपर के सगले काम जरि जइहँय।

1 यूहन्ना 2:17

अउर इआ संसार, अउर संसार के सगली अभिलासा, दोनव मिट जात हें, पय जउन मनई परमातिमा के इच्छा के मुताबिक चलत हय, उआ हमेसा बना रहत हय।

दरसनन के बातँय 20:13

ओखे बाद समुंद्र, ऊँ मरे मनइन काहीं जउन ओमा रहे हँय, दइ दिहिस, अउर मउत अउर अधोलोक, ऊँ मरे मनइन काहीं जउन उन माहीं रहे हँय, दइ दिहिन; अउर उनमा से हरेक के कामन के मुताबिक न्याय कीन ग।

दरसनन के बातँय 20:14

मउत अउर अधोलोक आगी के झील माहीं डारे गें। इआ आगी के झील दूसर मउत आय।

दरसनन के बातँय 21:1

ओखे बाद हम नबा अकास अउर नई धरती काहीं देखेन, काहेकि पहिल अकास अउर पहिल धरती खतम होइगे तँय, अउर समुंद्र घलाय नहीं रहिगा तय।

दरसनन के बातँय 22:3

पुनि सराप न होई, अउर परमातिमा अउर मेम्ना के सिंहासन, उआ सहर माहीं होई, अउर उनखर दास उनखर अराधना करिहँय।

दरसनन के बातँय 7:17

काहेकि मेम्ना जउन सिंहासन के बीच माहीं हें, उनखर देखभाल करिहँय; अउर उनहीं पंचन काहीं जीबन रूपी पानी के झिन्नन के लघे लइ जाबा करिहँय, अउर परमातिमा उनखे आँखिन से सगले आँसू पोंछि डरिहँय।