दरसनन के बातँय 2:23 - Bagheli Bible

²³ हम ओखे लड़िका बिटिअन काहीं मारि डारब; अउर तब सगली मसीही मन्डली जान लेइहँय, कि हिरदँय अउर मन काहीं जाँचय-परखँय बाले हमहिन आहेन, अउर हम तोंहरे पंचन म से हरेक काहीं, उनखे कामन के मुताबिक बदला देब।

दरसनन के बातँय 2:23 ပူးပေါင်းရင်းမြစ်များ

मत्ती 16:27

हम ईं सगली बातन काहीं एसे कहित हएन, कि जब मनई के लड़िका, अपने पिता परमातिमा के महिमा माहीं, स्वरगदूतन के साथ अइहँय, उआ समय, ‘ऊँ हरेक जन काहीं उनखे कामन के मुताबिक प्रतिफल देइहँय।’

लूका 16:15

तब यीसु उनसे कहिन, “तूँ पंचे त मनइन के आँगे अपने-आप काहीं बड़ा धरमी ठहरउते हया, पय परमातिमा तोंहरे मन के बात काहीं जानत हें, काहेकि जउन चीज मनइन के निगाह माहीं महान ही, उआ परमातिमा के नजर माहीं तुच्छ ही।

यूहन्ना 21:17

तब यीसु समौन पतरस से तिसराय कहिन, “हे समौन, यूहन्ना के लड़िका, का तूँ हमसे प्रेम करते हया?” तब पतरस उदास होइगें, कि यीसु तिसराय अइसन कहिन हीं; कि “का तूँ हमसे प्रेम करते हया?” तब समौन उनसे कहिन, “हे प्रभू, अपना त सबय जानित हएन, अउर इहव जानित हएन, कि हम अपना से प्रेम करित हएन”, इआ सुनिके यीसु उनसे कहिन, “हमरे गड़रन काहीं चराबा।”

यूहन्ना 4:16

यीसु ओसे कहिन, “जा, अपने मंसेरुआ काहीं इहाँ बोलाय लाबा।”

खास चेलन 1:24

अउर सगले जने इआ कहिके प्राथना किहिन; कि “हे प्रभू, अपना सगलेन के मन काहीं जानित हएन, इआ प्रगट करी, कि ईं दोनव म से अपना केही चुने हएन।

रोमियन 14:12

एसे हमरे पंचन म से हरेक जन काहीं, अपने-अपने कामन के हिंसाब परमातिमा काहीं देंइ परी।

रोमियन 8:27

अउर सगले मनइन के मन के बातन काहीं जाँच करँइ बाले परमातिमा इआ जानत हें, कि पबित्र आत्मा के इच्छा का ही? काहेकि उआ उनखे पबित्र भक्तन के खातिर परमातिमा के मरजी के मुताबिक उनसे बिनती करत हय।

2 कुरिन्थियन 5:10

अउर हम पंचे इआ देंह के द्वारा जेतने निकहे अउर बुरे काम किहेन हय, उनखर बदला पामँइ के खातिर, एक दिना मसीह के न्याय सिंहासन के आँगे जरूर हाजिर होंइ परी।

गलातियन 6:5

काहेकि हरेक जन काहीं आपन-आपन जिम्मेबारी खुदय उठामँइ परी।

इब्रानियन 4:13

अउर संसार के कउनव चीज परमातिमा के नजर से छिपी नहिं आय, बलकिन ऊँ घलाय जउन हमरे पंचन के काम के हईं, काहेकि संसार के सगली चीजँय, उनखे नजर माहीं खुली हईं अउर देखाई देती हईं।

1 पतरस 1:17

अउर परमातिमा जउन बिना पच्छपात किहे, सगले मनइन के उनखे कामन के मुताबिक न्याय करत हें, उनसे तूँ पंचे हे पिता, कहिके प्राथना करते हया, त अपने-आप काहीं परदेसी समझिके, परमातिमा काहीं सम्मान देत आपन जीबन बिताबा।

दरसनन के बातँय 2:11

जेखर सुनँय के मन होय, उआ सुन लेय, कि पबित्र आत्मा मसीही मन्डलिन से का कहत हय, जउन बिजय पाई, ओही दूसर मउत से हानि न पहुँची।”

दरसनन के बातँय 2:7

जेखर सुनँय के मन होय, उआ सुन लेय, कि पबित्र आत्मा मसीही मन्डलिन से का कहत हय, जउन बिजय पाई, ओही हम उआ जीबन के बिरबा म से, जउन परमातिमा के स्वरगराज माहीं हय, फर खाँइ काहीं देब।”

दरसनन के बातँय 20:12

अउर हम छोट-बड़े सब मरे मनइन काहीं सिंहासन के आँगे ठाढ़ देखेन, अउर किताबँय खोली गईं; अउर पुनि एकठे अउर किताब खोली गे, अरथात जीबन के किताब; अउर जइसन ऊँ किताबन माहीं लिखा रहा हय, उहयमेर उनखे कामन के मुताबिक, मरे मनइन के न्याय कीन ग।

दरसनन के बातँय 20:13

ओखे बाद समुंद्र, ऊँ मरे मनइन काहीं जउन ओमा रहे हँय, दइ दिहिस, अउर मउत अउर अधोलोक, ऊँ मरे मनइन काहीं जउन उन माहीं रहे हँय, दइ दिहिन; अउर उनमा से हरेक के कामन के मुताबिक न्याय कीन ग।

दरसनन के बातँय 22:12

“देखा, हम हरबिन आमँइ बाले हएन; अउर हरेक के कामन के मुताबिक बदला देंइ के खातिर प्रतिफल हमरे लघे हय।

दरसनन के बातँय 6:8

अउर हमहीं एकठे पिअर घोड़ा देखान; अउर ओखे सबार के नाम मउत हय, अउर अधोलोक ओखे पीछे-पीछे हय, अउर उनहीं धरती के एक चउथाई भाग के ऊपर इआ अधिकार दीन ग, कि तलबार, अउर अकाल, अउर महामारी, अउर धरती के बन पसुअन के द्वारा मनइन काहीं मारि डारँय।