दरसनन के बातँय 2:25 - Bagheli Bible

²⁵ पय हाँ, जउन तोंहरे पंचन के लघे हय, ओही हमरे आमँय तक थाम्हें रहा।

दरसनन के बातँय 2:25 ပူးပေါင်းရင်းမြစ်များ

दरसनन के बातँय 3:11

हम हरबिन आमँइ बाले हएन; जउन कुछू तोंहरे लघे हय, ओही थाम्हें रहा, कि जउने कोऊ तोंहार मुकुट छड़ाय न पाबय।

दरसनन के बातँय 22:7

“देखा, हम हरबिन आमँइ बाले हएन! धन्य हय उआ, जउन इआ किताब के भबिस्यबानी के बातन काहीं मानत हय।”

दरसनन के बातँय 3:3

एसे सुधि करा, कि तूँ कइसन सिच्छा पाया तय, अउर सुने रहे हया, ओहिन माहीं बने रहा, अउर पस्चाताप करा, अगर तूँ जागत न रइहा, त हम चोर कि नाईं आय जाब, अउर तूँ बेलकुल न जाने पइहा, कि हम कउने घरी, तोंहरे ऊपर आय परब।

इब्रानियन 10:23

अउर आबा, हम पंचे जउने आसा काहीं सोइकार किहेन हय, ओहिन माहीं मजबूती के साथ बने रही; काहेकि जे वादा किहिन हीं, ऊँ बिसुआस के काबिल हें।

दरसनन के बातँय 22:20

जे ईं बातन के गबाही देत हें, ऊँ इआ कहत हें, “हाँ, हम हरबिन आमँइ बाले हएन।” आमीन। हे प्रभू यीसु अई!

1 थिस्सलुनीकियन 5:21

सगली बातन काहीं पहिले जाँचा-परखा जउन निकही होंय, उनहीं अपनाबा।

रोमियन 12:9

अउर तूँ पंचे एक दुसरे से निस्कपट प्रेम करा; अउर बुरे कामन से नफरत करा, अउर भलाई करँइ माहीं लगे रहा।

दरसनन के बातँय 1:7

देखा, ऊँ बदरिन के साथ आमँइ बाले हें; अउर हरेक आँखी उनहीं देखी, इहाँ तक कि जउन उनहीं बेधिन रहा हय, ऊँ पंचे घलाय उनहीं देखिहँय, अउर धरती के सगले कुल उनखे कारन छाती पिटिहँय। इआ जरूर होई। आमीन।

इब्रानियन 4:14

एसे जब हमार पंचन के अइसन महान महायाजक हें, जउन स्वरग माहीं परमातिमा के लघे गे हँय, ऊँ परमातिमा के लड़िका यीसु आहीं; त हम पंचे उनखे ऊपर जउन बिसुआस किहेन तय, ओही मजबूती के साथ थाम्हें रही।

इब्रानियन 3:6

पय मसीह लड़िका कि नाईं, उनखे घर के अधिकारी आहीं, अउर उनखर घर हम पंचे आहेन, अगर हम पंचे साहस माहीं, अउर अपने आसा के घमन्ड माहीं, अन्त तक मजबूती के साथ बने रही।

यूहन्ना 14:3

अउर अगर हम जाइके तोंहरे खातिर जघा तइआर करब, त पुनि आइके तोंहईं पंचन काहीं अपने इहाँ लइ जाब, कि जहाँ हम रही उहँय तुहूँ पंचे रहा।

2 पतरस 3:10

पय प्रभू के दुसराय आमँइ के दिन, चोर कि नाईं अचानक आय जई, अउर उआ दिन भयंकर गरजन के साथ अकास हेराय जई, अउर अकास के सगली चीजँय, आगी माहीं जरिके नास होइ जइहँय। अउर इआ धरती, अउर एखे ऊपर के सगले काम जरि जइहँय।

1 कुरिन्थियन 11:26

अउर हम पवलुस इआ कहित हएन, कि जब-जब तूँ पंचे इआ रोटी खाते हया, अउर अंगूर के रस पीते हया, त जब तक प्रभू दुबारा नहीं आमँय, तब तक उनखे मउत के प्रचार करत रहते हया।

1 कुरिन्थियन 4:5

एसे जब तक प्रभू न आमँय, त समय से पहिले कउनव बात के न्याय न किहा, काहेकि जब प्रभू अइहँय त अँधिआर माहीं छिपी बातन काहीं उँजिआर माहीं देखइहँय, अउर मनइन के मन के उद्देसन काहीं घलाय प्रगट करिहँय। तब परमातिमा के तरफ से हरेक जन के उचित बड़ाई होई।

खास चेलन 11:28

उनमा से अगबुस नाम के एक जने ठाढ़ होइके, पबित्र आत्मा के प्रेरना से इआ बताइन, कि सगले संसार माहीं बड़ा अकाल परी, अउर उआ अकाल राजा क्लौदियुस के समय माहीं परा।