दरसनन के बातँय 20:4 - Bagheli Bible

⁴ ओखे बाद हम सिंहासनन काहीं देखेन, अउर उनमा लोग बइठिगें, अउर उनहीं न्याय करँइ के अधिकार दीनगा। हम उनखे आत्मन काहीं घलाय देखेन, जिनखर मूँड़ यीसु के गबाही देंइ, अउर परमातिमा के बचन के कारन काटे गे रहे हँय, अउर ऊँ पंचे न उआ खतरनाक जानबर के, अउर न ओखे मूरत के पूजा किहिन तय, अउर न ओखर छाप, अपने लिलारे अउर हाँथन के ऊपर लिहिन तय। ऊँ पंचे जिन्दा होइके मसीह के साथ हजार बरिस तक राज करत रहिगें।

दरसनन के बातँय 20:4 ပူးပေါင်းရင်းမြစ်များ

मत्ती 19:28

तब यीसु उनसे कहिन, कि “हम तोंहसे सही-सही कहित हएन, कि आमँइ बाले नए संसार माहीं जब सब कुछ परमातिमा नबा बनइहँय, तब मनई के लड़िका अपने महिमा के सिंहासन माहीं बइठिके राज करिहँय, अउर तुहूँ पंचे घलाय जउन हमार चेला बन गया हय, बरहँव सिंहासनन माहीं बइठिके, इजराइल के बरहँव गोत्रन के न्याय करिहा।

मत्ती 24:10

अउर तब खुब मनई बिसुआस से भटक जइहँय, अउर एक दुसरे काहीं पकड़बइहँय, अउर एक दुसरे से दुसमनी रखिहँय।

मरकुस 6:16

हेरोदेस राजा सगलेन के बात सुनिके कहिन, “जउने यूहन्ना के हम मूँड़ कटबाय लिहेन तय, उइँन जि आँए हँय!”

मरकुस 6:27

अउर हेरोदेस राजा हरबिन अपने एकठे सिपाही काहीं बोलाइके हुकुम दिहिन, कि “यूहन्ना के मूँड़ काटिके लइ आबा।”

मरकुस 9:11

अउर ऊँ पंचे यीसु से पूँछिन, कि “मूसा के बिधान सिखामँइ बाले इआ काहे कहत हें, कि मसीह से पहिले एलिय्याह नबी जरूर अइहँय?”

लूका 1:17

उआ एलिय्याह कि नाईं आत्मा माहीं मजबूत बनिके, अउर सामर्थ के साथ प्रभू के आँगे-आँगे चली, कि महतारी-बाप अउर लड़िकन-बच्चन माहीं मेल-जोल कराय देय; अउर परमातिमा के हुकुम न मानँइ बालेन काहीं धरमिन कि नाईं समझदार बनाय देय; अउर प्रभू के खातिर प्रभू के हुकुम मानँइ बाले लोग तइआर करय।”

लूका 14:14

तब तूँ धन्य कहइहा, काहेकि उनखे लघे तोंहईं बदला देंइ के खातिर कुछू न रही, पय धरमिन के दुबारा जिए के बाद, स्वरग माहीं तोंहईं एखर प्रतिफल जरूर मिली।”

लूका 22:30

जउने तूँ पंचे हमरे राज माहीं हमरे साथ खा-पिआ, अउर सिंहासनन माहीं बइठिके इजराइल के बरहँव गोत्रन के न्याय करा।”

यूहन्ना 14:19

अउर कुछ देर बाद संसार के मनई हमहीं न देखिहँय, पय तूँ पंचे हमहीं देखिहा, एसे कि हम जिन्दा हएन, अउर तुहूँ पंचे घलाय जिन्दा रइहा।

रोमियन 11:15

काहेकि अगर परमातिमा के द्वारा उनहीं छोंड़ दीन जाब, संसार के गैरयहूदी लोगन के खातिर, परमातिमा के साथ उनखर मेल-मिलाप होइगा, त पुनि उनखर परमातिमा द्वारा सोइकार कइ लीन जाब, का मरेन म से जि उठँय के बराबर न होई? जरूर होई।

रोमियन 8:17

अउर अगर हम पंचे परमातिमा के सन्तान आहेन, त उनखर बारिसदार घलाय आहेन, बलकिन परमातिमा के बारिसदार अउर मसीह के संगी बारिसदार घलाय आहेन, अउर अगर हम पंचे उनखे साथ दुख उठाइत हएन, त उनखे साथ महिमा माहीं भागीदार घलाय बनब।

2 तीमुथियुस 2:12

अगर हम पंचे यीसु के खातिर दुख-मुसीबत सहत रहब, त यीसु मसीह के साथ राजव करब, अगर हम पंचे यीसु काहीं इनकार करब, त ऊँ हमहीं पंचन काहीं अपनामँइ से इनकार करिहँय।

दरसनन के बातँय 1:2

जउन परमातिमा के बचन अउर यीसु मसीह के गबाही, अरथात जउन कुछू ऊँ देखिन रहा हय, ओखर गबाही दिहिन।

दरसनन के बातँय 1:9

हम यूहन्ना, जउन तोंहार पंचन के भाई, अउर यीसु के कस्ट, अउर राज, अउर धीरज माहीं, तोंहार पंचन के सहभागी आहेन, परमातिमा के बचन, अउर यीसु के गबाही के कारन, पतमुस नाम के टापू माहीं रहेन हय।

