दरसनन के बातँय 2:2 - Bagheli Bible

² हम तोंहरे काम, अउर मेहनत, अउर तोंहरे धीरज काहीं जानित हएन; अउर इहव घलाय, कि तूँ बुरे मनइन काहीं बरदास नहीं कइ सकते आह्या, अउर जउन अपने-आप काहीं यीसु मसीह के खास चेला कहत हें, अउर आहीं न, उनहीं पंचन काहीं घलाय तूँ जाँच परखिके लबरा पाया हय।

दरसनन के बातँय 2:2 ပူးပေါင်းရင်းမြစ်များ

मत्ती 7:23

तब हम उनसे साफ-साफ कहि देब, हम तोंहईं पंचन काहीं नहीं जानी। हे कुकर्म करँइ बाले मनइव, हमरे लघे से दूरी चले जा।

यूहन्ना 6:6

पय यीसु इआ बात उनसे एसे कहिन कि देखी कि ऊँ का कहत हें; काहेकि यीसु त खुदय जानत रहे हँय कि हम का करब।

गलातियन 1:7

अउर तूँ पंचे इआ जानिल्या, कि मसीह के खुसी के खबर के अलाबा, कउनव दूसर खुसी के खबर हइअय नहिं आय: पय बात इआ आय, कि कुछ मनई अइसन हें, जउन मसीह के खुसी के खबर काहीं गलत तरीका से बताइके, तोंहईं पंचन काहीं घबराय देत हें।

इफीसियन 4:14

जउने हम पंचे चुने बुदे लड़िका कि नाईं न रही, जउन ठग बिद्या अउर चतुराई के बातन माहीं, अउर दुसरेन के भ्रम माहीं डारँइ बाली बातन माहीं, अउर गलत उपदेसन माहीं परि जात हें, अउर जउनी कइती नहीं जाँय चाहँय ओहिन कइती भटक जात हें।

1 थिस्सलुनीकियन 1:3

अउर अपने पिता परमातिमा के आँगे तोंहरे बिसुआस के काम, अउर प्रेम के मेहनत, अउर हमरे प्रभू यीसु मसीह माहीं आसा के धीरज काहीं लगीतार सुध करित हएन।

1 थिस्सलुनीकियन 5:21

सगली बातन काहीं पहिले जाँचा-परखा जउन निकही होंय, उनहीं अपनाबा।

2 तीमुथियुस 2:19

तऊ परमातिमा जिनहीं चुनिन हीं, ऊँ बिसुआस माहीं पक्की नेव कि नाईं मजबूत बने रइहँय, काहेकि उनखे ऊपर बचन रूपी छाप लगी हय, “कि प्रभू अपने चुने मनइन काहीं पहिचानत हें।” अउर “जे कोऊ प्रभू के नाम के ऊपर बिसुआस करत हय, उआ बुरे कामन से बचा रहय।”

इब्रानियन 6:10

काहेकि परमातिमा अन्यायी नहीं आहीं, कि तोंहरे काम, अउर उआ प्रेम काहीं बिसरि जाँय, जउन तूँ पंचे उनखे नाम के खातिर पबित्र मनइन के सेबा किहा हय, अउर अबे तक कइव रहे हया।

1 यूहन्ना 4:1

हे पियार साथिव, हरेक आत्मा के बिसुआस न माना, बलकिन हमेसा उनहीं जाँच परखिके देखा, कि का ऊँ परमातिमा के तरफ से आहीं कि नहीं? इआ बात हम तोंहसे एसे कहि रहेन हय, काहेकि झूँठ बोलँइ बाले खुब नबी संसार माहीं तइआर होइगे हँय।

दरसनन के बातँय 2:5

तूँ हमसे पहिले केतना प्रेम करत रहे हया, अउर अब केतना प्रेम करते हया, ओही सुध कइके, पस्चाताप करा, अउर पहिले कि नाईं काम करा; अउर अगर तूँ पस्चाताप न करिहा, त हम तोंहरे लघे आइके, तोंहरे दीबट काहीं उआ जघा से हटाय देब।

दरसनन के बातँय 2:6

पय हाँ, तोंहरे माहीं इआ बात त हय, कि तूँ गलत सिच्छा देंइ बाले नीकुलाई दल के कामन से नफरत करते हया, जिनसे हमहूँ नफरत करित हएन।

दरसनन के बातँय 2:9

हम तोंहरे कस्ट अउर गरीबी काहीं जानित हएन; (पय तूँ धनी हया) अउर जउन मनई अपने-आप काहीं यहूदी कहत हें, अउर आहीं न, बलकिन सइतान के सभा आहीं, उनखे बुराई काहीं घलाय जानित हएन।

दरसनन के बातँय 3:1

सरदीस के मसीही मन्डली के दूत काहीं इआ लिखा, “जिनखे लघे परमातिमा के सातठे आत्मा, अउर सातठे तरइया हईं, ऊँ इआ कहत हें, कि हम तोंहरे कामन काहीं जानित हएन, कि तूँ जिन्दा त कहउते हया, पय हया मरे।

दरसनन के बातँय 3:15

हम तोंहरे कामन काहीं जानित हएन, कि तूँ न त ठंड हया, अउर न गरम, इआ भला होत, कि तूँ ठंड इआ कि गरम होत्या।

दरसनन के बातँय 3:8

हम तोंहरे कामन काहीं जानित हएन; देखा, हम तोंहरे आँगे एकठे दुअरा खोलिके रखे हएन, जउने काहीं कोऊ बन्द नहीं कइ सकय; तोंहार सक्ती थोरिन काहीं त हय, तऊ तूँ हमरे बचन काहीं पालन किहे हया, अउर हमरे नाम काहीं इनकार नहीं किहे आह्या।