दरसनन के बातँय 20:1 - Bagheli Bible

¹ पुनि हम एकठे स्वरगदूत काहीं स्वरग से उतरत देखेन, जिनखे हाँथे माहीं अथाह कुन्ड के उघन्नी, अउर एकठे बड़ी जंजीर रही हय।

दरसनन के बातँय 20:1 ပူးပေါင်းရင်းမြစ်များ

लूका 8:31

अउर ऊँ बुरी आत्मा यीसु से खुब चरउरी किहिन, कि हमहीं अथाह कुन्ड माहीं जाँइ के हुकुम न देई।

2 पतरस 2:4

काहेकि परमातिमा, पाप करँइ बाले स्वरगदूतन काहीं घलाय, जब माफ नहीं किहिन, बलकिन उनहीं नरक माहीं पठइके अँधिआरे कुन्डन माहीं डार दिहिन हीं, जउने परमातिमा के न्याय करँइ के दिन तक कइदी रहँय।

यहूदा 1:6

अउर हम तोंहईं पंचन काहीं इहव सुध देबामँइ चाहित हएन, कि जउन स्वरगदूत, अपने पद काहीं निकहा से नहीं सम्हारे पाइन रहा आय, अउर अपने खुद के रहँइ के जघा काहीं छोंड़ि दिहिन रहा हय, प्रभू उनहूँ पंचन काहीं, उआ भयंकर न्याय के दिन के खातिर, सँकरिन माहीं बाँधिके, कबहूँ न खतम होंइ बाले अँधिआर माहीं रक्खे हें।

दरसनन के बातँय 1:18

हम मर गएन तय, अउर अब देखा; हम जुगन-जुगन तक जिन्दा रहब; अउर मउत अउर अधोलोक के उघन्नी हमरेन लघे हईं।

दरसनन के बातँय 10:1

हम पुनि एकठे अउर सक्तिसाली स्वरगदूत काहीं बदरी ओढ़े, स्वरग से उतरत देखेन। अउर उनखे मूँड़े माहीं इन्द्रधनुस रहा हय, अउर उनखर मुँह सुरिज कि नाईं, अउर उनखर गोड़ आगी के खम्भा कि नाईं रहे हँय।

दरसनन के बातँय 18:1

एखे बाद हम एकठे अउर स्वरगदूत काहीं, स्वरग से उतरत देखेन, जिनहीं बड़ा अधिकार मिला रहा हय; अउर धरती उनखे तेज से चमक उठी।

दरसनन के बातँय 20:3

अउर ओही अथाह कुन्ड माहीं बन्द कइ दिहिन, अउर ओमाहीं मुहर लगाय दिहिन, कि उआ हजार बरिस के पूर होंइ तक, जाति-जाति के लोगन काहीं पुनि न भरमाबय। एखे बाद जरूरी हय, कि उआ थोरी देर के खातिर पुनि खोला जाय।