दरसनन के बातँय 21:3 - Bagheli Bible

³ अउर हम सिंहासन म से, कोहू काहीं खुब चन्डे इआ कहत सुनेन, “देखा, परमातिमा के डेरा, मनइन के बीच माहीं हय, ऊँ उनखे साथ निबास करिहँय, अउर ऊँ पंचे उनखर लोग होइहँय, अउर परमातिमा खुद उनखे बीच माहीं रइहँय, अउर उनखर परमातिमा होइहँय।

दरसनन के बातँय 21:3 ပူးပေါင်းရင်းမြစ်များ

यूहन्ना 1:14

अउर बचन मनई के रूप लइके संसार माहीं आएँ, अउर ऊँ किरपा अउर सच्चाई से भरपूर होइके, हमरे पंचन के बीच माहीं निबास किहिन, अउर हम पंचे उनखे महिमा काहीं, पिता परमातिमा के एकलउते लड़िका कि नाईं देखे हएन।

यूहन्ना 14:23

तब यीसु उनहीं जबाब दिहिन, “अगर कोऊ हमसे प्रेम करी, त उआ हमरे बचन के पालन करी, अउर हमार पिता ओसे प्रेम करिहँय, अउर हम ओखे लघे अउब, अउर ओखे साथ हमेसा रहब।

2 कुरिन्थियन 6:16

अउर मूरतिन के साथ परमातिमा के मन्दिर के कउनव सम्बन्ध होइ सकत हय का? काहेकि हम पंचे त जिन्दा परमातिमा के मन्दिर आहेन; जइसन कि परमातिमा घलाय कहिन हीं, कि “हम उन माहीं निबास करब; अउर उनखे बीच माहीं चला फिरा करब; अउर हम उनखर परमातिमा होब, अउर ऊँ पंचे हमार निज प्रजा होइहँय।”

2 कुरिन्थियन 6:18

अउर हम तोंहार पंचन के बाप होब, अउर तूँ पंचे हमार लड़िका-बिटिया होइहा। इआ सर्बसक्तिमान परमातिमा के बचन आय।”

1 थिस्सलुनीकियन 3:11

अब हमार पिता परमातिमा अउर प्रभू यीसु मसीह, तोंहरे लघे आमँइ के खातिर हमार पंचन के अँगुआई करँय,

इब्रानियन 11:16

बलकिन ऊँ पंचे एकठे उत्तम देस, अरथात स्वरग के देस काहीं पामँइ चाहत रहे हँय, एहिन से परमातिमा, उनखर परमातिमा कहामँइ माहीं नहीं लजाँय। काहेकि परमातिमा उनखे खातिर स्वरग माहीं एकठे सहर तइआर किहिन हीं।

इब्रानियन 8:10

अउर परमातिमा पुनि इआ बात कहत हें, कि “जउन करार हम उन दिनन के बाद इजराइल के घराना के साथ बाँधब, उआ इआ होई, कि हम अपने बिधान काहीं उनखे मनन माहीं डारब, अउर उनखे हिरदँय माहीं लिखब, अउर हम उनखर परमातिमा कहाउब, अउर ऊँ हमार सन्तान कहइहँय।

इब्रानियन 8:2

अउर ऊँ पबित्र जघा, अउर उआ सच्चे तम्बू के सेबक बनिगे हँय, जउने काहीं कउनव मनई नहीं, बलकिन परमातिमा बनाइन हीं।

दरसनन के बातँय 10:4

जब गरजँय के सतहूँ बोल सुनाई दइ चुकें, त हम लिखँइ बाले रहेन हय, अउर हम स्वरग से इआ बोल सुनेन, कि जउन बातँय गरजँय के ऊँ सातठे बोलन से सुने हया, उनहीं गुप्त रक्खा, अउर न लिखा।

दरसनन के बातँय 10:8

अउर जउने बोल काहीं हम स्वरग से बोलत सुनेन तय, ऊँ पुनि हमसे बात करँइ लागें; कि “जा, जउन स्वरगदूत समुंद्र अउर धरती माहीं ठाढ़ हें, उनखे हाँथे के खुली किताब काहीं लइ ल्या।”

दरसनन के बातँय 12:10

ओखे बाद हम स्वरग से इआ बड़ा बोल आबत सुनेन, कि अब हमरे पंचन के परमातिमा के मुक्ती, अउर सामर्थ, अउर राज, अउर उनखे मसीह के अधिकार प्रगट भ हय; काहेकि हमरे पंचन के भाई-बहिनिन के ऊपर दोस लगामँइ बाला, जउन रात-दिना हमरे पंचन के परमातिमा के आँगे, उनखे ऊपर दोस लगाबा करत रहा हय, गिराय दीन ग।

दरसनन के बातँय 21:7

जे बिजय पाई, उहय ईं चीजन के बारिसदार होई, अउर हम ओखर परमातिमा होब, अउर उआ हमार लड़िका होई।

दरसनन के बातँय 22:3

पुनि सराप न होई, अउर परमातिमा अउर मेम्ना के सिंहासन, उआ सहर माहीं होई, अउर उनखर दास उनखर अराधना करिहँय।

दरसनन के बातँय 7:15

इहय कारन से ऊँ पंचे परमातिमा के सिंहासन के आँगे हें, अउर उनखे मन्दिर माहीं दिन-रात उनखर सेबा करत हें, अउर जउन सिंहासन माहीं बइठ हें, ऊँ उनखे ऊपर आपन तम्बू ठाढ़ करिहँय।