दरसनन के बातँय 20:2 - Bagheli Bible

² अउर ऊँ उआ अजिगर, अरथात पुरान साँप काहीं, जउन इबलीस अउर सइतान आय, पकड़िके हजार बरिस के खातिर बाँध दिहिन,

दरसनन के बातँय 20:2 ပူးပေါင်းရင်းမြစ်များ

मत्ती 19:29

अउर जे कोऊ अपने घर-दुआरन, भाई-बहिनिन, महतारी-बाप, लड़िकन-बच्चन, अउर खेत-पातन काहीं हमरे नाम के खातिर छोंड़ि दिहिस ही, त ओही इनखे बदले माहीं सव गुना मिली; अउर उआ अनन्त जीबन के बारिसदार होई।

मत्ती 8:29

ऊँ पंचे चिल्लाइके कहिन; “हे परमातिमा के लड़िका, हमार अपना से कउनव काम नहिं आय? का अपना समय से पहिलेन हमहीं दुख देंइ आए हएन?”

मरकुस 4:15

कुछ जने गइल के किनारे गिरे बीज कि नाईं होत हें, जब ऊँ परमातिमा के बचन काहीं सुनत हें, त कुछ देर बाद सइतान आइके उनखे सुनी बात काहीं बिसराय देत हय।

मरकुस 5:7

तब यीसु उआ बुरी आत्मा से कहिन, “हे बुरी आत्मा, इआ मनई से बहिरे निकर आव!”

यूहन्ना 12:31

अब इआ संसार के मनइन के न्याय के समय आइगा हय, अब इआ संसार माहीं सासन करँइ बाले सइतान काहीं, परमातिमा हराय देइहँय।

यूहन्ना 16:11

अउर परमातिमा मनई के न्याय कइसा करिहँय, एहू के बारे माहीं घलाय हम समझाउब, काहेकि परमातिमा संसार माहीं सासन करँइ बाले सइतान के घलाय न्याय कइ चुके हँय।

रोमियन 16:20

अउर सान्ती देंइ बाले परमातिमा सइतान काहीं तोंहरे गोड़ेन से हरबिन कुचरबाय देइहँय। अउर हम प्राथना करित हएन, कि हमरे पंचन के प्रभू यीसु मसीह के किरपा, तोंहरे पंचन के ऊपर होत रहय।

इब्रानियन 2:14

काहेकि जब लड़िका माँस अउर खून से बने हँय, त यीसु घलाय उनहिन कि नाईं मनई के रूप माहीं पइदा होइके, खून अउर माँस माहीं भागीदार होइगें। कि जउने अपने मउत के द्वारा ऊँ ओही, अरथात सइतान के सक्ती काहीं नास कइ देंइ, जउने काहीं मउत के ऊपर सक्ती मिली रही हय।

1 पतरस 5:8

अउर तूँ पंचे सचेत होइके, हमेसा परमातिमा के बचन माहीं बने रहा, काहेकि तोंहार बइरी सइतान, गरजँय बाले सेर कि नाईं, हमेसा इआ खोज माहीं रहत हय, कि केही परमातिमा के बचन से भटकाय देई।

2 पतरस 2:4

काहेकि परमातिमा, पाप करँइ बाले स्वरगदूतन काहीं घलाय, जब माफ नहीं किहिन, बलकिन उनहीं नरक माहीं पठइके अँधिआरे कुन्डन माहीं डार दिहिन हीं, जउने परमातिमा के न्याय करँइ के दिन तक कइदी रहँय।

यहूदा 1:6

अउर हम तोंहईं पंचन काहीं इहव सुध देबामँइ चाहित हएन, कि जउन स्वरगदूत, अपने पद काहीं निकहा से नहीं सम्हारे पाइन रहा आय, अउर अपने खुद के रहँइ के जघा काहीं छोंड़ि दिहिन रहा हय, प्रभू उनहूँ पंचन काहीं, उआ भयंकर न्याय के दिन के खातिर, सँकरिन माहीं बाँधिके, कबहूँ न खतम होंइ बाले अँधिआर माहीं रक्खे हें।

दरसनन के बातँय 12:13

अउर जब अजिगर देखिस, कि हम धरती माहीं गिराय दीन गएन हय, त उआ मेहेरिआ काहीं जउन लड़िका पइदा किहिस तय, सतामँइ के खातिर पीछा करँइ लाग।

दरसनन के बातँय 12:15

अउर साँप उआ मेहेरिआ के पीछे अपने मुँहे से नदी कि नाईं पानी बहाइस, कि ओही इआ नदी माहीं बहाय देय।

दरसनन के बातँय 12:17

तब अजिगर उआ मेहेरिआ के ऊपर क्रोधित भ, अउर ओखे बची सन्तान से, जउन परमातिमा के हुकुमन काहीं मानत रहे हँय, अउर यीसु के गबाही देंइ माहीं स्थिर रहे हँय, उनसे लड़ँय काहीं ग।

दरसनन के बातँय 12:3

एकठे अउर चिन्ह स्वरग माहीं देखाई दिहिस; अउर देखा, एकठे बड़ा भारी लाल अजिगर रहा हय, जेखे सातठे मूँड़ अउर दसठे सींग रहे हँय, अउर ओखे मूँड़ेन माहीं सातठे राजमुकुट रहे हँय।

दरसनन के बातँय 12:4

अउर ओखर पूँछ अकास के तरइअन के एक तिहाई हिस्सा काहीं, खींचिके धरती माहीं गिराय दिहिस। उआ अजिगर उआ मेहेरिआ के आँगे जउन लड़कहाई रही हय ठाढ़ भ, कि जब उआ लड़िका पइदा करय, त ओखे लड़िका काहीं लील लेय।

दरसनन के बातँय 12:9

तब उआ बड़ा भारी अजिगर, अरथात उहय पुरान साँप, जउन इबलीस अउर सइतान कहाबत हय, अउर सगले संसार काहीं भरमामँइ बाला, धरती माहीं गिराय दीन ग; अउर ओखर दूत घलाय ओखे साथ गिराय दीनगें।

दरसनन के बातँय 13:2

जउन खतरनाक जानबर हम देखेन, उआ चीता कि नाईं रहा हय; अउर ओखर गोड़ भालू कि नाईं रहे हँय, अउर ओखर मुँह सेर कि नाईं रहा हय; अउर उआ अजिगर आपन सक्ती, अउर सिंहासन, अउर बड़ा अधिकार, ओही दइ दिहिस।

दरसनन के बातँय 13:4

अउर ऊँ पंचे अजिगर के अराधना किहिन, काहेकि उआ खतरनाक जानबर काहीं आपन अधिकार दइ दिहिस रहा हय, अउर इआ कहिके अराधना किहिन, कि “इआ खतरनाक जानबर के समान को हय? एसे को लड़ि सकत हय?”

दरसनन के बातँय 20:10

अउर उनखर भरमामँइ बाला सइतान आगी अउर गन्धक के उआ झील माहीं, जउने माहीं उआ खतरनाक जानबर, अउर लबरा नबी घलाय होई, डार दीन जई। अउर ऊँ पंचे रात-दिना जुगन-जुगन तक पीरा माहीं तड़पत रइहँय।

दरसनन के बातँय 20:7

जब हजार बरिस पूर होइ चुकिहँय, त सइतान कैद से छोंड़, दीन जई।

दरसनन के बातँय 9:11

अथाह कुन्ड के दूत उनखे ऊपर राजा रहा हय, ओखर नाम इब्रानी भाँसा माहीं अबद्दोन, अउर यूनानी भाँसा माहीं अपुल्लयोन हय।