दरसनन के बातँय 21:2 - Bagheli Bible

² ओखे बाद हम पबित्र सहर, नबा यरूसलेम काहीं स्वरग से परमातिमा के लघे से उतरत देखेन, जउन उआ दुलहिन कि नाईं रहा हय, जउन अपने मंसेरुआ के खातिर सिंगार कए होय।

दरसनन के बातँय 21:2 ပူးပေါင်းရင်းမြစ်များ

यूहन्ना 3:29

दुलहा उहय आय जेही दुलहिन मिलत ही। पय दुलहा के साथी जउन दुलहा के बोल काहीं सुनत हय, त खुब खुस होत हय; उहयमेर तोंहसे उनखे बारे माहीं सुनिके अब हमार इआ आनन्द पूर होइगा हय।

2 कुरिन्थियन 11:2

काहेकि हम तोंहरे खातिर, परमातिमा कि नाईं चिन्ता करित हएन, एसे कि हम तोंहार पंचन के सगाई एकयठे मनई से अरथात मसीह यीसु से कराय दिहेन हय, कि जउने हम तोंहईं पंचन काहीं पबित्र कुमारी कन्या कि नाईं उनहिन काहीं सउँपि देई।

इब्रानियन 11:10

काहेकि अब्राहम उआ स्थाई नेव बाले सहर के इन्तजार करत रहे हँय, जउने के रचना करँइ बाले अउर बनामँइ बाले परमातिमा आहीं।

इब्रानियन 11:16

बलकिन ऊँ पंचे एकठे उत्तम देस, अरथात स्वरग के देस काहीं पामँइ चाहत रहे हँय, एहिन से परमातिमा, उनखर परमातिमा कहामँइ माहीं नहीं लजाँय। काहेकि परमातिमा उनखे खातिर स्वरग माहीं एकठे सहर तइआर किहिन हीं।

इब्रानियन 12:22

पय अब तूँ पंचे सिय्योन के पहार के लघे, अउर जिन्दा परमातिमा के सहर अरथात स्वरग के यरूसलेम सहर के लघे, अउर लाखन स्वरगदूतन के लघे,

इब्रानियन 13:14

काहेकि इहाँ हमार पंचन के कउनव स्थाई सहर नहिं आय, बलकिन हम पंचे उआ सहर के तलास माहीं हएन, जउन आमँइ बाला हय।

दरसनन के बातँय 1:1

परमातिमा आपन प्रकासन यीसु मसीह काहीं एसे दिहिन, कि ऊँ अपने दासन काहीं ऊँ बातँय देखामँय, जिनखर हरबिन होब जरूरी हय, अउर ऊँ अपने स्वरगदूत काहीं पठइके उनखे द्वारा अपने दास यूहन्ना काहीं बताइन,

दरसनन के बातँय 1:4

यूहन्ना के तरफ से आसिया प्रदेस के सातव मसीही मन्डली के नाम। अउर उनखे तरफ से जउन हें, अउर जउन रहे हँय, अउर जउन आमँइ बाले हें; अउर उन सातँव आत्मन के तरफ से, जउन उनखे सिंहासन के आँगे हईं,

दरसनन के बातँय 1:9

हम यूहन्ना, जउन तोंहार पंचन के भाई, अउर यीसु के कस्ट, अउर राज, अउर धीरज माहीं, तोंहार पंचन के सहभागी आहेन, परमातिमा के बचन, अउर यीसु के गबाही के कारन, पतमुस नाम के टापू माहीं रहेन हय।

दरसनन के बातँय 11:2

पय मन्दिर के बहिरे के अँगना छोंड़ द्या; ओही न नापा, काहेकि उआ गैरयहूदी लोगन काहीं दीन ग हय, अउर ऊँ पंचे पबित्र सहर काहीं बयालिस महीना तक रउँदिहँय।

दरसनन के बातँय 21:10

तब ऊँ हमहीं पबित्र आत्मा माहीं, एकठे बड़े अउर ऊँच पहार के ऊपर लइगें, अउर पबित्र सहर यरूसलेम काहीं, स्वरग से परमातिमा के लघे से उतरत देखाइन।

दरसनन के बातँय 21:9

ओखे बाद जिन सातठे स्वरगदूतन के लघे, सातठे अन्तिम बिपत्तिन से भरे खोरबा रहे हँय, उनमा से एक जने हमरे लघे आएँ, अउर हमसे बातँय कइके कहँइ लागें, “एँकई आबा, हम तोंहईं दुलहिन, अरथात मेम्ना के मेहेरिआ देखाउब।”

दरसनन के बातँय 22:17

पबित्र आत्मा अउर दुलहिन दोनव कहत हें, “आबा!” अउर सुनँय बाला घलाय कहय, “आबा!” जे पियासा होय उआ आबय, अउर जे कोऊ चाहय, उआ जीबन के पानी सेंत-मेंत लेय।

दरसनन के बातँय 22:19

अगर कोऊ इआ किताब के भबिस्यबानी के बातन म से कुछू निकार डारी, त परमातिमा, जीबन के बिरबा अउर पबित्र सहर म से, जेखर बखान इआ किताब माहीं हय, ओखर भाग निकार देइहँय।

दरसनन के बातँय 3:12

जे बिजय पाई, ओही हम परमातिमा के मन्दिर माहीं एकठे खम्भा बनाउब; अउर उआ पुनि कबहूँ बहिरे न निकरी; अउर हम अपने परमातिमा के नाम, अउर अपने परमातिमा के सहर, अरथात नबा यरूसलेम सहर के नाम, जउन हमरे परमातिमा के लघे से, अरथात स्वरग से उतरँय बाला हय, अउर आपन नबा नाम ओखे ऊपर लिखब।