दरसनन के बातँय 2:16 - Bagheli Bible

¹⁶ एसे मन फिराबा, नहीं त हम तोंहरे लघे हरबिन आइके, अपने मुँहे के तलबार से उनखे साथ लड़ब।

दरसनन के बातँय 2:16 ပူးပေါင်းရင်းမြစ်များ

इफीसियन 6:17

अउर मुक्ती रूपी टोप, अउर आत्मा के तलबार जउन परमातिमा के बचन हय, ओही लइ ल्या।

2 थिस्सलुनीकियन 2:8

तब उआ अधरमी प्रगट होई, जउने काहीं प्रभू यीसु अपने मुँहे के फूँक से मारि डरिहँय, अउर अपने आमँइ के तेज से भसम करिहँय।

दरसनन के बातँय 1:16

अउर ऊँ अपने दहिने हाँथ माहीं सातठे तरइया लए रहे हँय, अउर उनखे मुँहे से दुइ धार बाली चोंख तलबार निकरत रही हय; अउर उनखर मुँह अइसन चमकत रहा हय, जइसन सुरिज तेज घाम के समय चमकत हय।

दरसनन के बातँय 16:9

अउर मनई बड़ी लपट से जरिगें, अउर बिपत्तिन के ऊपर अधिकार रक्खँइ बाले परमातिमा के नाम के बुराई किहिन, पय उनखर बड़ाई करँइ के खातिर आपन मन नहीं फिराइन।

दरसनन के बातँय 19:15

अउर जाति-जाति काहीं मारँइ के खातिर उनखे मुँहे से एकठे चोंख तलबार निकरत ही, ऊँ लोहे के राजदन्ड लए, उनखे ऊपर राज करिहँय, अउर ऊँ सर्बसक्तिमान परमातिमा के, भयानक कोप के जलजलाहट के मदिरा के कुन्ड माहीं अंगूर रउँदिहँय।

दरसनन के बातँय 19:21

अउर बाँकी मनई उआ घोड़ा के सबार के तलबार से, जउन ओखे मुँहे से निकरत रही हय, मार डारे गें, अउर सगले पंछी उनखे माँस से संतुस्ट होइगें।

दरसनन के बातँय 2:12

पिरगमुन के मसीही मन्डली के दूत काहीं इआ लिखा, कि “जिनखे लघे दुइ धार बाली निकही चोंख तलबार ही, ऊँ इआ कहत हें, कि

दरसनन के बातँय 2:5

तूँ हमसे पहिले केतना प्रेम करत रहे हया, अउर अब केतना प्रेम करते हया, ओही सुध कइके, पस्चाताप करा, अउर पहिले कि नाईं काम करा; अउर अगर तूँ पस्चाताप न करिहा, त हम तोंहरे लघे आइके, तोंहरे दीबट काहीं उआ जघा से हटाय देब।

दरसनन के बातँय 22:20

जे ईं बातन के गबाही देत हें, ऊँ इआ कहत हें, “हाँ, हम हरबिन आमँइ बाले हएन।” आमीन। हे प्रभू यीसु अई!

दरसनन के बातँय 22:7

“देखा, हम हरबिन आमँइ बाले हएन! धन्य हय उआ, जउन इआ किताब के भबिस्यबानी के बातन काहीं मानत हय।”

दरसनन के बातँय 3:19

अउर हम जेसे-जेसे प्रेम करित हएन, ऊँ सगलेन काहीं डाँट-फटकार लगाइत हएन, एसे उत्साही बना, अउर मन फिराबा।