दरसनन के बातँय 2:19 - Bagheli Bible

¹⁹ हम तोंहरे कामन, अउर प्रेम, अउर बिसुआस, अउर सेबा, अउर धीरज काहीं जानित हएन, अउर इहव जानित हएन, कि तोंहार पिछले काम, पहिल कामन से बढ़िके हें।

दरसनन के बातँय 2:19 ပူးပေါင်းရင်းမြစ်များ

लूका 1:23

जब उनखे सेबा करँइ के दिन पूर होइगें, तब जकरयाह अपने घर चलेगें।

यूहन्ना 15:2

हमरे हरेक उन डेरइअन काहीं, जउने माहीं फर नहीं लागँय, ऊँ काटि डारत हें, अउर हरेक उन डेरइअन काहीं जउन फरती हईं, ऊँ छाँटत हें, जउने उनमा अउर जादा फर लागँय।

कुलुस्सियन 3:14

ईं सगली बातन से बढ़िके प्रेम काहीं अपनाय ल्या, जउन एक दुसरे काहीं आपस माहीं जोड़िके, प्रेम माहीं भरपूर करत हय।

1 थिस्सलुनीकियन 3:6

पय अबहिनय तीमुथियुस, जउन तोंहरे लघे से हमरे लघे आइके, तोंहरे बिसुआस, अउर प्रेम के निकही खबर सुनाइन हीं, अउर इआ बात काहीं घलाय बताइन हीं, कि तूँ पंचे हमेसा प्रेम के साथ हमहीं पंचन काहीं सुध करते हया, अउर हमहीं पंचन काहीं देखँइ के इच्छा करते हया, जइसा हमहूँ पंचे, तोंहईं देखँइ के इच्छा करित हएन।

2 थिस्सलुनीकियन 1:3

हे भाई-बहिनिव, तोंहरे बारे माहीं हमहीं पंचन काहीं, हर समय परमातिमा काहीं धन्यबाद देत रहँइ चाही, अउर इआ उचितव हय, एसे कि तोंहार बिसुआस खुब बाढ़त जात हय, अउर तोंहार सगलेन के प्रेम घलाय आपस माहीं खुब बाढ़त जात हय।

1 तीमुथियुस 1:5

हमरे समझामँइ के मतलब इआ आय, कि सुद्ध मन से अउर अच्छे सोच-बिचार से, अउर निस्कपट बिसुआस से प्रेम उत्पन्न होत हय।

1 पतरस 4:8

अउर सबसे बड़ी बात त इआ हय, कि एक दुसरे से जादा से जादा प्रेम करा; काहेकि प्रेम अनगिनत पापन काहीं मूँद देत हय।

2 पतरस 1:7

अउर भक्ती माहीं भाईचारा के दया, अउर भाईचारा के दया माहीं प्रेम काहीं बढ़ाबत चला।

2 पतरस 3:18

बलकिन हमरे पंचन के प्रभू, अउर मुक्ती देंइ बाले यीसु मसीह के किरपा, अउर पहिचान माहीं आँगे बढ़त जा। उनहिन के महिमा अबहिनव होय, अउर जुगन-जुगन तक होत रहय। आमीन।

दरसनन के बातँय 2:13

हम इआ त जानित हएन, कि तूँ उहाँ रहते हया, जहाँ सइतान के सिंहासन हय; अउर तूँ हमरे नाम माहीं बने रहते हया; अउर हमरे ऊपर बिसुआस करँइ से, उन दिनन माहीं पीछे नहीं हट्या, जउने माहीं हमार बिसुआस के काबिल गबाह अन्तिपास, तोंहरे पंचन के बीच माहीं, उआ जघा माहीं मार डारा ग, जहाँ सइतान रहत हय।

दरसनन के बातँय 2:9

हम तोंहरे कस्ट अउर गरीबी काहीं जानित हएन; (पय तूँ धनी हया) अउर जउन मनई अपने-आप काहीं यहूदी कहत हें, अउर आहीं न, बलकिन सइतान के सभा आहीं, उनखे बुराई काहीं घलाय जानित हएन।