दरसनन के बातँय 11:11

पय साढ़े तीन दिना के बाद, परमातिमा के तरफ से जीबन के साँस उन माहीं समाइगे, अउर ऊँ पंचे अपने गोड़े के बल ठाढ़ होइगें, अउर उनहीं देखँइ बालेन के ऊपर बड़ा भय छाइगा।

दरसनन के बातँय 11:15

अउर जब सतमा दूत तुरही फूँकिन, त स्वरग माहीं एखे बारे माहीं बड़े-बड़े बोल होंइ लागें, कि “संसार के राज हमरे पंचन के प्रभू के, अउर उनखे मसीह के होइ ग हय, अउर ऊँ जुगन-जुगन तक राज करिहँय।”

दरसनन के बातँय 11:3

अउर हम अपने दुइठे गबाहन काहीं इआ अधिकार देब, कि टाट ओढ़े, एक हजार दुइ सव साठ दिन तक भबिस्यबानी करँय।”

दरसनन के बातँय 11:7

अउर जब ऊँ पंचे आपन गबाही दइ चुकिहँय, तब उआ खतरनाक जानबर जउन अथाह कुन्ड म से निकरी, उनसे लड़िके उनहीं हराय देई, अउर उनहीं मारि डारी।

दरसनन के बातँय 12:11

अउर ऊँ पंचे मेम्ना के खून के कारन, अउर अपने गबाही के बचन के कारन, सइतान के ऊपर बिजयी भें हँय, अउर ऊँ पंचे अपने प्रानन काहीं पियार नहीं जानिन, इहाँ तक कि मउत घलाय सहि लिहिन।

दरसनन के बातँय 14:11

ओखे पीरा के धुँआ जुगन-जुगन तक उठत रही, पय जे उआ खतरनाक जानबर अउर ओखे मूरत के अराधना करत हें, अउर जउन ओखे नाम के छाप लगबाबत हें, उनहीं पंचन काहीं रातव-दिन चयन न मिली।”

दरसनन के बातँय 15:2

अउर हम आगी से मिले सीसा कि नाईं, एकठे समुंद्र देखेन; अउर जउन मनई उआ खतरनाक जानबर के ऊपर, अउर ओखे मूरत के ऊपर, अउर ओखे संख्या के ऊपर बिजयी भे रहे हँय, उनहीं पंचन काहीं उआ सीसा के समुंद्र के लघे, परमातिमा के बीना काहीं लए ठाढ़ देखेन।

दरसनन के बातँय 17:8

जउने खतरनाक जानबर काहीं तूँ देखे हया, उआ पहिले त रहा हय, पय अब नहिं आय, अउर उआ अथाह कुन्ड से निकरिके बिनास माहीं परी; अउर धरती के रहँइ बाले, जिनखर नाम, संसार के सुरुआत से जीबन के किताब माहीं नहीं लिखे गें, इआ खतरनाक जानबर के इआ दसा काहीं देखिके, कि पहिले रहा हय, अब नहिं आय, अउर पुनि आय जई, अचरज मनि हँय।

दरसनन के बातँय 2:26

जे बिजय पाई, अउर हमरे कामन के मुताबिक अन्त तक करत रही, ओही हम जाति-जाति के मनइन के ऊपर अधिकार देब।

दरसनन के बातँय 20:6

धन्य अउर पबित्र ऊँ हें, जउन इआ पहिल मरिके जि उठब माहीं सामिल भे हँय। अइसन मनइन के ऊपर दूसर मउत के कउनव अधिकार नहिं आय, बलकिन ऊँ पंचे परमातिमा अउर मसीह के याजक होइहँय, अउर हजार बरिस तक उनखे साथ राज करिहँय।

दरसनन के बातँय 22:5

पुनि रात न होई, अउर उनहीं पंचन काहीं, दिया अउर सुरिज के उँजिआर के जरूरत न होई, काहेकि प्रभू परमातिमा, उनहीं पंचन काहीं उँजिआर देइहँय, अउर ऊँ पंचे जुगन-जुगन तक राज करिहँय।

दरसनन के बातँय 3:21

जे बिजय पाई, ओही हम अपने साथ अपने सिंहासन माहीं बइठाउब, जइसन हमहूँ घलाय बिजय पाइके, अपने पिता के साथ उनखे सिंहासन माहीं बइठि गएन हय।

दरसनन के बातँय 4:4

अउर उआ सिंहासन के चारिव कइती चउबिस सिंहासन हें; अउर ईं सिंहासनन के ऊपर चउबिस अँगुआ उजर ओन्हा पहिरे बइठ हें, अउर उनखे मूँड़ेन माहीं सोने के मुकुट हें।

दरसनन के बातँय 6:9

अउर जब मेम्ना पचमी मुहर खोलिन, त हम स्वरग के बेदी के नीचे उनखे प्रानन काहीं देखेन, जउन परमातिमा के बचन के कारन, अउर उआ गबाही के कारन, जउन ऊँ पंचे दिहिन रहा हय, बध कीन गे रहे हँय।

दरसनन के बातँय 7:3

“जब तक हम अपने परमातिमा के सेबकन के लिलारे माहीं, मुहर न लगाय देई, तब तक धरती, अउर समुंद्र, अउर बिरबन काहीं नुकसान न पहुँचाया।”